Psykologit Mia Olsvig Møller aamma Taitsiannguaq Tróndheim eqqartorpaat aappariittut kamaattarneq. Kamaattarneq qanoq isigineqarsinnaava? Qanorlu aaqqinneqarniarsinnaava?

Psykologit Nivi Wille, Mia Olsvig Møller aamma Taitsiannguaq Tróndheim eqqartorpaat ADHD aamma Autisme qanoq isigineqarsinnaanersut qanorlu misigineqarsinnaanersut. Suut unamminarsinnaappat, suullu nukittoqutaasinnaappat?

Psykologit Mia Olsvig Møller aamma Taitsiannguaq Tróndheim kiserliorneq eqqartorpaat. Kiserliorneq qanoq misigineqarsinnaava? Qanoq sunniuteqarsinnaava? Qanorlu iliuuseqarfigineqarsinnaava?

Psykologit Mia Olsvig Møller aamma Taitsiannguaq Tróndheim eqqartorpaat diagnosiliisarnerit, qanorlu isumaqarnersut. Diagnosinik paasinnittariaasitoqqat, paasinnittariaasillu nutaat. Qanoq misigineqartarpat, qanorlu sunniuteqarsinnaappat?

Psykologit Mia Olsvig Møller aamma Taitsiannguaq Tróndheim eqqartorpaat killiliisinnaaneq. Inuttut nammineq killiliisinnaanngikkaanni qanoq isumaqarpa? Meeqqanik killiliisinnaanngikkaanni qanoq kinguneqarsinnaava?

Psykologit Mia Olsvig Møller aamma Taitsiannguaq Tróndheim ullumikkut pulaartorivaat Tupaarnaq Kopeck, aningaasaqarneq pillugu ilinniarsimasoq. Tupaarnap sammingaatsiarnikuuaa aningaasaqarniarnikkut kipiluttunartorsiorneq.

Tupaarnarlu eqqartorpaat, ilaqutariinnerup aappariinnerullu iluani aningaasaqarniarnermi unamminarsinnaasartut. Suut aporfiusinnaasarpat? Psykologi aningaasaqarniarnerlu qanoq ataqatigiippat? Ileqqut suut eqqumaffigineqarsinnaappat? Pitsannguiniaraannilu qanoq aallartittoqarsinnaava?

Psykologit Aviaq Kleist Sethsen, Mia Olsvig Møller aamma Taitsiannguaq Tróndheim eqqartorpaat depression, qanorlu misigineqarsinnaasarnersoq. Qanoq paasisassaava? Qanoq ikiorserneqarsinnaava?

Psykologit Mia Olsvig Møller aamma Taitsiannguaq Tróndheim eqqartorpaat stress. Ilaatigut nammineq qanoq misigisimanerlunissuk. Suut ersiutaappat? Qanoq iliuuseqartoqarsinnaava?

Psykologit Anja Strunz, Paarnaq Rosing Jakobsen, Mia Olsvig Møller aamma Taitsiannguaq Tróndheim eqqartorpaat trauma qanoq kinguaariinni ilaatigut ingerlaqqissinnaasartut. Aanaakkugut, aataakkugut misiginikuusaat, qanoq inuunitsinnut sunniuteqarsinnaappat? Qanorlu iliuuseqarfigisinnaavagut?

Psykologit Paarnaq Rosing Jakobsen, Mia Olsvig Møller aamma Taitsiannguaq Tróndheim eqqartorpaat meeqqanut ingerlateqqittakkagut. Kinguaariinni ingerlaqqittartut. Ilaatigut alliartornitsinni amigaatigut meeqqatsinnut tuttoortarnerat - pitsaasut pitsaanngitsullu. Suut eqqumaffigisassaappat?

Psykologit Kulunnguaq R. Petersen, Mia Olsvig Møller aamma Taitsiannguaq Tróndheim eqqartorpaat meeqqat sakkortuunik nalaataqarsimasut ilikkarniarneri. Ilikkarniarnerannut aamma ineriartornerannut qanoq sunniutaasarpat trauma aamma sumiginnagaaneq? Inuunerannut qanoq sunniuteqarsinnaava? Qanorlu ikiorniarsinnaavagut?

