"زحمة" مدوّنة صوتية عن مجد، راما، وقاسم... وعن كل زحمة جوّاتنا حدا شايفها.مجد، ملك الحفلات، رجع على بيروت بعد سنين من الغربة بدبي، رجع لغرفته القديمة، بس قلبه بعده هونيك. راما، عايشة بالقاهرة، أمّ ومهندسة ومقاتلة، بتحاول توازن بين شغلها، مشاعرها، وأمومتها. وقاسم، ابن العراق، بيلاقي نفسه بمحطات المترو في باريس أكتر من أي مكان، وبيسأل بصمت: "أنا مين، إذا ما كنت مضطر أشرح؟".
زحمة مش بس عنهم.هيي عنّا، عنكم، وعن كل اللحظات اللي منعيشها ومندوّر فيها على حالنا. بنحكي بصوت واضح، من دون تجميل، ومن دون خجل… ومن دون أجوبة جاهزة."زحمة"، لأنّه الحياة مش خطّ مستقيم.
"زحمة" مدوّنة صوتية عن مجد، راما، وقاسم... وعن كل زحمة جوّاتنا حدا شايفها.مجد، ملك الحفلات، رجع على بيروت بعد سنين من الغربة بدبي، رجع لغرفته القديمة، بس قلبه بعده هونيك. راما، عايشة بالقاهرة، أمّ ومهندسة ومقاتلة، بتحاول توازن بين شغلها، مشاعرها، وأمومتها. وقاسم، ابن العراق، بيلاقي نفسه بمحطات المترو في باريس أكتر من أي مكان، وبيسأل بصمت: "أنا مين، إذا ما كنت مضطر أشرح؟".
زحمة مش بس عنهم.هيي عنّا، عنكم، وعن كل اللحظات اللي منعيشها ومندوّر فيها على حالنا. بنحكي بصوت واضح، من دون تجميل، ومن دون خجل… ومن دون أجوبة جاهزة."زحمة"، لأنّه الحياة مش خطّ مستقيم.
مجد رجع ع بيروت… بس مش نفس الشخص اللي تركها.بعد ما كان عايش لحاله، مستقل، بدبي، لقى حاله راجع على أوضته القديمة ببيت أهله. رايح من ورا شغل ضغطه، حب وجعه، وحياة حسّ فيها حاله تايه.بس هل بيروت رح تعطيه فرصة جديدة؟ وشو بيصير لما يقرر يفتح قلبه ويجرّب يواعد بهالمدينة؟ عندكن نصيحة تساعده يقطع هالمرحلة؟مجد شاب بآخر العشرينات. اشتغل بشركة كبيرة، أمازون، وكان مفكّر إنه حقّق شي… بس الضغط، والمسؤولية، والوِحدة، أكلوه شوي شوي. صحته النفسية تدهورت، وبلّش يحسّ إنه حتى أصحابه تقال عالقلب. هرب من دبي، بس بيروت مش دايماً ملجأ سهل.
ببودكاست "زحمة"، منعيش مع مجد التحوّل، التخبّط، والمحاولات الخجولة ليرجّع توازنه. "زحمة" مش بس صوت سيارات أو ناس عم تركض… هي كمان زحمة مشاعر، قرارات، وعلاقات مش مفهومة.
