Neste episodio de "O mellor da vida" tráiovos a unha verdadeira forza da natureza, un descubrimento, un tesouro!

Ela é Mary Quintero, unha das fotógrafas máis prestixiosas a nivel mundial.

Foi quen de facerse un nome e ser pioneira nun mundo reservado só para os homes cando comezou a facer retratos sendo tan só unha adolescente. A súa creatividade e imaxinación desbordante levárona a inventar técnicas de retrato nunca vistas, que deixaban asombrados aos responsables a nivel mundial de marcas tan importantes como Kodak.

Retratou a grandes personalidades do noso país, como Manuel Fraga, Xosé Manuel Beiras, ou Paco Vázquez, entre outros.

Conversamos, como non, da súa carreira profesional, durante a que chegou a fotografar a 22 noivas nun só día; pero tamén da familia, do amor, dos horrores da guerra civil... e de como a día de hoxe, con 93 anos, soubo adaptarse á era da fotografía dixital.

Se queredes achegarvos á súa obra, o 27 de outubro o Museo do Mar de Vigo inaugura unha exposición que fai un percorrido por toda a súa carreira.

Unha personalidade arrolladora que seguro que vos vai cautivar.

Escoita o podcast en:
-Spotify: https://open.spotify.com/show/0yd2K6zeE7AuBBsqhNNwNw
-iVoox: https://go.ivoox.com/sq/2228072
-iTunes: https://podcasts.apple.com/es/podcast/o-mellor-da-vida/id1705019833

Episodios completos en vídeo: -Youtube: https://www.youtube.com/@omellordavida

Redes sociais:
-Instagram: https://www.instagram.com/omellordavida/
-Twitter: https://twitter.com/omellordavida
-TikTok: https://www.tiktok.com/@omellordavida