Skodespelar Idun Losnegård har fått med seg heile Norges psykolog og forfattar Sissel Gran til ein samtale om «Eg er Lucy Barton». Kva er det som ligg mellom linjene i denne historia, og då særleg i det kompliserte forholdet mellom mor og dotter?

I en serie episodar av podkasten vår vil skodespelar Idun Losnegård utforske temaet mor-dotter saman med forskjellige gjester. Først ut er hennar eiga mor, Anne Britt Nummedal Losnegård. Bakgrunnen er stykket «Eg er Lucy Barton», basert på bestseljar-bøkene til Elizabeth Strout.

14 veker har gått sidan det første kullet ved Nynorsk scenespråksenter sette føtene inn på Teater Vestland. På denne tida har dei lært ei splitter ny dialekt.  Korleis har Arjan, Jacob, Pernille og Stine klart seg? Er dei ekte vestlendingar no? Korleis er synet deira på nynorsk, og kva er det beste minnet deira frå opphaldet? Her kan du høyre dei fire deltakarane i samtale med konstituert teatersjef Kristina Kjeldsberg.

Vestlendingen Eirik Fauske har dramatisert og regissert «Vestlandet» av Erlend O. Nødtvet. Det er ei lukkeleg foreining. Stykket er ei leiting etter det eigentlege Vestlandet, og få kjenner den vestlandske baksida betre enn Eirik Fauske. Vil han finne ei djupare meining….? Her kan du høyre han i samtale med teatersjef Kristine Kjeldsberg.

Med «Putemannen» ønsker regissør Terje Skonseng Naudeer at halve salen skal flire seg i hel, og andre halvdelen vere i sjokk. Martin McDonagh sitt stykke svingar mellom det mørke og det lyse og er ekstremt underhaldande. I podkasten vår Bak maska kan du høyre han i samtale med Kristina Kjeldsberg.

I vår versjon av det verdskjende eventyret om Skjønnheita og Udyret blir vi inviterte med inn i ein varieteteater-tradisjon full av magi. Publikum blir ønskte velkomne av to fear og ei kanin, som kveld etter kveld fortel historia om Skjønnheita og Udyret. Men denne kvelden skjer det noko heilt spesielt. Teaterleiinga bestemmer seg for at kveldens framsyning blir den siste nokosinne…

Høyr regissør Elisabeth Topp og teatersjef Cecilie Grydeland Lundsholt i ein bakom-samtale om denne haustens store familieframsyning.

Tenk deg at du observerte dei første minutta etter at Titanic gjekk ned. Kor inderleg ville ikkje eit par ha klemt kvarandre? Det er denne nærheita Jeff Pedersen ønsker å få fram i «Pusterom» av Duncan Macmillan. Her kan du høyre regissøren i samtale med teatersjef Cecilie Grydeland Lundsholt.

I denne episoden møter vi regissør Nils Petter Mørland og skodespelar Harald Ottesen Nødvedt i samtale med teatersjef Lundsholt om den internasjonale suksessen «Alle fantastiske ting». Dette er ei interaktiv og altomsluttande framsyning som gir rom for mange refleksjonar, som viktigheita av publikum, om det å bruke komiske verkemiddel for å snakke om det som er vanskeleg og om teater som ei historiemaskin.

I @Ragnarok08 blir publikum utstyrte med kvar sin mobiltelefon, der dei får informasjon og dessutan stemmer over kva retning handlinga skal ta. Det set enorme krav til dei teknologiske løysingane, og i arbeidet med framsyninga har Teater Vestland utvikla ein app frå scratch for å få alt saman til å fungere saumlaust. 

«Ein ideell symbiose mellom bilde og lyd i ein minimalistisk scenografi», seier videodesignar Anders Nybø i denne episoden av podkasten Bak maska. Med seg i studio har teatersjef Cecilie Grydeland Lundsholt dessutan komponist og lyddesignar Viljar Losnegård og regissør Philipp Stengele. 

Torn & Rose i Eventyrland tar i bruk nyskapande AR-teknologi, men manuset som teatersjef Cecilie Grydeland Lundsholt har skrive, kan setjast opp også utan animerte drake. I botnen ligg ei drivande god historie om Torn & Rose som må redde Eventyrland frå undergangen. Til langt ut i prøveperioden hadde dramatikar og regissør Lundsholt ein tsjekkisk tøydrake i bakhand, for det var slettes ikkje sikkert at AR-teknologien kom til å fungere. Det røper ho i denne samtalen med teatersjef Kristian Lykkeslet Strømskag ved Teatret Vårt. Og resten er historie.

I Tollak til Ingeborg borer Tore Renberg i eit tema han lenge har hatt lyst til å ta skikkeleg i øyra: menn og vald. «Kvifor er det slik at mange av oss menn får lyst til å bruke neven», spør han i denne episoden av podkasten vår Bak maska, der han i samtale med teatersjef Cecilie Grydeland Lundsholt snakkar om dramatiseringa og iscenesetjinga av sin eigen suksessroman. Tollak til Ingeborg er ikkje ei idiealisert forteljing om mannen. Skal kunst vere ærleg, kan ein ikkje vegre seg.

Lyst på ein skule(halv)time om binaural lyd? Då vil du ikkje gå glipp av denne episoden av podkasten vår Bak maska! Lyddesignar og komponist Eirik Havnes og regissør Elisabet Topp snakkar seg varme om lyd og høyrsel i samtale med teatersjef Cecilie Grydeland Lundsholt. Frå 9. juni kan publikum oppleve Skogsopplevingar, ei teateroppleving på øyret. Jepp, dette er ein podkast om ein podkast.

Det er i alle fall ikkje å lage to framsyningar i éi; ei framsyning for barna og ei for dei vaksne. Ei god familieframsyning samlar generasjonane i opplevinga. Kanskje er det eit ekstra lag der for dei vaksne, men det skal ikkje vere slik at barna sit der og ikkje forstår.

I Teater Vestland sin moderne versjon av Peter Pan har regissør Philipp Stengele plassert Wendy, John og Michael på gamleheimen. Der gløymer dei smerter og andre avgrensingar og leikar seg tilbake til barndommen, fortel regissøren i denne samtalen med teatersjef Cecilie Grydeland Lundsholt.

Lene Therese Teigen har både skrive og hatt regi på Mødrevariasjonar, eit verk ho har laga på bestilling for Teater Vestland. Når ein går frå dramatikar til regissør, må ein kaste alle bitane opp i lufta og setje dei saman på nytt, seier Teigen i denne samtalen med teatersjef Cecilie Grydeland Lundsholt.

Det er ein prosess som kan utfordre og overraske. I Mødrevariasjonar er det spesielt éi scene som viser seg å romme både galskap og komedie.