Disse weke praoten we in Huus en Hiem mit de jongelui van de band Asbest.
Zanger Jannes Scheltinga en bassist Roan Lighthart strieken in de studio daele en samen mit Brent van der Meer maekt dit trio sund 2023 meziek.

Neffens de manluden is de stijl niet in ien woord te vangen.Rock and Roll mit wat blues invloeden. En ze bin niet bange om wat kontroversieel te wezen.
De zanger het et Stellingwarfs bestudeerd en d’r wat zien eigen dri’j an geven.Want Stellingwarfs is een stoere tael en dat past vule beter bi’j oonze meziek dan et Hollaans aldus Jannes.

Disse weke praoten we in  Huus en Hiem mit Otto de Vent uut de Fochtel.

Otto wod wel omschreven as streekkenner en groot vergaerder van alles wat mit historie te maeken het.

In de uutzending praoten we over De Fochtel en zien veldnaemen. Otto zien liefhebberi’jen en zien interesse in deStellingwarver tael.

Disse weke praoten we in  Huus en Hiem mit Hester van der Werff.
Hester is de initiatief neemster van De Kleine Boerderij, een gruuntetuun veur meensken mit een smalle beurs.

Zi’j is de tuun in Oosterwolde begonnen en sund 2 jaor het zi’j 1ha laand op De Fochtel.

Et idee achter Hester heur gruuntetuun is dat de meensken mit een smalle beurs gezond en onbewarkt eten kunnen kriegen.

In de uutzendig vertelt Hester over heur eigen tuun en over De Kleine Boerderij.

Disse weke praoten we in  Huus en Hiem mit Sietske Bloemhoff.
Sietske is stark mit et Stellingwarfs verbunden. Zi’j is as muziekaant altied doende west  mit meziek maeken. Waoronder ok in et Stellingwarfs. Zi’j is bij de Schrieversronte kommen te warken en kreeg onderwies af heur warkgebied. Sietske is jaoren doende west mit et maeken van heemkunde materiaolen en prejekten. Laeter is zi’j direkteur van de Schrieversronte wodden. Nao 35 jaor jaor bi’j de Schrieversronte warkzem te wezen is ze mit pensioen gaon.
Now is ze drok doende mit et samenstellen van een peer boeken die volgend jaor uutbrocht gaon wodden.

Disse weke praoten we in  Huus en Hiem mit Roely Bakker uut Makkinge.
Roely is niet in de Stellingwarven opgruiid en het op laetere leeftied de tael leert. Doe had ze de smaek zo te pakken dat ze ok in et Stellingwarfs is gaon schrieven. En dat gong niet onverdienstelik. Roely schrieft kotte verhaelen en gedichten. Het twie boeken uutbrocht en mit heur kleindochter de StellingwarverSchrieveri’je Pries kregen.
Roely vertelt in de uutzending over heur schriefwark en waor as zi’j nog meer doende mit is.

Disse weke praoten we in  Huus en Hiem mit Anita Boel en Oscar Weehuizen over et platform "Dit is Ooststellingwerf".
Et platform is opricht om meensken die wat veur hun dörp, streek, wiek of gemiente doen willen te ondersteunen. Zo kuj’ hulpe kriegen bi’j een subsidie-anvraoge, bestuurs zaeken, mantelzorg en vien ie hier ok inspiraosie veur vri’jwilligerswark.

Anita en Oscar praoten oons bi’j over et initiatief.

In de 23e uutzending van Huus en Hiem praoten we mit Daniël Oostra, zanger uut Zaandhuuzen.
Daniël zingt al van jongs of an en treed ok hiel geregeld op in de regio. Hi’j zingt meziek van aanderen mar het ok eigen meziek uutbrocht. Deur ziekte is Daniël een tied niet mit meziek bezig west. Mar gelokkig het hi’j et zingen weer oppakt en het hi’j zels een ni’je singel uutbrocht.
In de uutzending vertelt Daniël over zien wark en ziekte en kuwwe naor zien meziek luusteren.

