最近香港 YouTube Channel「試當真」嘅《墨魚遊戲2》引起熱烈討論，除咗係個台嘅告別作，另一個討論嘅位在於唔少人話佢抄《魷魚遊戲》，但又有人認為係致敬、二創🎭 今集我哋唔係想判斷「係唔係抄」，而係想探討： 🦑 用「Squid Game」呢個典，係用得好？定用得唔準？ 📚 YouTube 創作同文學創作其實一樣，都可以「用典」 🎥 由兩個YouTube Channel 「試當真」同「小薯茄」一路講到我哋對創作嘅睇法 雖然《墨魚遊戲2》已經播完，「試當真」都已經收咗台，但都想同大家傾下呢個話題 唔知有冇試當真 fans 係我哋聽眾？👀 ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 ------------------- -- Hosting provided by SoundOn

Hugo 第一次識 Rebecca 嘅朋友時好興奮，覺得自己正式走入咗佢嘅生活，好有「被認可」嘅感覺 💞 但 Rebecca 嘅諗法就唔同 —— 佢覺得兩個人嘅朋友可以係獨立存在，唔一定要 share。 除非佢覺得自己個朋友同 Hugo 真係啱傾，咁樣介紹先有意義，等雙方都真係多個朋友，而唔係「必須融合」。 👀 今集我哋會傾下： 💬 情侶／夫妻嘅朋友圈要唔要合併？ 💬 識新朋友係想融入定保持界線？ 💬 「我介紹你俾我朋友識」係信任表現，定其實唔係必要？ 你又覺得另一半要識晒你啲朋友？定係各有各嘅小圈子先舒服？ ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 ------------------- -- Hosting provided by SoundOn

最近網上好多人話自己個老公好似 AI 🤖 咁，淨係聽得明字面意思、唔識聽潛台詞，結果日常生活就充滿「誤會」同「磨擦」～ Rebecca 同 Hugo 當然都唔例外… 今集我哋會傾： 💬 點解男女之間成日溝通出現錯配？ 💬 「聽唔明」背後係咩原因？ 💬 點樣同 AI 型老公／老婆和平共處？ 但強調多次：我哋真係冇嗌交！（再次聲明 😆） 你又覺得自己係似 Rebecca 多啲？定似 Hugo 多啲？ ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 ------------------- -- Hosting provided by SoundOn

「大男人」可以係粗暴、打女人、輕視女性，但原來連「對女仔特別好」都有機會暗藏大男人心理？ 例如讓下女仔、幫女仔拎嘢，係出於尊重，定係覺得「女仔就係需要被照顧」？ 👔 Gentleman同大男人點分？ 👔 點解「大男人」未必只係打人咁簡單？ 👔 「忍讓女仔」同真正尊重女性有咩分別？ 你覺得 gentleman 同大男人只係一線之差，定係根本完全唔同？ ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

保守派政治人物 Charlie Kirk 喺美國校園演講時遭人槍殺，引起各方震動。 ✔️ 有啲人佢中咗自己支持槍權嘅回力標，聽到佢死直頭要開香檳 ✔️ 又有人話唔可以因為政治立場唔同就想人死 我哋今集會傾以下幾樣野： 死亡事件中，網上評論為何會激烈到有人慶祝？係咪有人死就唔可以慶祝？ 道德責任／同情心：你可以唔支持佢政治觀，但佢做人有冇權得到尊重與悲傷？ 自稱「偏左」嘅 Rebecca 同「極左」嘅 Hugo，對呢件事又有乜唔同反應？政治立場有冇影響到我哋嘅睇法？ ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

🎲 今集分享下最近我哋玩嘅兩種 RPG（Role Play Game）： 一種係前幾年香港好流行嘅 Live Act「劇本殺」，玩家要代入角色、推理破案，好似一場沉浸式舞台劇； 另一種係經典嘅 Dungeons & Dragons (D&D)，透過想像力同骰仔，就可以喺奇幻世界展開無窮冒險。 🤠 鍾意嘅人覺得可以盡情發揮創意，投入角色； 🙅🏻‍♀️ 亦有人會因為冇乜想像力同創意，覺得難啲Handle 🎭 劇本殺同 D&D 有咩分別？ 🔹 一個係偏向「解謎推理＋沉浸角色」 🔹 一個係「無限想像＋故事冒險」 邊樣遊戲更加適合你？你又有冇玩過呢？ ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 ------------------- -- Hosting provided by SoundOn

