Бул ирет биз кыргыз тарыхындагы чоң тема — манапчылык тууралуу сүйлөшөбүз. Манаптар кыргыз коомунда кандай орунду ээлеген? Алар байлардан, бийлерден, хандардан эмнеси менен айырмаланган? Россия империясынын жана Совет доорунун саясаты бул институтка кандайча таасир эткен? Ал эми бүгүнкү күндө манапчылыкты кайра карап чыгуу эмнени билдирет?
Бул суроолорго жооп издөөдө менин коногум — тарыхчы Бакыт Султаналиев, Кыргыз Улуттук Илимдер Академиясынын Тарых институтунун кызматкери. Ал көп жылдан бери манапчылыкты изилдеп, анын коомдогу ролуна жаңыча көз караш сунуштап келет.