Heɗito henndu ndun, ko Saharaa on woni e woyde. Himo fadii neɗɗo nunɗuɗo, moƴƴuɗo, ballitoowo mo wiltude kadi.

Porofeseer Omar okkii hoore mum hitaande fii fuɗɗagol ƴewndooji makko e ɗee leɗɗe, o fuɗɗoo aawugol ɗe e nder sahel oo fow. O heɓan ballal Porofeseer Kuwada e sardiŋaajo makko on, Kuwame e Natali on jaɓuɗo wonugol aynoowo kisal suudu ƴewndorndu ndun. Timmoode : ɓay hitaande feƴƴii, mooɓondiral wamngal waɗi, Porofeseer Omar buumiti, holli njaltudi wiɗtooji makko ɗin. Leggal waawungal mawnude ka nder jeerende ! Taalol ngol ko e laataade woni…

Natali e Kuwame haɓɓi hooreejo Poliisiiɓe ɓen, waliisi mbuuɗi on hettii. Janngo mum, Kuwame arti ka suudu ƴewndorndu, o jonniti Porofeseer Omar ordinateer makko on, talkure helndu nduu. O jonni mo kadi feccere finnde (kood) nde Porofeseer Kuwada joginoo nden, wallaynde nden haa piilol “Sahara kecco” udditoo.

Poliisiiɓe ɓen giddani ciwliiɓe ɓen, Kuwame fuutini Porofeseer Omar. Ciwliiɓe ɓen nanngaa. Fow timmiri no moƴƴiri… Kono nde ɓe hewti ka komisariya, yiiloowo « GIETA » on taskii o tawi cottaari ndi ujune 100 ero ndin mutii. Ko hooreejo poliisiiɓe ɓen ƴetti waliisi mbuuɗi on ! Himo faalaa yahdude e Natali.

Kuwame ɓaaƴiri dooy Porofeseer Omar, anndini mo wonnde himo ɗon.  On kadi sifanii Kuwame goowaaɗi Fenjugu ballooɓe mum ɓen. O anndini mo ko wataki hommbo ɓe haami arde fii nanngugol ɓe. Kuwame rutti haalani poliissiɓe ɓen ko woni fewjoore Porofeseer on.  O yiltitii kadi o haalini Porofeseerjo on ko e njamndi honndi poliisiiɓe ɓen arata.

Ko njamɗe seeɗa heddii fii dandugol Porofeseer Omar ! Kuwame e Polisiiɓe ɓen hewtii Darkoy.  E yi’annde Kuwame, huutorgol helikopteer e oo alhaali no hulɓinii fii danndugol ngurdam porofeseer, ko ɗum waɗi o lamndii yo ɓe accu kanko tun, o yaha o ƴeewa no nokkuure nde woniri. O yi’ii daakorde ciwliiɓe ɓen e porofeseer Omar…

Gila ka cuurel kaso makko, Kuwame roɓindii kala o anndi ko faati e ciwlagol Porofeseer Omar. O waɗi ko waawi fow fii yo Poliisi on waɗtu yiila e makko. O haaldi e maɓɓe fii yo ɓe accu o yalta o yahda e maɓɓe ɓayri himo anndi weendu ndun Darkoy. O etii haa ɓe jaɓi naɓorgol mo.

Natali anndinii poliisi on, ɓe nanngii Kuwame ɓe naadii mo kaso !  Ko gila ka cuurel kaso ngel o sokaa e mum ngel o tawtoraa, e hoore alaa ko o waawi waɗude e ngol heblagol poliisiiɓe ɓen fii yahugol nanngoya ciwliiɓe ɓen. Fii Ɗum ɓe huutori helikopterwal otooje 4x4 e aalaaji kaɓirɗi.

Nde ɓe tefi rewɓe gollanooɓe ɓe mo ɓen, Kuwame e Natali humptiii wonnde Fenjugu naɓii Porofeseer Omar Darkoy. Kuwame no anndi nden nokkuure e kadi himo faala yahude ton kisan. Njamndi 14 yonii.  Natali no miijii wonnde ɗum no hulɓinanii Kuwame, ko ɓurani mo ko noddugol Poliis on taho.

Nde ɓe taskii imelji ɗi Porofeseer Omar neldaa ɗin, Natali e Kuwame yiiti imel porofeseerjo inneteeɗo Abuubakari wi’uɗo wonnde himo jeyaa e Iniwersite Ñaamey. Imel mo o neldi fii ɗaɓɓugol ahdi fii yiidugol e Porofeseer Omar, ñannde o ciwlaande nden. Ɓayri o eɓɓindirii ɗii alamaaji (maaleeji), Kuwame faami wonnde Porofeseer Abuubakari e Porofeseer Kuwada fendaandeejo on, ɓee ɗiɗo ko neɗɗo gooto on, anndiraaɗo innde « Fenjugu » ko kanko ciwlii Porofeseer Omar.

Nde ɓe arti Gorom-Gorom, Kuwame e Natali humpitii wonnde ciwliiɓe ɓen noddii ka talifon, ɓe lamndike codtaari.  “GIETA” no okkaa njamɗe  24 fii yoɓugol ujune 100 ero fii yo ɓe waawu danndunde  ngurdam Porofeseer Omar ɗam. Ko njamɗe 15 pet heddii ɗoo e feccere jemma yonude. Kuwame e Natali ruttiike ka cuudu ƴewndorndu fii tefugol alhaali oo Porofeseerjo fenaandeejo Abuubakari.

Nde ɓe arti ka yiilirde Porofeseer Kuwada, ɓe tawi Pofeseerjo fenaandeejo on bagike Porofeseer goongaajo on. Kuwame ndarti toɓɓe ɗe o heɓi ɗen gila fuɗɗi.  Natali e Kuwame lamndii yo Porofeseer Kuwada goongaajo on anndin ɓe feccere finnde (kood) nde o jogii nden ka talkuru makko. Ko ɗum si ɓe waawa janngude piilol inniraangol ngol « sahel kecco » wongol ngol ka ordinateer Porofeseer Omar. Kono haa jooni alkule goɗɗe no heddii,  fii anndugol finnde nden fow. : Ko maa porofeseer Omar yiitee… #Le_Talisman_Brise Le Talisman Brise

To duɗal mawngal Ñaamey, Kuwame yiidii e Natali, tawi kanko kadi himo yalti e ahdi ndi o joginoo kanko e Porofeseer Kuwada !  Porofeseer Kuwada goongaajo on ko neɗɗo juutuɗo cewɗo, mo Kuwame woni e haalude fii mum on ko daɓɓo ɓuttiɗuɗo (njanɗuɗo). Kuwame qirranike Natali wonnde yi’ii ordinateer Porofeseer Omar on. O yi’ii e nder makko pillol heeriingol inniraangol « Sahel kecco » kono ko finnde (kood) honnde ngol pillol udditirtee ? #Le_Talisman_Brise Le Talisman Brise

 Ñaamey ton, Kuwame yiidii e Porofeseer Kuwada, On yamiri mo wota haaldu hay e gooto, tentinii Keliman. O anndaa ADN, ɗum no hawnanii ganndo wiɗtiyankeejo. Himo faalaa yo Kuwame iwu kisan ka duɗal mawngal.

Ka jeere Bubon, neɗɗo haawniiɗo yarni Kuwame tooke e nder njaram ɗam o okkori mo. Caggal ɗum Keliman e makko waɗɗi laakum fii yo waawu hewtoyde Ñaamey tawa ko caangol ngol ɓe jokki. E nder yahdu maɓɓe hiɓe ndaara, lasindoo tenƴina puɗi fuɗuɗi ɗin ka sera ndiyam. Porofeseer Omar ko Jenetisiyenjo, himo waɗa wiɗtooji makko e dow puɗi wonɗi e ngol Caangol Niijeer. Porofeseer Kuwada ko arkewoloogjo himo waɗa wiɗtooji makko e dow ciifi pete (kaaƴe) e kedde ƴi’e kulle e kunte puɗi. Kamɓe ɗiɗo ɓe eɓɓindira  kooduuji jenetik puɗi  hankiiji e hanndeeji…

Ngawlo on goonginani Kuwame wonnde Porofeseer Omar ko fii kaali o ciwlanaa. O reerɗini mo yo yahu Ñaamey e kadi yo o reeno e yimɓe milaaɓe ( reereɗuɓe) suuɗuɓe annuyeeji mum ɓen.  Kuwame e Keleman hewti Ñaamey tawi ko Otokaarwal ɓe ari e mum. Ngal boni ka laawol e nokkuure no wi’ee Budon. Nokkuure woɗɗorde Ñaamey kilooji 20.

Keleman annditii talkuru Porofeseer Omar ndu Kuwame jogii ndun ka juuɗe mum, ɓayri Porofeseer Kuwada  kañum kadi hino jogitii hono mayru ! Keleman wi’ii yo Kuwame ɗowtu mo Ñaamey o yiida e Porofeseerjo makko on. Kuwme arti e toɓɓe feƴƴuɗe ɗen : Poliisi nanngi mo acciti, ƴamal sottaari ndi ciwliiɓe ɓen ƴamti « GIETA », golle wiɗto ɗe Porofeseer Omar e Kuwada hawti ɗen.  O felliti yahugol yiida e Saaju Bokar, ngawlo mo Porofeseer Omar hoolii.

Kileman, ɗowoowo ( ardotooɗo) tuurisɓe to Tonjeedo, arii addorii  ka suudu ƴewndirdu piilol kaydi e geeƴi kiɗɗi ɗi Porofeseerjo makko jannginoowo ka duɗal mawngal Ñaamey neldi. On ko Porofeseer Kuwada. Kileman anndinii Kuweme wonnde Porofeseer Omar e Porofeseer Kuwada no gollidannoo fii wuurnitugol puɗi ado-taariikaaji fuɗannooɗi ka jeereende gila ɗuuɓi 6000 ado hannde …

Ka suudu wiɗtordu, Kuwame e  Natali, ndaari ɓe tawi ɓe ɗiɗo kala hiɓe anndi taalol gootol ngol fii nde jeerende.  Jooni non Kuwame anndii himo waawi hoolaade Natali. O holli mo talkuru Porofeseer Omar ndun. Natali annditi fuɗɗoode taalol winndiingol ngol e hello mayru, Kuwame holli mo finnde tonngaande nden e goya hello. Ɗum no nanndi e finnde ADN, kono no ŋakki ndeya feccere. Talkuru ndun no heli...

Ka Komisariya,  polisiiɓe ɗiɗo lamndii mo  saɗtinani mo sanne.  Kono ka lamndagol ngol timmata ɗon talifon makko on soni (huuni). Humpitaa wonnde ciwliiɓe ɓen no ƴami « GIETA » kaalisi ngam ɓe woppita Porofeseer Omar. Kuwame woppaama (accitaama), Natali nawtii mo ka moto makko on woni ɗon…