“Zaman Maşını” verilişinin növbəti buraxılışına klinik psixoloq Rövşən Nəcəfov qonaq oldu. Psixoloji narahatlıqların səbəbləri, uşaqlıq travmaları və sosial medianın insan psixologiyasına təsiri barədə danışdıq.

“Zaman Maşını” verilişinin növbəti buraxılışına ETSN yanında Bioloji Müxtəlifliyin Qorunması Xidmətinin rəis müavini Arzu Babayeva qonaq oldu. O, milli parkların yaradılması, oradakı heyvanların müşahidəsi və park ziyarətçiləri üçün qaydalar barədə maraqlı məlumatlar verdi.

Bu gün “Zaman Maşını” verilişinin növbəti buraxılışında herpetoloq Anar Cəfərov qonaq oldu. O, ilanların yaşayış yerlərindən tutmuş onların davranış xüsusiyyətlərinə, zəhərli və zəhərsiz ilanların fərqlərinə qədər maraqlı məlumatlar paylaşıb. Bundan əlavə, ilanların insan həyatındakı rolu və ilan sancması halında ilk yardım qaydaları müzakirə edilib.

Bu dəfə "Zaman Maşını" verilişinin qonağı sosioloq Yusif Nəbiyev oldu. Onunla müasir texnologiyaların uşaqların
gündəlik davranışlarına təsirindən, sosial məsuliyyət mövzusundan, cəmiyyətin fərdiləşməsi məsələsindən və modern təhsildəki problemlərdən danışdıq.

Bu dəfə "Zaman Maşını" verilişinə sağlam qidalanma mütəxəssisi və ekofəal Məhsəti Hüseynova qonaq oldu. O, sağlam qidalanmanın çətin olmadığından, səhər yeməyinin önəmindən və aralıqlı aclığın faydalarından danışdı. Əlavə olaraq, qlüten və laktoza həssaslığı mövzuları ilə bağlı fikirlərini də bölüşdü.

“İngilis dili biliyi bu ölkədə ünsiyyət üçün kifayət etmir".
Çinlə Azərbaycanın işgüzar mədəniyyətləri arasında hansı fərqlər var?
 “Şanxayda tanışlıq parkı var”.
 "Çində dələduzluq demək olar yoxdur".
“Bu ölkədə hər kəs çox səbirlidir” 

Qonağımız səyahətçi Həsən Məmmədovdur.

“Zaman Maşını” verilişinin növbəti buraxılışının qonağı ətraf mühit məsələləri üzrə ekspert Rövşən Abbasov oldu. Bu buraxılışda yaşıl enerjinin təbiətə müsbət təsiri, onun istehsalı zamanı yaranan tullantılar və utilizasiya imkanları ilə bağlı maraqlı fikirlər səsləndirildi.

Vyetnamda nə yeyək?
Vyetnamda küçə yeməklərinə niyə bu qədər çox tələb var?
Kambocanın hansı şəhərlərini gəzməliyik?
Bu ölkəni kəşf etmək üçün neçə gün lazımdır?

Qonağımız səyahətçi Jalə Ələkbərovadır.

“Vəhşi təbiətin ən yaxşı qorunduğu yer Tanzaniyadır”
 “Serengitidə zebra belə təhlükəlidir”
 “Madaqaskara təyyarə bileti 2700 dollardır”
 Bu adada turistləri hansı çətinliklər gözləyir?
 Ada əhalisinin inancı nədir?

 Qonağımız Səyahətçi Elşən İsmayılovdur.

Bu gün “Zaman Maşını” verilişində biologiya üzrə fəlsəfə doktoru, dosent Yusif Zeynalovla 5 İyun Ümumdünya Ətraf Mühit günü münasibətilə təbiəti qorumağın əhəmiyyəti, bitkilərin ətraf mühitdə rolu və onların insan sağlamlığı üçün vacibliyi mövzusunda maraqlı söhbət etdik.

Qonağımız WWF-in Azərbaycan ofisinin direktoru Elşad Əsgərov oldu. Bu söhbətimizdə onunla ətraf mühit problemlərini, WWF-in missiyasını, qar bəbirinin həyatını və kamuflyaj istifadə etmə səbəblərini müzakirə etdik. Bununla yanaşı, iqlim dəyişikliyinə antropogen təsirlərdən danışdıq.