In de 22e uutzending van Huus en Hiem praoten we mit meziek groep De Klebienders.
Dit trio manluden bestaont uut Johnny Mulder,  Bauke Modderman en Jan Oosterhof uut Wolvege , zingt veurnaemelik acapella. Ze bewarken bestaonde meziek, mar schrieven zels ok nommers. In de uutzending kuj’ de mannen live zingen heuren.

In de 21e uutzending van Huus en Hiem praoten we mit Jan Koops. Jan is veurganger in PKN karken in et noorden van Nederlaand, is arg interesseert in de historie van de Stellingwarven, doet graeg onderzuuk over alderhaande zaeken en schrift hier ok over. Wekeliks is d’r een kollum van Jan op omrop Fryslân te beluusteren. Al mit al kuwwe zeggen dat Jan drok doende is en breed interesseert is.

In de twintigste uutzending van Huus en Hiem praoten we mit Jelke Nijboer.
Jelke is wethoolder in Ooststellingwarf en verantwoordelik veur sport, onderwies en wonen.
We praoten over et wark van een wethoolder. Wat doej’ zo op een dag, in een weke. En waoromme hi’j keuzen het veur de PVDA as zien perti’je.
Jelke vertelt waor as de gemiente doende mit is op et gebied van onderwies, wonen en sport.
Hi’j vient et hiel belangriek dat de jeugd him bi’j een woningstichting inschrieft, omredens ie de jeugd zo in een dörp holden kunnen.
We praoten ok over et geld dat vanuut de perveensie an et Stellingwarfs spendeerd wod. Neffens Jelke en vule aanderen et gebrek an geld, aj’ de ni’je taelnota 2025-2028 lezen. Et leste woord is hier dan ok nog niet over vallen as et an Jelke ligt.

In de achtiende uutzending van Huus en Hiem praoten we mit Thomas Rovers. Thomas maekt mit zien bedrief Story Driven films en dokementaires.

Veur de Schrieversronte het Thomas et kienderboek ‘Daor klept de klokke weer’ verfilmd. Een histories verhael over de Stellingwarven in de middelieuwen.

Over et Fochtelervene het Thomas een dokementaire maekt ‘van iestied naor wieshies’. In de uutzending praoten we over disse projekten en ere projekten die Thomas daon het en nog doende mit is.

Daor Klept De Klokke Weer (youtube.com) Et Fochtelervene - Van Iestied Naor Wieshied (een documentaire over het Fochteloërveen) (youtube.com)

In de zeuventiende uutzending van Huus en Hiem praoten we mit Peter Hiemstra. Peter is keunstener en veurzitter van keunstroute Eupen Stal in Berkoop.
Eupen Stal is de ooldste keunstroute van Nederlaand en bestied al 53 jaor.
Peter nimt oons mit in et onstaon van de route en verteld wat d’r dit jaor op et pergramme staot.
Et thema van 2024 is Droomland. Eupen Stal is te daegeliks te bezuuken van 27 juli tot en met 25 augustus tussen 13.00 en 18.00 ure.

In de zestiende uutzending van Huus en Hiem ontvangen we Harmen Houtman in de studio.
Harmen is al 52 jaor ant schrieven. In meert van dit jaor het hi’j veur zien hiele euvre de H.J.Bergveldpries uutriekt kregen.
Harmen is een veulziedige schriever. Zo schrieft hi’j kotte verhealen, gedichten, meziekteksten en revu’s. Dit doet hi’j in et Stellingwarfs, Nederlaans en en Fries. We praoten over zien wark en kommen tot de ontdekking dat Harmen daegeliks twie uren schrieft en dat hi’j produktiever is as ooit.

We verrassen him mit et ni’je liet dat Lammy Bruyns maekt het op een tekst van Harmen zels, "Rapide".

