執念是一陣不散的風，是帶著未說完的話吹過舊夢的門縫。
執念也是落在時間皺褶裡刺痛人心的針，是卡在齒輪間頑固的沙。
有人把它藏進笑裡，有人任它在眼底打轉。
它教人在煙火裡尋光，也讓人在光裡看見灰。
今夜，讓我們聽聽，那些在執念之中悄悄腐朽，卻又偷偷盛開的靈魂。
「究竟點做你先會當我係朋友！」今集節目我地由「朋友」二字出發，分享忠誠，信任，同最緊要既 *好朋友之大禁忌* 🚥 一齊嚟聽下djs對朋友一齊做野同公開尷尬事嘅睇法，仲要講埋友情愛情二揀一，唔知你又點諗呢？💩星期日晚嚟聽節目嘅你就係夠晒「老友」啦！
無論係街頭上遇到嘅陌路人、突如其來嘅巧合，定係一段令人會心微笑嘅對話，甚至荒謬得令人難忘嘅遭遇，你又記得幾多呢？今個星期日，嚟一齊分享你經歷過嘅得意小故事，將生活嘅細水長流變成平凡日子裡嘅小驚喜。帶住輕鬆心情，享受生活，尋找日常小奇遇💌
話咁快2024年又到尾聲啦喎🫢今個星期日就等DJ林肯、DJ紅茶同埋DJ蘑菇為我地帶來一系列精彩話題，涵蓋2024年的重大事情與討論🤩從奧運會⛹🏻、加拿大的減稅措施💵，到太空探索📡和F1賽車🏎️的最新動態，仲有美國總統選舉同埋音樂界的熱點 -Taylor Swift嘅 《Eras Tour 》我們將一日深入探討！千祈唔好錯過啦
唔知大家呢排有冇沉迷睇Threads呢?😏 到底爆紅嘅Threads係乜嘢?😮今個星期日有DJ鏟泥莎、DJ益力多同DJ柏豪同大家一齊探討Threads爆紅嘅原因，分享喺上面各種有趣嘅貼文仲有分析唔同嘅流量密碼。記住收聽睇下同你平時睇開嘅Threads係咪一樣喇。🤩
你係天生領袖定係冷面分析師？🦹🏻♂️ 係熱情洋溢的冒險家定係沉穩內斂的守護者？🧙🏼
今個星期日晚8點至9點，DJ 愛麗絲, DJ 布甸同埋DJ牙駿同大家一齊顛覆傳統，趣談MBTI性格類型，用最戲劇化既方式帶你躲藏係內心深處的「第N種人格」。揭露性格類型的秘密技能，等你在人際江湖中無往不利！快睇一齊解鎖你既第五人格，正面自己既無限可能！🌈
香港樂壇喺零零年代經歷咗一次重要轉變，從經典偶像文化到多元風格崛起，造就咗一段充滿創意嘅音樂時代。喺呢一集入面，我哋會回顧呢個時期嘅代表人物同金曲，並深入討論新時代音樂人點樣透過創新同堅持喺數碼化與全球化浪潮中重塑香港音樂。從K歌經典到新世代嘅實驗性作品，帶你一次過感受兩個時代嘅交替與碰撞！
DJ 黃蜂，DJ諾衡, DJ一拳
又嚟到一年一度嘅萬聖節特輯喇👻 適逢萬聖節，就等我哋一齊深入了解香港地區恐怖故事！今次仲有全新加入觀眾投稿環節，大家記住準時8點叫埋朋友仔同屋企人熄住燈一齊聽！！
今個週末就聽吓DJ 黃蜂，DJ諾衡同埋DJ一拳分享佢哋遇到嘅靈異經歷 🎃 👻
DJs: DJ西瓜，DJ浩天，DJ蠔
何謂生？何謂死？擁有自主意識嘅機械人究竟仲係咪死物？ 何謂真？何謂假？比男女朋友更迎合你心嘅人工智能又係咪戀愛對象？
相隔二千幾年，人工智能終於由幻想變成事實。究竟現有技術同古人嘅期望有幾大落差？現代科幻電影又點睇未來嘅發展？
邁向21世紀中期，各行各業都積極應用人工智能系統，人類正係面臨結構性失業危機。假如實踐全自動化嘅話，意外應由邊個負責？
今個星期日晚8點至9點，有DJ西瓜，DJ浩天同DJ蠔仔，同大家實測吓呢個劃時代嘅電腦科技！
DJs： DJ小學雞， DJ華Dee， DJ奶茶
你覺得人性本善👼🏻，定人性本惡😈
我哋人生中遇到過形形色色嘅人，
每一個人都曾經陪伴/促使咗我哋成長，🫂
你又有冇遇到過一啲令你印象好深刻嘅人與事🧚🏻♂️
今個星期日晚8點至9點，DJ小學雞，DJ華Dee同DJ奶茶同大家分享吓佢哋嘅經歷同埋睇法啦🫶🏻
DJs: DJ鏟泥莎，DJ蔡車手
細細個大家睇電視嘅時候可能曾經有過「我要做明星！」之類嘅諗法✨
但現實中亦都係會被「興趣唔可以當飯食」 「做咩喺度發明星夢」呢啲說話令到自己放棄左呢個念頭😵💫
但係有無諗過其實係因為自己妄自菲薄而導致錯過左一啲機會呢💬
無論係咩夢想，都應該去努力實現，爭取自己嘅理想人生🌟
今個星期日晚8點-9點，DJ鏟泥莎，DJ蔡車手，演員Kevin朱鑑然，同歌手Sabrina張蔓莎將會同大家分享佢地嘅個人經歷同埋一齊探討下究竟興趣可唔可以當飯食呢?🫶🏻
