Та сошиал медиагаас хэт хурдан, эсвэл хэтэрхий стресстэй, учир нь олдохгүй төвөгтэй мэдээлэлд дарагдаж, залхсан, бас ундууцсан мэдрэмж хэзээ нэгэн цагт авч байсан гэдэгт эргэлзэхгүй байна.
Баталгаатай мэдээлэл олж авахад илүү төвөгтэй, олны анхаарал амархан сарнин төөрөгдөх болсон - яг энэ үед, бид чухал үйл явдал, сэдвүүдийг баримт, судалгаатай хүргэх болно. Ингэснээр бид найдвартай эх сурвалжийн мэдээллээр үзэгч, сонсогчдод бүрэн дүүрэн ойлголт өгөхийг зорьж буй юм.
Бид Post-Fact хэмээх нэрээрээ нь үнэний дараах нийгэм буюу үнэн хүчгүйдэж сэтгэл хөдлөл, хувийн явцуу итгэл үнэмшил нийгэмд илүү нөлөөтэй болж буй үйл явцыг сануулж байгаа билээ.
Эхний подкастын зочдоор Сэтгүүл зүйн Инновац Хөгжлийн Үүр төвийн үүсгэн байгуулагч Б.Дуламхорлоо болон Монголын баримт шалгах төвийн ерөнхий эрхлэгч Э.Батцэцэг нар оролцож үнэний дараах буюу post-fact нийгэм рүү бид шилжиж буй эсэх талаар цаашлаад АНУ-ын ерөнхийлөгчийн сонгуулийн дараа хуурамч мэдээллийн талаарх технологийн компаниудын бодлогын өөрчлөлт үүнд Мета компанийн Хөндлөнгийн баримт шалгах хөтөлбөрийг АНУ-д зогсоосон тухай шийдвэрийн талаар ярилцана.
Түүнчлэн бид Нобелийн шагналт сэтгүүлч Мариа Рессагийн “Дарангуйлагчтай хэрхэн тэмцэх вэ?” ном дахь сэдвүүдийг дэлгэрэнгүй ярилцлаа.
Ярилцлагад дурдагдсан:
Марк Зукерберг Хөндлөнгийн баримт шалгах хөтөлбөрийг АНУ-д зогсоосон шийдвэр:
https://about.fb.com/news/2025/01/met...
Мариа Рессагийн “Дарангуйлагчтай хэрхэн тэмцэх вэ?” ном:https://tinyurl.com/55t4skya
Продакшн баг: Г.Чинзориг, Ш.Билгүүн
Баримт шалгасан: Ш.Билгүүн
Та манай подкастын талаар санал, хүсэлт илгээхийг хүсвэл postfact@mfcc.mn мэйлээр хандаарай. Манай төвийн “АСУУ” чатботод бүртгүүлэн баримт шалгалтыг цаг алдалгүй хүлээн аваарай:/ 115279703453297