In de vuuftiende uutzending van Huus en Hiem ontvangen we Lammy Bruyns in de studio.
Lammy speult al sund heur zesde jaor op de accordeon. Dit gong niet onverdienstelijk. Zi’j het tal van Friese en Nederlaanse kampioenschoppen wonnen. We praoten over meziek en de ontwikkeling an heurzels as muziekaant.
Hiel biezunder is dat Lammy een ni’j nummer maekt het op een tekst van Harmen Houtman. ‘Rapide’ dit nummer speult ze veur et eerst in oonse uutzending. Een primeur!
Nao et luusteren het Lammy nog een peer toevoegings:

-Corry de Reuver= Annie de Reuver

-Wedstrijd  Oosterwolde = Appelscha

-David Hartsema- Lenny Kuhr- De Troubadour- winnares Songfestival 

-De 1ste leraar was Chris de Vries uit Noordwolde

-De chauffeur was Piet Schulting uit Noordwolde. 

-Holtpae = De Hoeve

In de veertiende uutzending van Huus en Hiem ontvangen we Désiree Dijkstra van Stichting Stiekm Trots.

De stichting is opricht om ondernemers uut Weststellingwarf an mekeer te bienden en om te laoten zien waor awwe as Stellingwarvers trots op wezen meugen.

D’r is een webstee mit een protte infermosie over ondernemers, aktiviteiten in de regio en tips om te doen aj hier wonen of op vekaansie binnen. Kot leden is d’r een tiedschrift uutbrocht waor ok een protte van disse infermaosie in te vienen is. Mooi om van Désiree te heuren dat et broest in de Stellingwarven en dawwe daor hiel trots op meugen wezen.

In de datiende uutzending van Huus en Hiem gaon we bi’j Pieter Jonker langes.
Pieter is ien van de oprichters van de Stellingwarver Schrieversronte  en is uuteindelik 32 jaor warkzem veur de Stichting west. Hi’j vertelt over et wark dat hi’j in die tied daon het.
Now is Pieter al jaoren aktief mit Stichting Nobilis. Op De Fochtel is een centrum veur prentkeunst woar Pieter now al zien energie kwiet kan. We hebben een alderaorigst gesprek mit disse taelveurvechter zoas hi’j himzels nuumt.

In de twaelfde uutzending van Huus en Hiem ontvangen we Attie Nijboer.
Attie is hiel aktief mit de Stellingwarver tael. Zi’j schrift gedichten over aktualiteiten en zaeken die as heur bezig holden. Ze is spreekster bi’j uutveerten en dot dit op verzoek ok in et Stellingwarfs. En ze zit in de warkgroep ‘Alles rondom Taal’ van stichting Kunstwerf. Kotomme d’r is genoeg stof om over te praoten mit Attie.

In de elfde uutzending van Huus en Hiem ontvangen we Geert Lantinga.
Geert is een echte netuurman. Hi’j kan prachtig vertellen over alles wat gruuit en bluuit in de Stellingwarven. Naost al disse kennis is Geert ok slim intereseert in de geschiedenis.

In de uutzendig praot hi’j over de bewoningsgeschiedenis van de Stellingwarven en over de ontwikkeling van de bojem. De bojem kan een protte vertellen over een streek en kan verklaoren waoromme een gebied d’r now zo uutziet.

In de tiende uutzending van Huus en Hiem ontvangen we Roelof en Sjoukje Bakker van museum ’t Kiekhuus uut Wolvege. ’t Kiekhuus is gien gewoon museum, Roelof en Sjoukje wonen in et pand en as bezuker kuj’ een kiekien in hun huus nemen.

Ze verzaemelen veur oorlogse spullen en in de meer as 35 jaor dat ze verzaemelen, hebben ze een een protte ruumtes vult. Zo kuj’ onder aandere een schoelelekaol, een krudenierszaeke en segare winkeltien bekieken. Naost et museum bin d’r een protte aandere aktiviteiten die as ze organiseren. De muuite van et luusteren, mar zeker ok een bezoek weerd.

In de negende uutzending van Huus en Hiem ontvangen we Freddie de Vries.
Freddie is een echte netuurman. Hi’j geft rondleidings deur et Fryske Gea, het een protte verstaand van voegels en schrieft verhaelen in et Stellingwarfs o.a. veur de Ovend, de Voegelwacht en et dörpsblad van Holtpae.

Bi’jkotten komt zien twiede boek mit verhaelen uut.