Reykvíkingar dagsins í dag ljá Reykvíkingum frá árinu 1918 rödd sína og lesa valda texta frá því ári. Í þessum þætti les Nathalía Druzin Halldórsdóttir söngkona og markaðsstjóri Íslensku óperunnar auglýsingu sem birtist í dagblaðinu Fréttum í ágúst 1918. Kristín Jónsdóttir Dahlstedt rak kaffi- og matsöluhúsið Fjallkonuna sem auglýsti starfsemi sína hér en hún hafði lært og starfað við hótel- og veitingarekstur í Danmörku og átti á sinni starfsævi ýmis veitingahús víðsvegar um Reykjavík. R1918 er samstarfsverkefni Listahátíðar í Reykjavík, Landsbókasafnsins og RÚV. Textavinna: Landsbókasafn Íslands-Háskólabókasafn og Bjarni Jónsson. Tónlist: Úlfur Eldjárn. Samsetning: Þorgerður E. Sigurðardóttir.