Sracfhéachaint: athbhreithniú ar an bhfreagairt tithíochta agus tinte fiáine i Maidéara, sa Phortaingéil; ceardlann le reáchtáil ag an bParlaimint i dtaobh na géarchéime tithíochta agus cíosanna gearrthéarmacha; críochnaíonn toscaireacht trádála an Aontais cainteanna i nDeilí Nua ar chomhaontú saorthrádála leis an India.

Sracfhéachaint: tá an séú Seachtain um Chomhionannas Inscne bhliantúil á reáchtáil ag Parlaimint na hEorpa; críochnaíonn toscaireacht ón gCoiste um Fhostaíocht agus um Ghnóthaí Sóisialta a cuairt ar an gCipir; agus cuireann an Coimisinéir um Méadú pacáiste méadaithe 2025 i láthair Chomhaltaí an Choiste um Ghnóthaí Eachtracha.

Sracfhéachaint: cáineann Uachtarán na Parlaiminte Metsola sáruithe aerspáis na Bealarúise agus tacaíonn le slándáil na Liotuáine; buaileann Tionól Parlaiminteach Euronest le chéile san Airméin chun naisc Chomhpháirtíochta idir an tAontas agus an tOirthear a dhoimhniú; agus críochnaíonn na Feisirí misean PDC ar fhorbairt inbhuanaithe agus rialachas.

Sracfhéachaint: tá toscaireacht ó Choiste um Fhorbairt Réigiúnach na Parlaiminte ag tabhairt cuairt ar oirthuaisceart na Polainne; déanann Feisirí ón gCoiste um Iascach measúnú ar dhúshláin do chabhlaigh iascaireachta na Fraince agus na Spáinne i mBá na Bioscáine; agus tugann na Feisirí cuairt ar Nova Gorica agus Gorizia, an chéad Phríomhchathair Chultúir na hEorpa trasteorann riamh.

Sracfhéachaint: leagann an Pharlaimint a spriocanna aeráide síos roimh COP30; tugann na Feisirí cuairt ar an mBrasaíl roimh chomhaontú trádála Mercosur; caidreamh eacnamaíoch agus infheistíochta ar bharr chlár oibre thoscaireacht an Choiste um Thrádáil Idirnáisiúnta atá ar cuairt san India.

Sracfhéachaint: Tacaíonn na Feisirí le buiséad an Aontais níos láidre do 2026; iarrann ceannairí freasúra na Bealarúise tacaíocht leanúnach ón Aontas; is iad an bheirt iriseoirí atá i bpríosún, Andrzej Poczobut agus Mzia Amaglobeli, buaiteoirí Dhuais Sakharov um Shaoirse Smaointeoireachta 2025.

Sracfhéachaint: tá seisiún iomlánach na Parlaiminte ag druidim chun deiridh inniu; féachann na Feisirí chun cinn ar chruinniú mullaigh an Aontais inniu; ceadaíonn an Pharlaimint rialacha nua i gcás cheadúnais tiomána an Aontais; bhuaigh an t-ardán Ísiltíreach Follow the Money Duais Daphne Caruana Galizia don Iriseoireacht 2025.

Sracfhéachaint: Tá seisiún iomlánach na Parlaiminte ar siúl. Plé idir na Feisirí agus an Coimisinéir Šuica faoi ról an Aontais i dtacaíocht leis an bpróiseas síochána sa Mheánoirthear; pléann an Pharlaimint rialacha in aghaidh trustaí le Leas-Uachtarán an Choimisiúin Ribera; agus déanann na Coistí um Fhostaíocht agus um Chearta na mBan agus um Chomhionannas Inscne athbhreithniú ar a dtuarascáil ar an mbearna cúraim inscne. 

Sracfhéachaint: tá seisiún iomlánach na Parlaiminte ar siúl; na Feisirí ag féachaint chun cinn ar chruinniú mullaigh an Aontais i nDeireadh Fómhair; fógróidh an tUachtarán Roberta Metsola buaiteoir Dhuais Sakharov 2025 um Shaoirse Smaointeoireachta; líomhaintí spiaireachta ón Ungáir.

Sracfhéachaint: tagann na Feisirí agus rialtais an Aontais ar chomhaontú faoi Chlár nua um an Tionscal Cosanta Eorpach, dar luach €1.5 billiún; tá na Feisirí leis an gcomhaontú síochána sa Mheánoirthear agus ról an Aontais ann a phlé; tá an Pharlaimint le rialacha nua an Aontais do cheadúnais tiomána a fhaomhadh.