👩🏻‍💼 最近有位香港女仔喺社交平台出post，分享自己喺日本投身一個「夕陽行業」。 有人覺得佢喺度曬命，但其實佢只係任性一次，想追尋不一樣嘅人生。 由細到大，大家努力讀書 → 入大學 → 出嚟返工， 但之後呢？🤔 有幾多人真係知道自己想做咩？又有幾多人只係為咗生存？ 💭 返工可以係夢想、可以係責任、亦可以只係為搵食。 但如果有一日，唔使返工都有糧出， 你又諗唔諗到自己真正想做嘅事？ ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 ------------------- -- Hosting provided by SoundOn

🚗 英格蘭同蘇格蘭先後發生兩宗交通意外： 一邊係香港新牌仔撞死人，被判入獄兩年； 另一邊係香港小朋友被車撞死，但司機只係判社會服務令。 好多香港人覺得：係咪因為我哋離鄉背井，香港人條命冇咁「值錢」？😢 又或者話移得民, 就預咗會畀人種族歧視。 不過我哋今集逆風都要講 — 其實呢兩單案背後，根本唔係種族問題。 但咁點解會造成咁大落差？ 🌍 移民半年，我哋又有冇遇過真正嘅「種族歧視」？ 遇到問題時，你會選擇直接面對，定係忍一忍就算？ 今晚同大家一齊傾下香港人喺異鄉點樣面對「種族問題」。 ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 ------------------- -- Hosting provided by SoundOn

🧐 喺中國同台灣網絡社群好流行一句說話 —「未經他人苦，莫勸他人善」，而近排香港都開始多人講～ 當大家問到呢句說話嘅出處時，連AI都答你呢句嘢出自莊子…… 呢句嘢睇落好似好有道理，但其實： 🔹 可以變成一種「免死金牌」 🔹 容易成為拒絕受規限嘅藉口 🔹 甚至乎反映住階級觀念 今集討論可能比較複雜（但最接近我哋平時嘅討論） 大家聽完嘅話，辛苦晒！ 😴。 ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

🙇‍♀️ 細個成日聽：「要同人講多謝、要講唔該、要有禮貌。」 但係，禮貌真係只係用字句同口氣決定？ 點解有啲人表面客客氣氣，但又令人覺得佢好唔尊重人？ 有時，反而直率直接，先至係真正嘅尊重？ Hugo同Rebecca今集討論： 🔹 到底咩先係「禮貌」同「偽善」嘅分別 🔹 係咪所有情況都需要「有禮貌」？ 🔹 做人幾時可以「無禮貌」？ 有禮貌可能係軟弱，無禮貌唔一定係無品。 理解背後原因，先知點樣對人對己先舒服。 ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

💔 你以為大家係friend，但對方其實只係覺得你「人一個」 🤝 有人第一次見你就想搭晒膊頭再問好多私事——係友善定無禮？ 人際關係入面，「親密」唔代表「無界線」，太近可能令人窒息，太遠又會令人覺得被拒於門外。 Hugo同Rebecca今集討論以下問題： 🔹 點解人會「踩界」？係Friendly？定係有其他目的？ 🔹 我地點樣設立界線，而又唔會令人覺得「拒人於千里之外」？ 🔹 唔好踩到人哋條線同時，你又知唔知自己條界線喺邊？ 有時，受傷唔係因為對方惡意，而係因為「界線唔一致」——了解自己、學識畫線、同時尊重人哋，都係一場人際修煉。👣🧠 ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

個個都拍拖，唔通個個都想拍拖咩… Netflix《母胎單身戀愛大作戰》正式播完 睇套真人騷但我哋留意到嘅係同性 vs 異性睇重嘅吸引之處原來差好遠，你以為自己好差嘅特點，原來根本０人留意👀💘 🎯 而當大家一齊追求同一個人，重點係咪贏過其他人？定係令自己值得被愛？ 🙅‍♀️ 拒絕人 vs 被拒絕，又會點樣處理當中嘅內疚、羞恥同失落？ Rebecca 同 Hugo 今集會以節目為切入點，討論節目入面見到嘅「自我價值」同「比較心理」，含少量劇透請小心服用❤️ ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

Hugo 睇到台師大女足「抽血換學分」事件後真係好嬲😡，認為呢單嘢嚴重違反學術倫理！ 🧾 有網友認為「唔抽血就fail／退隊」根本係教練霸凌同侵犯學生基本人權 ⚠️ 亦有學者意見話，事件涉及「非自願參與」同「權勢濫用」，違反人體研究法同師生倫理 今集我哋會傾： 🔹 校方同教練嘅「道歉」夠唔夠？成件事到底係人嘅錯定制度有問題？ 🔹 邊個應該負最大責任？教授、校方、科研單位、定係教育部？ 🔹 台灣同香港師生關係有冇好大分別？面對權力不對等，學生點保護自己？ 一件體育事件，其實有好多倫理、法制、教育問題。 ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

