مع الأحداث المستمرة بفلسطين من اعتدائات المستوطنين وجنود الاحتلال، للأسف أصحاب المركبات الفلسطينيين غير محميين بتأمين مركبات يساعدهم بتغطية وتعويض خسائرهم. مع الحج عامر طميزة والأستاذ هيثم ربايعة منشوف شو في مقترحات لحل هاي المشكلة

بلدية عجّة الفلسطينية عم تقطع أشواط رهيبة بالاستدامة البيئية! ما بتعرفوا بلدة عجّة؟ ما بتعرفوا شو علاقة الاستدامة بالفنتك؟ خلينا هادا الاسبوع نتعرف على هاي الروابط بحلقة ما كنا نتوقع تكون بهالشمولية بالمواضيع مع مدير عام الاوراق المالية في هيئة سوق رأس المال، السيد مراد جدبة

استمتعوا بالحلقة متل ما استمتعنا احنا فيها

حلقة اليوم مع د. بشار من هيئة سوق رأس المالي الفلسطينية فيها كتير محتوى عن أهم مؤشرات التقرير السنوي، ولمحة عن أسبوع المستثمر العالمي ونشاطاته في فلسطين. انضمولنا لتعرفوا عنها ونتعرف مع بعض على انجازات فلسطين في المالية الغير مصرفية

معاشك بينزل كمان يومين وفي شغلة بدك تشتريها هلأ؟ عن طريق نموذج الدفع اللاحق منقدر نأجل أو تقسّط الدفعات بدون ما نقلق! كيف هادا الإشي بيصير؟ إحضروا الحلقة لتعرفوا مع د. موسى عجوز

معقول فش اشي اسمه تأمين شامل؟ طيب كيف ممكن أعرف شو التأمين اللي بحتاجه؟ اذا أمّنت عن طريق وكيل أرخص ولا كيف؟ ايش يعني وكيل تأمين أصلا؟

عشان نسهّل عحالنا عالم التأمين، استضفنا السيد براء محسيري لنبسّط الصورة ونرتاح أكتر لما نحكي بهاي المواضيع

معقول الكورونا كان الها أثر ايجابي على تبنّينا للمحافظ الالكترونية؟ طيب هل سلوكنا احنا كمستخدمين تغيّر بأي شكل؟ مع يارا منحكي بهاي المواضيع وأكتر ومنتعلم كيف هادا العالم بيختلف وبيتشابه حوالين العالم

السيد سفيان المشعشع، المثل الخاص المساعد لبرنامج الأمم المتحدة الإنمائي في فلسطين بيحكي معنا عن دور الفنتك في التنمية وعلاقتها مع أهداف التنمية المستدامة، ونماذج جديدة من الشراكات بين القطاعات الخاصة والحكومية لرفع الشمول المالي

بفلسطين، القطاع المالي مفصول بين القطاع المصرفي وغير المصرفي. مين بيتحكم فيهم؟ كيف هيئة سوق رأس المال بتحمي حقوقنا كأفراد ومستهلكين؟ خلينا نسمع د. بشار ابو زعرور لنجاوب هاي الاسئلة، ونعرف كيف وايمتا نتواصل مع الهيئة ونستفيد من دعمهم عبر منصة ابتكر

مع محمد الجمل من شركة كراوديوس منتعرف على عالم التمويل الجماعي وكيف مع بعض ممكن نجمع مبالغ تخلّي أكبر استثمار يتم تمويله بفترة قليلة. انضمولنا لنتعرف على شركة ناشئة بالمجال، وكيف عم بقودوا جهد كبيربتغيير فهمنا لعالم التمويل

رحلة طويلة وصعبة مر فيها تطبيق #محفظتي التابع لشركة بال باي. مع الاستاذ معاوية القواسمي، مدير الشركة التنفيذي، منسمع كيف استخدموا الفنتك في زيادة الشمول المالي في #فلسطين وتسهيل عمليات الدفع والتحويل وادارتنا لمواردنا المالية

بالعادة لما نحكي تكنولوجيا مالية بكون سهل علينا نفكر بالقطاع المالي التقليدي وننسى انه في وجود كبير للقطاع المالي الإسلامي كمان. بس لحسن الحظ، د. موسى عجوز، محاضر في جامعة فلسطين الاهلية منسق مسار التكنولوجيا المالية، أجى ليساعدنا نفهم مبادئ المالية الإسلامية وكيف ممكن نبتكر بشكل متوافق مع الشريعة الإسلامية اللي عمرها فوق ال١,٤٠٠ سنة

تابعونا وشاركوا الحلقة مع أصدقائكم لنستفيد كلنا من هاي المعلومات واحكولنا عن شو بتحبوا نحكي بحلقات جاي

بهاي الحلقة ركان بيحتفل مع حمزة بمناسبة تصميم وإطلاق أول عيادة مالية في فلسطين بالشراكة بين حاضنة أعمال انترسكت وشركة فن بلووم. ايش يعني عيادة مالية؟ شو الفايدة منها؟ وليش وجودها مهم؟ اسمعونا لنعطيكم الاجابات هاي كلها

بهاي الحلقة ركان وحمزة بيبنولنا أساس لنفهم مواضيع العملات الرقمية كيف بدت وتطورت، وكيف تكنولوجيا البلوكتشين عم تدخل بمجالات متل الطب والفن والعقارات وغيرها. انضموا معنا لنسمع أكتر عن أمور الكريبتو الجدلية

حلقتنا التانية بتقارن ما بين وسائل الدفع التقليدية والرقمية، وبتحكي عن المحافظ الالكترونية وين واصلة بالعالم وشكلها بفلسطين

انضمولنا وشاركونا بالتعليقات انتوا اي محفظة بتستعملوا

ايش يعني تكنولوجيا مالية؟ من وين أجى مصطلح "فنتك" وكيف بتتأثر القطاعات المالية فيه. هل حياتنا راح تضل متل ما هي اليوم؟ ولا راح تصير أسهل وأسرع؟

 انضموا لحمزة وركان لتعرفوا كل هاي الأجوبة...وأكتر