Psykologit Inuk Bourup Bang, Mia Olsvig Møller aamma Taitsiannguaq Tróndheim eqqartorpaat mindfulness. Qanoq paasisassaava? Sumut iluaqutaasinnaava? Qanoq ingerlanneqarsinnaava? Ilanngullugit sammivagut Inup saqqummiussai makittakkat nutaat "Tussaatit".

Psykologit Mia Olsvig Møller aamma Taitsiannguaq Tróndheim eqqartorpaat sinngasariaatsit assigiinngitsut, taavalu aappariinnermut sunniutaasinnaaneri. Qanoq pilersittarpa? Sooq sinngasoqartarpa, pasinnittoqartarlunilu? Qanoq iluaallanniartoqarsinnaava?

Uani immiussami nutaamik misiliivugut. Inuup nammineq oqaluttuani nassiunnikuuaa. Taannalu oqaluttuaq sammissavarput.

Miap oqaluttuaq tusarnikuunngilaa. Taitsip Mia atuffassuaa. Aqqutaanilu oqaluttuaq eqqartortassuarput.

Mianersoqqussut: Oqaluttuaq tusaassallugu sakkortusinnaavoq.

Psykologit Inuk Bourup Bang, Naja Lyberth, Mia Olsvig Møller aamma Taitsiannguaq Tróndheim eqqartorpaat, kinguaassiutitigut atornerlugaasarnerup kingunerluutigisinnaasai. Eqqartorpaallu inuunermi ingerlaqqinniarnermi iluaqutaasinnaasut.

Psykologit Inuk Bourup Bang, Naja Lyberth, Mia Olsvig Møller aamma Taitsiannguaq Tróndheim eqqartorpaat kinguaassiutigigut atornerlugaasarnerit assigiinngitsut suuneri. Eqqartorpaallu qanoq sunniisinnaaneri. Una immiussaq marloqiusaavoq. Immikkoortoq tulliani taakkooqqissaagut, eqqartuinerput nangillugu.

Psykologit Aviaq Kleist Sethsen, Mia Olsvig Møller aamma Taitsiannguaq Tróndheim eqqartorpaat qanoq ittuussusermut ilaatigut akornutaasinnaasartut. Assigiinngitsunik qanoq ittuussuseqartarpugut. Ilaatigullu qanoq ittuussuserput minnerusumik annerusumilluunnit sunnerteqqasinnaasarpoq. Taamaatsilluni inoqatitsinnut attaveqarniarnerput sapernarnerulersinnaasarpoq inuunitsinnilu sunniuteqangaatsiarluni. Qanoq ittuussuseq aamma kinaassuseq assigiinngitsorpassuatigut eqqartorneqarsinnaasarpoq. Uani immiussami isiginnittariaaseq ataaseq saqqummiupparput.

Psykologit Anja Strunz, Mia Olsvig Møller aamma Taitsiannguaq Tróndheim eqqartorpaat kanngusunneq aamma pisuusutut misigineq (skam og skyld). Kanngusunneq pisuusutullu misigineq inuunitsinni qanoq sunniuteqarsinnaappat? Qanoq iluaqutissartaqarpat? Killormullu qanoq kingunerlutsitsisinnaappat? Apeqqutit tamakku ilaatigoorlugit sammivagut.

Psykologit Mia Olsvig Møller aamma Taitsiannguaq Tróndheim persuttaaneq eqqartorpaat. Persuttaanerit assigiinngitsut suuppat, qanorlu kinguneqarsinnaappat?

Psykologit Mia Olsvig Møller aamma Taitsiannguaq Tróndheim eqqartorpaat seksualiteti peqqinnartup nanginnera. Suut sulinitsinni takukkajuttarpagut? Kalaallit Nunaanni misissuineq qanoq takussutissartaqarpa?