الحلقة الاخيرة من الموسم الاول لبودكاست سوالف مع كيكي، عن بودكاست سوالف وعن البرامج القادمة وعن هالتجربة

حلقة اليوم عن تجربتي في مجال البودكاست وكيف خلال المدة الي مضت قدرت اوصل لانجازات ماكنت متوقعها وتكون التجربة ناجحة بالنسبة الي، وكيف تجاربي الفاشلة الي سبقتها هي سبب نجاحي والتزامي واصراري على انو كمل فيها

اللغات هي احد اسباب تطور التواصل الانساني وتقدم البشرية، ولكن الكلمة هي اساس كل الانجازات وهي اقوى الاسلحة البشرية قادرة على انها تخرب وتعمر
الكلمة قوتها وثقلها متغير حسب طريقة صياغتها ولكن تبقى هي اقوى عرفتها البشرية لليوم!
حلقة اليوم عن قوة الكلمة ومدى تاثيرها فينا ك بشر وكيف بتكون سبب لنجاح شخص او احباط وفشل اخرين!

فيَا لَيتَ الشّبابَ يَعُودُ يَوْماً .. فأُخبرَهُ بمَا فَعَلَ المَشيبُ
عدد كبير من المفكرين والادباء عندهم امنية دوام الشباب وابو العتاهية يتسحر على انقضاء شبابه. ولكن هل الشباب العرب سعيدين في مرحلة الشباب؟
حلقة اليوم عن قضايا وتحديات الشباب في منطقتنا العربية وابرز الضغوط الي بعانوا منها!

بين اهمية الكروش المحورية في تاريخ الانسانية ومضاره الصحية، حلقة اليوم من بودكاست سوالف مع كيكي عن كيف اصحاب الكروش الكبيرة ساعدو بتطورنا الحضاري والاثر بتطور المجتمعات الانسانية.
ولما حد يقولك أنت بس همك على بطنك قوله: اسمع البودكاست؟


بودكاست سوالف مع #كيكي

بعد ١٠ سنين من بدأ الثورة السورية والحرب وتحولها الى اقتتال مسلح دمر المدن وقتل عدد كبير وهجر الملايين
حلقة اليوم هي تسليط الضوء على مشاكل ومعاناة مختلف عن الي بتم تداولها على شاشات الاعلام او منصات الاطراف المتحاربة السورية هي الحلقة عن معاناة اطفال المخيمات وعن الوضع السيء لشريحة كبيرة من الشعب
حلقة موجهة للسوريين بدعوة لدعم كل الجهات الي بتساعد الاطفال بالمخيمات للحصول على حقهم بالتعلم والدراسة

بعد ١٠ سنوات من الحرب والثورة والقتل!

مع انتشار كلوب هاوس موخراً وبسبب سهولة نقل والاستماع للمعلومات من خلالها خلتني لاحظ وجود عدد كبير من الاشخاص الي بتداول معلومات او تنشر معلومات غير صحيحة وتهبد لمجرد حبها للبروز الاجتماعي او البقاء ك "سبيكر" في الغرف المختلفة!
حلقة اليوم عن الهبد او الكلام الغير الدقيق والاقرب للشائعة الي ممكن يسبب اضرار على الصحة العامة والاقتصاد والسياسة وممكن سبب للكثير من المشاكل والمضار

بودكاست سوالف

انا كيكي، مصمم واجهات وتجربة مستخدم عايش بالمانيا، بسلسلة سوالف مع كيكي انا عم بقدم تجاربي الحياتي للمستمعين لتقدم معلومات وخبرات تساعد الشباب من خلال التعلم من التجارب الي بمر فيها، بحلقة هالاسبوع من سوالف مع كيكي عم بحكي قصتي مع اسوء مراحل حياتي وهي الجامعة!
بهي المرحلة تعرضت للتنمر ولضغوط كتير خلتني كون دائما عندي شعور سلبي اتجاه هالمرحلة وعلمتني كثير اشياء حياتية!

صراع عالمي يدور على الجيل الخامس من الإنترنت، ليس بين عمالقة التقنية فحسب بل يتواجه فيه محور الصين مع محور الغرب على من يملك المستقبل. المنافسة على أشدها، لا تبالي بوباء كورونا. الصين اتخذت خطوات استباقية، أما أميركا فلازالت في الخلف.  فهل تسمح أميركا للصين بالمرور؟ ولمن ستكون الكلمة الأخيرة؟

بالجزء الثاني من بودكاست الحب عم احكي عن الحب من وجهة نظر العلم وكيف العلم فسرلنا كيفية حدوث الحب، وانو الحب هو شي نتيجة لهرمونات وقرارات احنا بنتخدها والقلب هو مجرد عضلة مالها اي علاقة بالحب..