Sracfhéachaint: éilíonn an Coiste um an Margadh Inmheánach sa Pharlaimint rialacha níos déine de chuid an Aontais chun mionaoisigh a choimeád slán ar líne; agus na Feisirí ag teacht le chéile in Strasbourg, déanann an Pharlaimint comóradh ar an Lá Idirnáisiúnta um Dhíothú na Bochtaineachta; pléifidh na Feisirí bagairtí domhanda do dhlíodóirí agus cuirfidh siad fáilte roimh chonradh nua ó Chomhairle na hEorpa chun lucht an dlí a chosaint.

Sracfhéachaint: Ullmhaíonn na Feisirí an chéad seisiún iomlánach eile le príomhvótaí ar shábháilteacht ar bhóithre, truailliú plaisteach agus rialacha measúnaithe ceimiceán; in Strasbourg, pléifidh an Pharlaimint an staid sa tSeirbia, allmhairí fuinnimh na Rúise, fíneáil Google agus clár oibre 2026 an Choimisiúin; tugann na Feisirí cuairt ar Bheirlín le linn an Chruinnithe Mullaigh Dhomhanda Sláinte chun Plean Sáraithe Ailse na hEorpa a chur chun cinn.

Sracfhéachaint: Leag na Feisirí a línte dearga amach do chearta aerphaisinéirí; tá an Pharlaimint ag beartú na rialacha inbhuanaitheachta do chuideachtaí a shimpliú; vótálann na coistí ar dheireadh a chur le hallmhairí fuinnimh ón Rúis.

Sracfhéachaint: Iarrann coistí na Parlaiminte go ndéanfaí gníomhaíocht chun bearnaí pá agus pinsin idir na hinscní a dhúnadh; Ciste Dlúthpháirtíochta an Aontais a shlógadh chun tacú leis an Spáinn agus leis an bhFrainc mar fhreagairt ar thuilte agus ar chioclóin; déanann an Coiste um Shaoirsí Sibhialta comóradh ar 40 bliain de Chomhaontú Schengen, ar cloch choirnéil de lánpháirtiú na hEorpa é.

Sracfhéachaint: Tá Parlaimint na hEorpa ag iarradh go dtabharfadh an tAontas freagairt aontaithe láidir ar sháruithe na Rúise ar aerspás an Aontais; pléann an Coiste Comhshaoil gníomhaíocht maidir le hathléimneacht in aghaidh an athraithe aeráide agus oiriúnú don athrú sin; agus is é Mí Feasachta na hAilse Cíche atá ann. 

Sracfhéachaint: Glacann an Pharlaimint rialacha nua chun feirmeoireacht AE a shimpliú agus chun rómhaorlathas a laghdú d’fheirmeoirí; tacaíonn Feisirí le conarthaí níos láidre agus téarmaí trádála níos cothroime d’fheirmeoirí AE; iarann Príomh-Aire na Graonlainne go mbeadh comhpháirtíocht níos doimhne ann leis an Aontas.

Sracfhéachaint: leanann an chéad seisiún iomlánach de Pharlaimint na hEorpa i mí Dheireadh Fómhair ar aghaidh. Pléann na Feisirí sáruithe aerspáis ag dróin Rúiseacha agus freagairt AE; tugann Príomh-Aire Lucsamburg, Luc Frieden, aitheasc don Pharlaimint le linn na díospóireachta ‘Seo í an Eoraip’; fógraítear na cúig scannán ainmnithe do Ghradam Lucht Féachana LUX 2026.

Sracfhéachaint: leanann an chéad seisiún iomlánach de Pharlaimint na hEorpa i mí Dheireadh Fómhair ar aghaidh; bhí nóiméad ciúnais chun ómós a thabhairt d’íospartaigh gníomhartha foréigin a rinneadh le déanaí agus a rinneadh roimhe seo; leas a bhaint as buntáistí an mhargaidh aonair; agus glacann Coiste Comhshaoil na Parlaiminte a éilimh roimh COP30, ag iarraidh ar AE fanacht uaillmhianach agus eolaíochtbhunaithe ina spriocanna aeráide.  

Sracfhéachaint: tá tús á chur leis an gcéad suí iomlánach de mhí Dheireadh Fómhair i bParlaimint na hEorpa inniu agus an staid sa Mheánoirthear i gcroílár an chláir oibre; pléifear laghdú na mbacainní atá ann don mhargadh aonair chomh maith; agus labhróidh Príomh-Aire Lucsamburg leis an bParlaimint agus beidh plé aige leis na Feisirí.

Sracfhéachaint: ag cruinniú cheannairí an Aontais in Cóbanhávan, athdhearbhaíonn Uachtarán Pharlaimint na hEorpa, Roberta Metsola, tiomantas an Aontais an t-ualach ar thionscail, feirmeoirí agus teaghlaigh a laghdú; cuirfear tús le suí iomlánach na Parlaiminte Dé Luain le díospóireacht ar thodhchaí an spóirt san Eoraip; agus tá an tréimhse iarratais do shealanna oiliúna Schuman i bParlaimint na hEorpa ar oscailt anois.