DJs: DJ 豆腐花, DJ 維他奶, DJ 88
作為大學生，我哋都有想同朋友旅行嘅計劃😌 係依個過程中，又要諗去邊又要諗點去，仲要擔心埋會唔會好玩同埋舒服 😮💨 通過我哋每個人嘅旅行經驗，我哋三位DJ 會介紹佢哋覺得好同唔好嘅航空公司，同頭三嘅旅游地點 ✈️🌍
想知多啲嘅話，記得今個禮拜日晚8至9準時留意DJ豆腐花，DJ維他奶同DJ 88嘅推薦啦！
DJs: DJ蠔仔，DJ悟空，DJ西瓜，DJ黃蜂，DJ愛麗絲，DJ奧雲
唔知今年大家情人節點過呢，相信咁多位都係冇仔食，冇女溝。😭向大家保證，今年情人節冇伴侶嘅你先至係絕對嘅王道，因為幸福嘅你今年可以同我哋六位DJ一齊圍爐取暖，大談暗戀往事同溝仔溝女技巧🤧。節目亦會為大家送上溝女神曲，為大家嘅未來作準備。備注：呢個節目只會今年出現一次，因為相信大家聽完呢個節目之後，下年情人節肯定唔得閒❤️🤪
DJs: DJ西瓜，DJ河童，DJ開鎖佬，DJ奧雲，DJ尼奧, DJ阿潁
2023年有太多值得我們回味嘅熱門歌曲。今個星期日晚8點到9點，由DJ西瓜，DJ河童，DJ開鎖佬，DJ奧雲，DJ尼奧同DJ阿潁去同大家聽下2023 Spotify 最受歡迎歌曲。從跳躍嘅流行曲到纏綿嘅情歌，帶您穿越各種音樂風格，一齊欣賞引領潮流嘅音樂。
DJs: DJ甜咖喱，DJ西瓜，DJ黃蜂
2023年真係眨吓眼就過咗去，唔知大家今年又過成點呢？有冇達到年前設定嘅目標？定係Hea下Hea下又一年呢？😗今年發生咗好多世界大事，有科技嘅進步，有戰爭嘅摧殘，有經濟嘅衰退。香港更加出現歷史性新高嘅斬人事件。😢
今個星期日晚8點到9點，由DJ甜咖喱，DJ西瓜同DJ黃蜂去同大家回顧一下幾件2023年標誌性嘅事件，千祈唔好錯過😌🌎
DJs: DJ小白，DJ88 ，DJ浩天
人同機械🤖其中一樣最大嘅分別就緊係要瞓覺啦。究竟人點解要瞓覺呢？唔瞓覺咪可以煲廿四個鐘劇囉😌，又或者打廿四鐘機又得。得左！咁諗就大錯特錯啦，知唔知人唔瞓係會衰老加速🫥，高血壓、心血管疾病、癲癇發作等等，最嚴重可能會猝死添架！😨所以唔想死就記得聽今個星期嘅節目，聽下人要瞓幾多個鐘同埋點樣改善睡眠啦！
今個星期日8點至9點DJ小白，DJ88同DJ浩天會分享下瞓覺究竟係一門點樣嘅學問🌟
DJs: 有DJ 華Dee，DJ 牛奶樽, DJ 阿強
相信對留學生們來講，其中一件最有共鳴嘅事就係住屋問題🏘️每個離鄉別井嘅留學生在所難免都會經歷過一段喺寄宿家庭或者學校宿舍嘅生活。無論係邊一樣，對於要去一個未知嘅空間展開新生活，或多或少都會有啲壓力或者感到好迷惘😵💫
今個星期日晚8點至9點，有DJ 華Dee，DJ 牛奶樽同 DJ 阿強同大家分析一下分別喺寄宿家庭同學校宿舍嘅唔同經歷同埋趣事🤪🫵🏻
DJs: DJ豆腐花，DJ悟空
姜濤，一個街知巷聞嘅故事。一位年輕人突然被捧成為超級偶像嘅故事。為何姜B受盡姜糖萬般寵愛😍，同時亦受到千夫所指？🤔
今集有我哋DJ豆腐花，DJ悟空，同埋一位社會學專家🤓上嚟同我哋一齊激烈地討論討論呢位受盡爭議嘅藝人與樂壇嘅關係。如果想見到血流成河嘅觀眾千祈唔可以錯過！
DJs: DJ蠔仔，DJ叮噹， DJ Koso
比你擁有無窮無盡嘅生命，你又想唔想要呢？
想要嘅話，你又會點運用自己無限嘅壽命呢？
自古以來，長生不老都係有權有勢嘅人至高無上嘅追求。
中國歷史有秦始王試煉長生不老藥，意外發明火藥。西方歷史有才德兼備之人先有資格進入嘅英靈殿。
咁究竟21世紀，長生不老係科學上又可唔可以解釋到呢？可以實現嘅話，又會衍生出啲咩問題呢？
今個星期日晚8點至9點，有DJ蠔仔，DJ叮噹同DJ Koso，同大家解析吓依個困擾咗人類上千年嘅難題！
DJs: DJ奶茶，DJ維他奶，DJ鏟泥莎
🏫中學生涯係成長嘅必經階段，亦都係唔少人嘅美好回憶，承載住嘅唔單止係同學之間嘅歡聲笑語，仲有十分催眠嘅課堂💤，味道唔太好嘅飯堂食物🤧，淨係得個「曬」字嘅早會🌞，主宰前途嘅公開試💀…真係諗起都打冷震😭
今個星期日8點至9點DJ奶茶，DJ維他奶同DJ鏟泥莎會以佢地分別喺香港同加拿大嘅經歷陪大家一齊回憶返呢段咁特別嘅時光🌟
