لەم پۆدکاستەدا لە بارەی پەیوەندی نێوان ژیری دەستکرد و سیاسەت دەدوێین، تا بزانین سیاسەتی وڵاتان چییە لەبارەی ئەم تەکنەلۆژیا نوێیەوە. هەروەها باس لە کاریگەرییەکانی ژیری دەستکرد دەکەین بۆ سەر بواری ڕۆژنامەوانیی. لەم پۆدکاستەدا گفتووگۆ لەگەڵ ڕێنوار نەجم دەکەم. ڕێنوار خاوەنی بڕوانامەی بەکالریۆسە لە زمان و ئەدەبیاتی ئینگلیزیی، لە ڕۆژنامەی ئاوێنەوە دەستی بەکاری ڕۆژنامەنووسی کردووە و ماوەی زیاد لە ١٠ ساڵە لەو بوارەدا کاردەکات. هەروەها خاوەنی بڕوانامەی ماستەرە لە زانستە سیاسییەکان، لە بواری ئاشتی و ململانێ لە زانکۆکانی کەنت لە بەریتانیا و ماربۆرگ لە ئەڵمانیا.