مخطارية و نصيرة، زوج خواتات يفوّتوا وقتهم فالبالكون تع الدار، يقرعجوا على الجديد تع الحومة و يحكوا فيما بيناتهم على المواضيع لي يضبروهم من هاديك القعدة. و من تماك يبداو يلاحظوا بعض الأمور لي تفاقمت داخل المجتمع الجزائري و زادت عن حدها و يبداو يتساءلوا وينتا هبلنالها؟ بالمقابل تقرّر كل من سمر و نسرين أنّهم يسلطوا الضوء على هاد الهبلة،باش نعرفوا وينتا بدات،علاه و كيفاش راه التأثير تاعها علينا كمجتمع
كرة القدم من أشهر الألعاب الجماعية بل و العالمية و لي عندها مكانة كبيرة فالجزائر، و بقدر ما هي لعبة رائعة رمزت دائما لتماسك المجتمع الجزائري و جمعت شبابه تحت كنفها بقدر ما تحولت من هذه البساطة إلى مصدر للتفرقة و العنف و حتى النزاعات الدولية! في هاد الحلقة من سلسلة وينتا هبلنالها نتعرفوا مع سمر و نسرين على تاريخ اللعبة و على الهبلة لي وقعت فالجزائر و آثارها على المجتمع و العديد من الأسئلة الأخرى
