في هاي الحلقة من شبابيك، استضفت ضيف عزيز جدا، أسامة فريحات، إنسان مبدع ومليان شغف، وواحد من الأشخاص اللي الحديث معهم بيخليني أطلع بأفكار جديدة كل مرة.

فتحنا "شباك الحياة الجامعية" وحكينا عن شغلات عملناها أو تعلمناها خلال الجامعة، وساعدتنا نكون أقوى، أهدى، وأنضج بعد التخرج.

حلقة مليانة عفوية، صدق وتجارب حقيقية، بتلمس كل حدا مرّ أو عم بمرّ بمرحلة الجامعة

فى هادي الحلقة من "شبابيك"، التقيت بصديقتي إيناس شركس دردشنا بكل صراحة عن رحلتنا مع الشغف والتخصص.

حكينا عن لحظات الحيرة الي مرينا فيها، عن الاختيارات اللى مش دايمًا كانت سهلة، وعن كيف كل وحدة فينا حاولت تلاقي طريقها بين الاشي اللى بتحبه واللى تخصصت فيه.

حديثنا كان بسيط و عفوي بدون تخطيط ولا تعقيد... فلو انت كمان حسّيت يوم إنك محتار/ة بين شغفك و مجال دراستك، بنتمنى تستمتع بالحلقة. 

في هاي الحلقة التعريفية من بودكاست شبابيك، رح أحكيلكم من وين إجت الفكرة، ليش سميته "شبابيك"، وليش حبيت أبدأ بهالمشروع تحديدًا.

شبابيك مش مجرد بودكاست... هو مساحة بسيطة، صادقة، منّا والنا.

كل حلقة شباك جديد بنفتحه مع بعض على مواضيع بتلامس حياتنا كشباب:
من الدراسة و الشغل والضياع، لاكتشاف الشغف، للقرارات الصعبة، والتجارب الحقيقية.

إذا كنت/ي طالب/ة، خريج/ة جديد/ة، أو ببداية سنين الشغل...
هاي المساحة لإلك.

رح يكون معنا شباب عاديين، بس قصصهم ابدا مش عادية.

هاد بودكاست صوتي، بسيط، تقدروا تسمعوه بأي وقت... وإنتو بالطريق، بالشغل، أو وإنتو لحالكم.

خلينا نبدأ الرحلة مع بعض، ونفتح أول شباك.