ប្រមូលទុនដោយកម្ចី (Debt Financing) ប្រមូលទុនដោយកម្ចីមានទំរង់ដូចតទៅ៖ • ការទទួលបានឥណទានពីធនាគារឬស្ថាប័នហិរញ្ញវត្ថុដទៃទៀត ទោះបីជាពិបាកក្នុងការទទួលបានក៏ដោយ ទុនប្រភេទនេះមានអត្រាការប្រាក់ទាប ហើយអនុញ្ញាតឱ្យអ្នកដកប្រាក់បានច្រើនតាមតម្រូវការក្នុងរយៈពេលណាមួយ។ • ប្រាក់កម្ចីរយៈពេលពីធនាគារឬអ្នកផ្តល់ប្រាក់កម្ចីផ្សេងទៀត ដូចជាប័ណ្ណបំណុល កម្ចីទាំងនេះផ្តល់នូវចំនួនទឹកប្រាក់ដើមទុនពេញលេញមុន ហើយទាមទារការទូទាត់ការប្រាក់ជាទៀងទាត់ក្នុងរយៈពេលថេរមួយ។ • ប័ណ្ណឥណទានពីធនាគារឥណទាន សហជីពការសន្សំ និងប្រាក់កម្ចី និងស្ថាប័នហិរញ្ញវត្ថុផ្សេងៗទៀត អ្នកខ្ចីលុយ ហើយត្រូវសងមកវិញជាមួយការប្រាក់នាពេលក្រោយ។ តើការប្រមូលទុនដោយកម្ចីល្អសម្រាប់អាជីវម្មអ្នកឬទេ? ប្រភេទអាជីវកម្មខ្នាតតូចជាច្រើនទទួលបានផលប្រយោជន៍ពីការផ្តល់ទុនដោយកម្ចី ជាពិសេសក្នុងវិស័យ ដូចជាលក់រាយ បដិសណ្ឋារកិច្ចនិងផលិតកម្ម។ ដើម្បីទទួលបានប្រាក់កម្ចីនិងប្រាក់កម្ចីឥណទាន ក្រុមហ៊ុនត្រូវបង្ហាញប្រវត្តិប្រតិបត្តិការនិងប្រាក់ចំណេញ។ មុនពេលដែលអ្នកស្វែងរកទុនកម្ចី អ្នកត្រូវតែមានហេតុផលសមរម្យ ដោយប្រាកដថាអ្នកនឹងមានប្រាក់ចំណូលគ្រប់គ្រាន់នៅថ្ងៃអនាគតដើម្បីសងបំណុល។ អ្នកផ្តល់ប្រាក់កម្ចីជាធម្មតាត្រូវការ វត្ថុបញ្ចាំ ឬការធានារ៉ាប់រងផ្ទាល់ខ្លួន ផែនការអាជីវកម្ម ពិន្ទុឥណទានល្អ ច្បាប់ថតចំលងពីការបង់ពន្ធ របាយការណ៍ហិរញ្ញវត្ថុនិងពាក្យស្នើសុំកម្ចី។ គុណសម្បត្តិនៃការប្រមូលទុនដោយកម្ចី: • ប្រើបានស្ទើរតែអាជីវកម្មគ្រប់ប្រភេទនិងទំហំ ។ • អ្នករក្សាភាពជាម្ចាស់នៃអាជីវកម្មរបស់អ្នក មានន័យថាអ្នកនឹងមិនត្រូវចែករំលែកប្រាក់ចំណេញរយៈពេលវែង។ • អ្នកដឹងពីពេលដែលអ្នកត្រូវសង។ • មានជម្រើសជាច្រើនប្រភេទ (ប្រភេទឥណទានប្រាក់កម្ចី កាតឥណទានជាដើម) ។ • ការប្រាក់លើបំណុលអាចត្រូវបានកាត់ចេញពីការបង់ពន្ធរបស់ក្រុមហ៊ុន។ • អត្រាការប្រាក់លើប្រាក់កម្ចីជាទូទៅទាបជាង ការប្រាក់លើការវិនិយោគទុន។ គុណវិបត្តិនៃការប្រមូលទុនដោយកម្ចី: • ទាមទារការសងទាំងដើមនិងការប្រាក់ ទោះបីអាជីវកម្មល្អឬអាក្រក់ក៏ដោយ។ • បំណុលគឺជាការចំណាយមួយ និងវាបង្ការអ្នកពីការវិនិយោគប្រាក់ចំណូលឡើងវិញទៅក្នុងអាជីវកម្ម។ • មានហានិភ័យធ្វើអោយក្រុមហ៊ុនក្ស័យធុន ប្រសិនបើអ្នកគ្មានលទ្ធភាពបង់ប្រាក់តាមកិច្ចសន្យា។ • អ្នកផ្តល់ប្រាក់កម្ចីអាចរឹតបន្តឹងលើការប្រើលុយ ប្រមូលទុនដោយលក់ភាគហ៊ុន (Equity Financing) ប្រមូលទុនដោយលក់ភាគហ៊ុនជាធម្មតាចេញមកពីប្រភពបី៖ • មិត្តភក្តិ និងគ្រួសារ (ឬអ្នកវិនិយោគតូចផ្សេងទៀត): អ្នកវិនិយោគឯកជនទាំងនេះដាក់ប្រាក់តិចតួចចូលទៅក្នុងអាជីវកម្មរបស់អ្នកជាថ្នូរនឹងភាគហ៊ុនតូច។ • វិនិយោគិន: ជាទូទៅបុគ្គលឬសមាគមឯកជន ជាទូទៅវិនិយោគិនទាំងនេះដាក់ប្រាក់ពី ១០ម៉ឺន ទៅ ១០០ ម៉ឺនដុល្លារចូលទៅក្នុងក្រុមហ៊ុនរបស់អ្នក និងដើម្បីប្តូរភាគរយនៃការកាន់កាប់ក្រុមហ៊ុន។ • ក្រុមហ៊ុនវិនិយោគ: ក្រុមហ៊ុនទាំងនេះវិនិយោគជាសាធារណៈរាប់លានដុល្លារចំពោះអាជីវកម្មដែលមានសក្តដានុពលខ្លាំង។ តើការប្រមូលទុនដោយលក់ភាគហ៊ុនល្អសម្រាប់អាជីវកម្មរបស់អ្នកឬទេ? ការប្រមូលទុនដោយលក់ភាគហ៊ុនគឺសមស្របបំផុតសម្រាប់ក្រុមហ៊ុនបច្ចេកវិទ្យាដែលមានហានិភ័យខ្ពស់ និងការច្នៃប្រឌិតថ្មីដែលមានសក្តានុពលផ្តល់មកវិញចំនេញលើដើមទុនខ្ពស់។ វិនិយោគិននឹងសិក្សាផែនការអាជីវកម្មរបស់អ្នក យ៉ាងលម្អិត សិក្សាពីក្រុមការងារ និងអ្នកគ្រប់គ្រង ដែលតម្រូវអោយបង្ហាញពីផលិតផលឬសេវាកម្ម យុទ្ធសាស្រ្តកំណត់តម្លៃ និងយុទ្ធសាស្រ្តលក់ការរៀបចំការប្រកួតប្រជែងនិងការព្យាករណ៍ហិរញ្ញវត្ថុជាក់ស្តែង។ គុណសម្បត្តិនៃការប្រមូលទុនលក់ភាគហ៊ុន: • ចំពោះអាជីវកម្មថ្មីដែលមិនមានប្រាក់ចំណូលឬអ្នកដែលមិនទាន់ទទួលបានប្រាក់ចំណេញ ការប្រមូលទុននេះជាវិធីដ៏ល្អមួយប្រសិនបើមិនមានជម្រើស។ • វិនិយោគិនជាអ្នកមានហានិភ័ខ្ពស់ ។ ពួកគេទទួលបានផលចំណេញ លុះត្រាតែអាជីវកម្មទទួលបានជោគជ័យ • ភាគរយនៃប្រាក់ចំណូលនឹងមិនត្រូវបានបង្វែរទៅបង់ប្រាក់កម្ចីឡើយ។ គុណវិបត្តិនៃការប្រមូលទុនដោយការលក់ភាគហ៊ុន: • អ្នកបោះបង់ភាគរយនៃអាជីវកម្មរបស់អ្នក។ • វិនិយោគិនមានឥទ្ធិពលលើការសម្រេចចិត្តសំខាន់ៗ និងជះឥទ្ធិពលលើវប្បធម៌របស់ក្រុមហ៊ុន។ • ទទួលវិនិយោគអាចជាការងារពេញម៉ោងដោយអ្នកត្រូវ រាយការណ៍ដល់វិនិយោគិនជាទៀងទាត់ អ្នកអាចចំណាយពេលរាប់ម៉ោង។