في العادة، بنستنى نهاية سعيدة لأي قصة إيمانية، انتصار المؤمنين وهلاك الظالمين. لكن، هل ممكن النصر يكون في الهلاك نفسه؟ وهل القصة فعلًا بتنتهي عند اللحظة دي، ولا ليها تكملة؟ في حلقة النهاردة هنسافر عبر الزمن لليمن، تحديدًا نجران في القرن السادس، قبل بعثة الرسول ﷺ. هنقابل ملك ظالم، وساحر عجوز، وولد صغير اتعلق بين طريقين مختلفين تمامًا. ولد المفروض يتعلم السحر ويبقى أداة الملك للسيطرة على الناس... لكنه بيختار طريق تاني خالص. طريق هيقلب المملكة رأسًا على عقب! إزاي الغلام الصغير بقى رمز للإيمان؟ وإزاي المواجهة بينه وبين الملك وصلت لأكبر اختبار في التاريخ؟