“Zaman Maşını” verilişinin növbəti buraxılışının qonağı hidroloq Amin Məmmədov oldu. Su ehtiyatlarının düzgün istifadəsi, iqlim dəyişikliklərinin təsiri və Xəzər dənizinin səviyyəsinin azalması kimi vacib mövzulara toxunduq.

Bu dəfə “Zaman Maşını” verilişinin qonağı Mikrobiologiya İnstitutunun baş direktoru professor Pənah Muradov oldu. Təbiətin harmoniyası, mikrobioloji proseslər və göbələklərin həyatdakı rolu kimi mövzuları müzakirə etdik. Həmçinin süni intellektin inkişafı və təbii intellektin əvəzolunmaz rolu barədə ətraflı söhbət apardıq.

Bu dəfə “Zaman Maşını” verilişinin qonağı kimya elmləri doktoru professor Əfsun Sucayevdir. Bu buraxılışda aşqarların iqtisadiyyata təsiri, nanotexnologiyaların kimya sənayesindəki rolu, gənclərin bu sahəyə olan marağı və kimya sənayesi ilə bağlı digər mühüm məsələlərdən danışdıq.

Bu dəfə “Zaman Maşını” verilişinin qonaqları UNEC
rektorunun müşaviri dosent Elşən Bağırzadə və UNEC-in tələbə rektoru Nihad İsgəndərov oldular. Onlarla müasir iqtisadiyyatdan, fakültə təhsili ilə subbakalavr təhsilinin fərqlərindən, gənclərin düzgün ixtisas seçimi, iqtisadiyyatda süni intellektin rolu və tələbə rektorunun fəaliyyətlərindən danışdıq.

"Zaman Maşını" verilişinin növbəti buraxılışının qonağı DİM-in mətbuat katibi Xanlar Xanlarzadə oldu. Onunla birlikdə qəbul və buraxılış imtahanlarının detalları, ixtisas seçimi, süni intellektin rolu və abituriyentləri maraqlandıran digər suallar haqqında danışdıq.

"Zaman Maşını" verilişinin növbəti buraxılışının qonağı Everesti fəth edən azərbaycanlı alpinist Vəfa Musayeva oldu. Oksigen çatışmazlığı, dağ xəstəliyi və ekstremal turizmin təhlükələri... Bu buraxılışda biz Vəfa xanımla fobiyalarla necə mübarizə aparmaq, küləyə və riskə baxmayaraq necə davam etmək və ən əsası, insanı zirvəyə aparan gücün mənbəyi haqqında danışırıq.

"Zaman Maşını" verilişinin növbəti buraxılışının qonağı bitki mütəxəssisi Rufan Əmiraslanov oldu. O, ev şəraitində baxımı asan bitkilər, düzgün sulama və gübrələmə qaydaları, bitki xəstəlikləri və yaşıl auranın insan psixologiyasına təsiri kimi bir çox maraqlı mövzuya toxundu.

Bu gün “Zaman Maşını” verilişində qonağımız biologiya elmləri doktoru Tubuxanım Qasımzadə oldu. 22 May – Biomüxtəliflik Gününə həsr olunan buraxılışda bitki növlərinin qorunması, “Qırmızı kitab” və “Çəhrayı siyahı”nın əhəmiyyəti, genetik modifikasiyanın məqsədi və mümkün risklərini müzakirə etdik. Eyni zamanda, qida təhlükəsizliyi, ekoloji savadlılıq, Bakı şəhərinin yaşıllıq səviyyəsi, COP29 tədbiri və ətraf mühitin qorunmasında üzərimizə düşən məsuliyyətlərə də toxunduq.

“Zaman Maşını” verilişinin növbəti buraxılışında qonağımız etiket qaydaları üzrə mütəxəssis Cəmilə Hüseynova oldu. 20 May – Beynəlxalq Çay Gününə həsr olunan buraxılışda Azərbaycan çay mədəniyyəti, samovar süfrəsi və armudu stəkanın incəlikləri, Yaponiyanın matça mərasimi, İngilislərin südlü çay ənənəsi və məşhur "tea time" saatı haqqında danışdıq. Həmçinin, Çin və Hindistanda çayın qədim tarixi, çay plantasiyalarının ekologiyası, müxtəlif bitki çayları, çay dəmləmə qaydaları və çay içərkən etiket qaydaları da verilişin əsas mövzularından oldu.