Ráf dagsins liggur um slóðir læknisfræði, siðfræði, samskipta og skilnings/leysis. Gestur Evu Ágústu og Guðlaugar Svölu er Margrét Oddný Leópoldsdóttir, læknir, textíllistakona, siðfræðinemi með meiru. Hún þekkir heilbrigðismál frá báðum hliðum þar sem hún kemur í dag að þeim sem sjúklingur. Samskipti og aðgengi að þjónustu, réttlæti og menning innan kerfisins er meðal þess sem ráfið snertir á og kynnti Margrét okkur meðal annars fyrir nokkrum áhugaverðum hugtökum - á borð við þekkingarranglæti, kenningum um sjónarhorn og fleira.