Uuma tusarnaagassiap ingerlanerani nuersaasartut nuersagaat nuersaanerullu silarsuaani pisut assigiinngitsut eqqartortarpagut. 

Nuersaanermi periutsit kalaallisut qanoq taasassavagut?. Pingaarnertut anguniaavoq nuersaanermi periutsit kalaallisut taaguuteqalernissaanut nalunaarsuinissaq, apeqqutaallunilu nutaanik oqaasiliortoqarsimanersoq, oqaatsinik akuersisartunut nalilerneqartussatut inissinnissaat anguniagassaalluni.

Uani aallakaatitassiami Ikinngutiga Arnajaraq Støvlbækkip ukiut 20-t nuersaanikuuani nuersaanermut pulaqqinnerani aqqutissiuuppara. Nuersagassianik, malitassamik nuersaatinillu pisiniarnerani ilagaara. Nuersaaleqqinerani tapersersorlugu nuersagaata assinganik ingerlatsillunga ilitsersuuppara naammisilerneranilu oqaloqatiginera aamma tusaaneqarsinnaalluni.

Una aallakatiassiaq Eqqumiitsuliornermut Aningaasaateqarfimmit Tips- aamma lotto-mit aningaasaliissutit - siunertanut tamanut iluaqutaasussanut (pulje C)-mit taperneqarmat tusarnaarsinnaavat.

Pulaartoq: Arnajaraq Støvlbæk

Aallakaatitassiortoq: Nuka Alice Lund

Saqqaani assiliisoq: Victor José Torrejó, Marina

Aningaasaliisut: Eqqumiitsuliornermik aningaasaateqarfik aamma Tips- aamma lotto-mit aningaasaliissutit - siunertanut tamanut iluaqutaasussanut (pulje C)