Það er komið að sögulokum. Í þessum lokaþætti heyrum við af því hvernig fjölskyldunni í Bifröst vegnar gegnum heila heimsstyrjöld og margs konar óvæntar uppákomur.

Saga Frímanns Jónssonar og fjölskyldu hans er rakin áfram, nú berst leikurinn til Reyðarfjarðar þar sem komið hefur verið upp merkilegri rafstöð og Frímann hlýtur stöðu rafstöðvarstjóra – við misjafnar undirtektir. Fjölskyldan dafnar og enn bætist barn í hópinn.

Furður tímans hellast yfir, gúmmístígvél á fætur og blikkbeljur leysa reiðhesta af hólmi. Bóndasonurinn á Bessastöðum eignast kærustu og stofnar fjölskyldu. Og finnur fjölina sína í nýjasta undri tímans. Brátt kviknar ljós í Fljótsdal.   Lesari Jóhanna Pálsdóttir. Tónlist / Theme music by Crowander (https//www.crowander.com)

Um aldamótin fá landsmenn telegraf og telefón á heilann. Anna er ekki lengur Anna á Skriðuklaustri heldur Anna á Bessastöðum, þangað flytja þau Jón með börnum sínum og brátt drífur að fólk. Jón er kampakátur enda gengur búskapurinn vel en málið vandast þegar frumburðurinn Frímann tekur í sig að ganga menntaveg. Á Eiðum bíða ævintýrin, skólafélagar læra að nota vatnskrana og gera efnafræðitilraunir með karbít og hlandkopp. Þetta og margt fleira í þriðja þætti sögunnar.

Anna litla Jóhannsdóttir flyst á Skriðuklaustur og elst þar upp í fjölmenni og miklu fjöri, sýslumaður sýpur Sunnevunnar skál, Halldór Benediktsson tekur þátt í óvenjulegu spretthlaupi og vinnumaðurinn Jón Jónasson dettur í lukkupottinn. Að ógleymdri blómadrottningunni á Bessastöðum sem hrífur alla með undursamlegum ævintýragarði sínum.

Enn er lagt upp í tímaflakk. Að þessu sinni liggur leiðin austur á land, þar sem þarf að fylgja stúlkukorni þangað sem hún á að vaxa úr grasi. Á Ormarsstöðum eiga sér sorglegir atburðir stað, en Jóhann Frímann Jónsson eldri spáir í græjur og virkjanir, og gefur Tryggva Gunnarssyni kaupstjóra bréflega á snúðinn. Við látum ekki staðar numið fyrr en tannstöngull og eyrnaskafa hans hefur verið seld á uppboði ...   Tónlist eftir / Theme music by Crowander (https://www.crowander.com/)

Áfram að spæjað um systurnar Guðrúnu Ragnheiði og Lilju Kristjönu og þeirra fólk – og loks er hnýttur lokahnútur á þessa sögu sem reynst hefur furðulöng!

Hér segir frá nýju öldinni og hvernig mæðgunum Halldóru, Guðrúnu Ragnheiði og Lilju Kristjönu og því slekti gengur að fóta sig breyttum heimi. Þórður Malakoff droppar inn, sóttvarnarhús Reykjavíkur fær nýtt hlutverk og Benedikt kemst í hann krappan og fær verðlaun frá Valdimar Danaprinsi.

Árið 1891 var ansi viðburðaríkt hjá fjölskyldu Halldóru Randversdóttur en hér er sjónum ekki síst beint að hinum litríka syni hennar, Snorra Snorrasyni. Guðrún Ragnheiður á nýtt upphaf og Halldóra Randversdóttir er að verða búin að fá nóg af öllu saman ...

Reisan heldur áfram og kynslóðaskipi eiga sér stað í sögunni auk þess sem ný kynslóð kemur fram. Og Halldór Daníelsson bæjarfógeti eignast svarinn óvin úr framtíðinni ...

Halldóra og Snorri koma á endanum á áfangastað sem reynist ekki vera Reykjavík. Á ýmsu gengur á nýjum stað og ekki fer allt eins og vonast var til.

Hér er fylgt lífsreisu hjóna á 19. öld og barna þeirra. Í fyrri þætti eru kynni þeirra Halldóru og Snorra rakin, barnsfæðingar og búsetubasl. Sagt er frá flakki um Eyjafjarðar- og Þingeyjarsýslur og suðurferð árið 1872.