Rebecca 最近寫咗篇小說拎咗個獎🏆，除咗內容係講香港，仲係用「香港話」/ 粵文寫成✍️ 好多時我哋覺得粵文就係俗、廣東話只可以講，唔可以寫——係咪真係咁？🤔 我哋會分享點樣睇粵文／廣東話，探討下「香港話」係咪值得推動📚 btw如果你想睇 Rebecca 嘅作品，可以去呢度 ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

Rebecca 同 Hugo 算係「早婚」夫妻💍 間唔中都有人問：點解咁早就決定結婚？點知佢就係the one？ 亦成日聽人討論：「拍拖／結婚應該搵個同自己一樣，定係完全唔同嘅人？」 今集終於比較似兩公婆「閒話家常」❤️ 分享下我哋點樣睇愛情、拍拖、婚姻，以及點解選擇同一個人行落去👫 不論你係咩Status, 唔知你又點睇「愛情」呢樣嘢呢？💭 ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

Netflix《魷魚遊戲》第二、三季播完，正式結束韓國版劇集 同第一季唔同，今年遊戲加入咗「投票」玩法，不停強調「民主方法解決問題」 連 ***最後一關死邊個 ***都要投票決定，但係—— 🔸 投票係咪等於民主？ 🔸 少數服從多數係咪民主唯一要素？ 🔸 投票制度係咪都會有漏洞？ 劇情合唔合理，邊啲角色有幾勁幾廢就各花入各眼； 今集反而想討論下從Squid Game 中睇到嘅「民主」 ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

喺英國生活嘅你，有無試過搭車時身邊阿伯同你講天氣？ 到底small talk係咩？係文化？定係禮貌？ 點解香港人面對small talk好似特別尷尬？🥴 今集我哋會傾： 🗣️ small talk同吹水有咩唔同？ 💬 small talk唔可以真心？ 😶 點解香港人會覺得「唔識應對」？ 有時small talk唔止係表面說話 可能係一種人際之間建立信任嘅方法，又或者就係一個長啲嘅”Hello” 但係，如果你係introvert又或者唔慣講冇內容嘅說話，又覺唔覺得small talk 好難頂？ 你識唔識small talk？平時會唔會主動同人R水吹？ ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

韓非子，你可能聽過佢係「法家代表」、主張「以法治國」 但你又知唔知道，佢好多理念其實好似今時今日公司嘅管理哲學？ 甚至，某啲位仲好似「港女思維」？🤭 今集我哋會傾： 📌 韓非點解會成為法家集大成者？ 📌 原來法家唔係淨係得「嚴刑峻法」 📌 佢講嘅「術」同「勢」其實好modern！ 📌 為何法家唔一定＝殘暴？ Rebecca聽完Hugo講，仲話自己都幾欣賞韓非添！唔知你聽完今集，又會唔會對法家改觀？ ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

你係咪都成日質疑自己：「我係咪講錯野？」「點解我咁廢？」「人地會唔會唔鍾意我？」 有時未開口，已經內耗晒；未出門，已經諗死晒自己。 今集我地就想傾下： ✨ 內秏係咪人人都會有？ ✨ 點解我地兩個幾乎唔內秏？係咪因為自信心爆棚？ ✨ 我地會唔會質疑自己？ ✨ 有無方法停止內耗？ 唔內秏唔等於自戀，亦唔代表冇煩惱；有時一個轉念已經改變好多嘢。 你又有無試過多謝以前嘅自己? 經常陷入內心小劇場？睇吓我哋畀唔畀到一啲新諗法你！ ------------------- 🎙️ 廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn

🧩《Devil’s Plan》第二季掀起全網大戰！有人話冠軍係實至名歸嘅精英代表，亦有人覺得佢贏到開巷令人好大壓力，太似現實社會！ 👥 精英主義係咪等於睇唔起人？ 🏆 一個人靠實力贏比賽，又應唔應該被批評冇人情味？或者用佢講嘢態度唔好攻擊佢？ 💬 原來我哋兩個都深受精英主義影響 你又認為，一個天生IQ（fluid intelligence）同後天IQ (crystallized intelligence）都高嘅人係咪就值得贏曬？🤖 ------------------- 🎙️廣東話Podcast 🌜90後香港夫妻 臨瞓同你傾下偈🌛 | 思辯 | 討論 | 文字 | 文化 | 📲 Follow Instagram : _nightlight_852 -- Hosting provided by SoundOn