Mula sa Human Rights Violations Victims’ Memorial Commission o HRVVMC, malugod namin kayong inaanyayahan na makinig sa KarapaTalks: Martial Law and Transitional Justice 101. Tatalakayin sa podcast series na ito kung ano nga ba ang transisyonal na hustisya at ang mga kaakibat nitong probisyon na sumasaklaw sa pagpapahalaga at pagtatanggol sa karapatang pantao. Layunin nating maintindihan ang kahalagahan ng pag-alala sa buhay ng mga biktima ng pang-aabuso noong batas militar ni Ferdinand Marcos, Sr. Hakbang ito upang maiwasang maulit muli ang ganitong klaseng paglabag sa karapatang pantao.