Hallöllele und herzlich Willkomme zrugg. Mier mached wieter mitem "Hot or Not" Fragespieli und merked, das nüme ganz so schlaui Frage übrig sind. Mier diskutiered über Instagram und soziali Medie (Wer macht mit bim Insta lösche?). Schlussendlich wirds chli random und d Steffi redet übers kommende Jahr (ohni Ferie) und ihri vergangene Ferie. D Gina bechunnt am Schluss na eh lustigi Nachricht. Scho sehr random hahaha.
Viel Spass bim lose.
Hallihallo ide Minibar. Ih de Folg vo dere Wuche machemer mal wieder es chlises Spieli. "Hot or Not" - mier schwätzed drüber wie gued en Schnautz, Kettene und Chopfbedeckige (für eus) würkli usgend. Drus enstönd lustigi aber au ernsthafti Diskussione. Und für d Gina gits en neue Rapperine Name (d Steffi finded ihre immerno besser). Witer frögemer eus, öbs so öpis wie en "Type" würkli git und wie s Wort Mullet usgsproche wird
Viel Spass bim lose.
Heiheihei. D Steffi möcht sich es Auto chaufe - oder doch nöd ?. Sii isch sich seeehr unsicher. D Gina verzellt vo ihrem Traumauto. Wiiter gahts mit Entscheige zude Chrankekasse, Huuschauf und Masterahmeldige (sehr erwachse, we know). Bald scho es Jahr Minibar und eus gönd d Idee und (irgendwie au) d Motivation us. Mier philosophiered chli über d Gründ für das (s Lebe).
Viel Spass bim lose
Hello again bi eus ide Minibar. D Steffi isch zurück us ihrne Ferie und verzellt es paar lustigi Stories. Tzatziki und Summer eifach beste Leben. D Gina verzellt vo ihrem Wucheend im Usgang - Daydance und ahschlüssende Usgang am Abig. Nüme nüt.
Viel Spass bim lose
Hello hello - danke für eui Geduld mit eus. Mier sind wieder (temporär) zrugg, je nach Lust und Laune. Vo den het vor allem d Steffi hüt beides viel - sie het nämlich vier Wuche Pause. Ferie und Vorbereitig staht ufem Plan. Wieter schwätzemer über de Steffi ihre allerersti Unfall im Strasseverchehr und wie schnell halt öpis (fast) passiert. D Gina schlaft fast ih, chan sich aber grad na so zemmerisse. Am Schluss stellt sii na ihri Vinylsammlig vor. Bis baldrian :).
Viel Spass bim lose
Suprise suprise, mier hend eus trotzdem nöd trennt. Sind also immerno da - juppieduppie. Ih dere Folg stellemer eus Frage, was mier für wie viel Geld mache würed. Mier sind ned chäuflich oder doch? Vorallem isch d Steffi eklig und d Gina geldgeil. Mier blibed toxisch, das fallt eus vor allem am Schluss uf. Aso doch es bizli Seriösität bi all dem Spass.
Viel Spass bim lose
Summerpause vorüber. Und ja mir sind us de Üebig und hend es Problem mit em Ton gha deshalb Ton schlecht heute Sorryy :(
Mier sind zrugggggg eusere chline Summerpause. Sehr motiviert simmer wieder am Start und ihr hoffentlich au ;). Ih dere Folg schwätzemer bedi chli über das, was ih dere Pause passiert isch. D Gina verzellt vo ihrne Ferie & d Steffi isch eigentlich gfühlt nur am schaffe gsi (yeah). Trotzdem het d Steffi ez wieder chli meh Bock wie vorher. De Summer isch gfühlt scho wieder fast verbi. Vorfreud uf de Herbst herrscht zumindest bide Steffi. Am Schluss gits no chli Beef, weil lustig.
Viel Spass bim lose
Welcome back zunere neue Folg vo euem Lieblingspodcast. Es letsts Mal ghöreder eus, bevor mir ih eh (chlini) Summerpause gönd. D Gina verzellt no vom Openair Frauefeld - mittlerwile chli overrated? (D Steffi meint ja, d Gina isch nonig sicher). Wiiter verzellemer eusi Plän über de Summer. Schaffe über de Summer sött doch eifach verbote werde (bitte)! Guets geniessen, guets Glace schlecken, guets eincremen und vor allem guets Energie tanke. Danke, dass ihr eus immerno losed - we will be back soon :)
Viel Spass bim lose
Neui Wuche - neui Folg. D Steffi verzellt vo ihrem letste Usgang (long time no see) und wieso sie sich generell im Usgang nüme so wohl fühlt. Liits am Alkoholkonsum oder ade Lüüt oder ah bedem? Drihlose und usefinde. Mier reded denn über problematischs Verhalte im Üse. Höred mal uf eus nerve, wemmer doch eifach nur chli Spass ha wend.Viel Spass bim lose.
Wohoooo - neui Folg. Mier reded hüt nöd übers erwachse werde, sondern übers erwachse sii. Mal öpis neus, yeah! Mier reded über Indizie, wo zeiged, dassmer erwachse sind. Zum Bispiel, dassmer en Gfrürer im Cheller het - hesch du öpoe eine? Obwohl mier erwachse sind & somit (fast) alles mache chönd womer wend, müemer ab und zue glich na eusne Eltere ahlüte.
Viel Spass bim lose.