أهل الحب صحيح مساكين هالكوبليه من اغنية الست ام كلثوم وبتعبر فيه عن مدى شقاء المحبيين ومدى تلوعهم بشرح كتير عن هالحالة الانسانية الجميلة والمشاعر الي بنمر فيها لما نحب!
اليوم بحلقة سوالف مع كيكي عم بحكي عن الحب وعيد الحب وكيف هالحالة من المشاعر بتخلينا نكون اقوى واضعف وكيف نكون حقيقين مع الناس الي بنحبهم!
والتجارب العاطفية والحب ك فكرة والي هي غير مقترنة بالعاطفة فقط!

‎الحلقة الاولى من السلسلة الشهرية سوالف تقنية والعاب، هي السلسلة موجهة للاشخاص الي بهتمو بمجال التقنية وبدهم يعرفو اخر التطورات المهمة وبشكل شهري فقط!  ‎بهي الحلقة عم اعرض اخر اخبار التقنية والالعاب الي صدرت مؤخراً، في اخبار عن شركة ابل وسيارتها القادمة بالتعاون مع كيا، وعن تقنية شاومي الجديدة للشحن اللاسلكي وهل ساومسونغ راح تطرح النوت في سنة ٢٠٢١؟، وعن اخر اخبار الالعاب واهمها من روك ستار مع لعبة GTA سان اندريس والاصدار السادس من السلسة! ‎كل هي الاخبار واكثر حتكون ضمن هالحلقة الشهرية!

الحلقة العاشرة من بودكاست سوالف مع كيكي عن شركة جيم ستوب والي عم يصير ببورصة وول ستريت وكيف مجموعة شباب عم تعمل  تغيير باثر على اقتصاد وشركات كبيرة جداً وهما موجودين فقط على منصة reddit
وهل هالشي عادي انو يصير وشو الاثر للي عم يصير؟

هذا البودكاست الى شهداء ساحة الطيران والى الشباب الي بعد اكو امل انو تنجو بحياتها من بلد مثل العراق!
الهجرة هي الحل لكل شخص محتاج انو ينجح او يكون اله فرص اكبر بالحياة والمستقبل!

كيف الاعلام قادر انو يحرك الجمهور اتجاه موضوع معين، وياثر على الناس بارئهم ويغيرها لتكون ايجابية او سلبية اتجاه اي مشكلة او حدث.
وكيف عم باثر علينا الاعلام اتجاه لقاح الكورونا ويغير تفكيرنا مع الوقت، كل هالشغلات هي نقاش اليوم بالحلقة الثامنة من بودكاست سوالف مع كيكي

البودكاست السابع من سوالف مع كيكي عم يكون عن العادة والروتين اليوم للاشخاص وكيف هالشي باثر على الشخص ليخلي يكون ناجح اكثر وشو العادات الي لازم نبعد عنها والعادات الي نطورها ونركز عليها اكثر

هي السنة ماكانت سهلة كانت مليانة تحديات وصعوبات وكلنا مرق بمواقف سيئة وشغلات تخلي يتمنى تكون نهاية هالسنة سعيدة عنجد!
بهالحلقة السادسة مو بودكاست سوالف مع كيكي عم بحكي عن كيف انا بحاول قد مااقدر لخلي نهاية السنة تكون سعيدة ومريحة وتخليني بلش السنة الي بعدها بطريقة ايجابية وقوة

سنة ٢٠٢٠ هي سنة مختلفة وحملت عدد كبير من التغييرات الي ساهمت بتغير سلوكنا البشري وتطوره وكانت ايجابية بعدة نواحي رغم كل الاحداث السلبية الي رافقتها 
بهي الحلقة عم بحكي عن قديش هالسنة كانت تحمل افكار ايجابية وطورت شغلات وقديش الميديا والاعلام كانو سلبيين وساهمو بنشر السلبية فيها وتهويل الاحداث!

بالحلقة الرابعة من بودكاست سوالف مع كيكي عم احكي عن الاهداف والانجازات السنوية الي تحتاج لخطة عمل سنوية  وشو الاسس والمتطلبات لبناء الخطة السنوية الناجحة
التخطيط السنوي هو جزء مهم من مسيرة الناجحين وبساعدهم ليقدرو يركزو ويكونو ماشيين على الطريق الصحيح ليوصلو لاهدافهم ويكونو ناجحين

بالحلقة الثالثة من بودكاست سوالف مع كيكي عم احكي وجهة نظري بموضوع الاختيارات والقرارات وكيف انا باخد القرارات الصحيحة والمناسبة دائما وبتحمل مسؤولية هالشي!
وعن جدلية الانسان المخير والمسير وكيف قراراتنا وخياراتنا تتغير مع الظروف والاوقات والانماط المعيشية وتزداد تعقيداً او بساطة