Izere Language - "The New Man(English)".mp3  //1 AKORANTI 15. - Kudorok aYeso nure̱k1Kyo̱o̱rna ároneng, mi shim ta ka yiring yin itak Rife̱ Ritek riya yin tá shan yin, ne i ni nyeseng yin. 2Be Rife̱ Ritek na ne yin ti se̱ yin kashesh ke yin yiir yin rife̱ mi tá ka tak yin kpa. Ma ke i se ye yin ti no̱o̱k yin katsak kpe̱de̱ng tsek. 3Agbang ike̱ng iya mi ta shim ta ka tak yin, se ye aKiristi ku kamok rine̱n yir, kyo̱ndi kufumung rife̱ Adakunom ta fe̱, 4ye a tú ne̱r, a tú dorok katuk afe ataar, kyo̱ndi kufumung rife̱ Adakunom ta fe̱. 5A ti wuruk na aKefas ne nufe ámanzo kuso̱k be afa. 6Nama anong, a bun a ti wuruk na ároneng áfikuus a ta nar inyak iso̱k itoon nizen izining áya kukap ba ta rusek be kutser, amma ákak mereng ida. 7A bun a ti wuruk na aYakub ne na ámanzo cice̱r. 8Ni igang'e, a bun a ti wuruk natoon'i, mi ta se kyo̱ndi aner a tu ku tes nitik'e. 9Mi ti raar kaye̱e̱r ámanzo, mi kyem a tin yis ye amanzo gum baꞌ kamok mi tabak áfikuus dide̱ng. 10Amma kamok ritek Adakunom ne mi n te ana, ritek wu natoon'i se kpe̱de̱ng tsek baꞌ, cie̱k. Mi n nye itomong dide̱ng ne i nar ribir ámanzo cice̱r. Gip be anong, sang mi ne i nye itomong'e be rice mi baꞌ, ritek Adakunom ne ri nye itomong'e kaye̱e̱r'i. 11To̱, ka mi ka ba ayi, anong ne yir nye yir awazi'me, iyong ne yin ti no̱o̱k yin katsak.