Narito na ang unang episode ng USTinig ngayong taon! Ang tampok na panauhin namin ay ang premyadong makata at manunulat sa telebisyon at pelikula na si Jerry Gracio. Magkukuwentuhan sila ni Resident Fellow Jose Mojica tungkol sa pagsulat ng tula, sanaysay, at script. Pakinggan rin ang pagsagot ni Jerry sa mga tanong ni Dawn Marfil-Burris, ang bagong segment host ng USTinig.

Si Jerry Gracio ay isang premyadong makata at manunulat sa telebisyon at pelikula. Siya ang awtor ng Apokripos, Aves, Hindi Bagay, at Waray Hinuong Sa Gugma/Walang Tungkol sa Pag-ibig, mga koleksiyon ng tula; ng Bagay Tayo at Informal, mga koleksiyon ng sanaysay. Siya ang screenwriter ng Balangiga: Howling Wilderness, at isa sa mga manunulat ng mga programang The Greatest Love at A Soldier’s Heart.