Heyyoooo zrugg :). D Steffi isch back usde Ferie (cryyy). Hüt schwätzemer über künstlichi Intelligenz, AI, ChatGPT und de ganzi Shizzle. Isches denn en Shizzle oder retteds eigentlich euses Lebe? Wemmer ehrlich sind, isch ChatGPT scho chli euse Bestie und euses Hirn. Aber das isch nöd immer guet oder? Mier reded über d Gfahre vo all denne Tools und was eus susch noso dezue in Sinn chund.Viel Spass bim lose
Grüezii & willkomme züruck bim beste Podcast vode Welt! D Steffi isch grad ide Ferie & probably imene Tattoo Studio. Mier reded chli über eusi Tattoos & generell Körperkunst. Ganz nachem Motto can't stop won't stop isches für d Steffi eh scho z spat. D Gina het au es paar Tattoo Stories parat. Wie cool wärs eigentlich wenn eh Kollegin oder en Kolleg Tattoos wür steche (mached mal)?
Viel Spass bim lose
Yoyoyooo mier sind wieder back. Zrugg us Budapest & wieder back im normal Life. D Steffi het scho gmeint, dass sie de Podcast usem Spital ufneh muess (it was really close). Anyways schwätzemer über eusi körperliche Verletzige, wo mier scho erlebt hend. Wie oft chamer eh Nase breche? Mengisch bruchtmer eifach chli Glück oder? Schlussendlich landemer bi Patienteverfüegige und eusne Wünsch, was alles no versuecht werde söll und was nöd. P.S.: plsss schwätzed drüber mit eune Liebste.
Viel Spass bim lose
Back again mit enere neue Folg. Nomal mite Laura, wills so schön gsi isch. Mir bewertet euse Budapest Trip und schlüssed drus, dass es eh Reis wert gsi isch. S' Wetter het da sicher eh Rolle gspillt. Denn redemer über s allgemeine Ferie mache & schwätzed über eusi Vorliebene hehehe. En chline Exkurs über s Zwillig sii, s' verwechlse und über Chleider gits au no.
Viel Spass bim losen
Hello hello :) Hüt simmer zum erste Mal z dritte ufem Schlitte (aso im Zug uf Budapest). Eusi ersti Podcastgästin isch am Start - d' Laura. Gut Ding will Weile haben und drum wird die Folg biz (sehr) chaotisch hahaha. Mir schwätzed unter anderem über eusi letsti Unternehmig z dritte, ganz viel random Stuff & denn au eusi letsti Reis z dritte, womer eifach vor sechs Jahr gmacht hend. Generell redemer über Gruppedynamike, vor allem imene Drüergespann. Usserdem redemer drüber, ab wenn Direktheit für eus als frech giltet.
Viel Spass bim lose
Scho wieder eh Wuche verbi, welcome zurück.
Mier fanged grad zerst ah miteme chline Usblick, nämlich eusi gmeinsami Reis nach Budapest (premium Content folgt, stay tuned).
De Steffi ihri Mitbewohnerin isch back vom Reise & drum schwätzemer über s weggah welle & de Alltag. Mier chömed druf, dass viel Lütlis ned so klar chömed uf ihres alltägliche Lebe. Gina verzellt übers Barsterbe in Züri. Wie guet tuet eus en Kontrollverlust durch Konsum? Keine weiss. Mengisch isch au weniger mache meh & mer sött sin Alltag amel chli meh entschlüünige, inere Welt wo immer meh will. Bruchemer wieder meh Spontanität, wie früehner? P.S: de Alltag isch würkli s Lebe.
Viel Spass bim lose
Herzlich Willkomme zrugg binere neue Folg :). Zerst mal startemer mit schockierende News usde Umgebig. Scho crazy. Au Girlgangs sind ez real. Witer verzellt d Gina vom P-Diddy Skandal, au de isch mega problematisch. Irgendwie chömemer denn uf Influencer*inne & ihri Produkt. Euses Getränk folgt gli (wemmer denn fame sind). Mier lesed/beantwortet Kommis vom letste Mal - we see you (viel Liebi).Viel Spass bim lose
Neue Woche neue Podcastfolge :) Hüt schwätzemer über es Thema, wo d Gina mitbracht het - Dating coaches & Alpha males ... Gnauer redemer drüber wie toxic das Ganze isch (sehr fest). Mier gönd dem aso uf de Grund & diskutiered drüber, werum die so sind, wie sie sind & wieso ihres Business ächt funktioniert (Lüge). @Alli - Bitte kenned eue Wert bim date & au sust im Lebe ... Und ja, Fraue nemmed eu würkli d Weltherrschaft weg muahaha, aber bitte niemertem verrate.
Viel Spass bim lose
First time gits de Podcast au mal dusse wohooo. Sonne geniessen. Und zwar ade Rüüss - de besti Fluss wos je hets gits - in Obfelde City. Bim beste Wetter redemer biz über die guete alte Ziite & s' ufwachse im Dorf & Summeraktivitäte. Villicht schaffemers das Jahr endlich mal zeme go böötle? Who knows. D Steffi verzellt vom chrank sii (ungeil) & mier reded drüber, wie schwierig s isch sich hilflos z fühle (no ungeiler). Und irgendwie landemer bide Alte Fabrik hahaha, may she rest in peace.
Viel Spass bim lose
Jojojojoooo willkomme zrugg.
D Folg startet mitere wilde Insekte-Gecko-Story mit Happy End. Mier reded über s Huustierli ha und denn über de Start vom Praktikum vode Steffi. She is tireeeed. D Erzählige vode Jugendliche endet inere deepe Konversation über Zfrideheit im Job, ide Liebi und eifach im Lebe. Und mier fröged eus eimal meh, isch eusi Generation s Problem?
Viel Spass bim lose.
