ચલો આપણે ગીત લખીએ સીધી સાદી રીત લખીએ

પથ્થરને વાદળ કહેશું ને જણને કહીશું ઝાડ

રેતી કહેશે સાંભળ અલ્યા સાંભળશે વરસાદ

ઘાસ અને તડાકાને છાની વાત હોય છે નિત લખીએ

એક ઝરણને કાંઠે ઊગ્યાં ફૂલને ફૂટે પાંખ

એક અજાણ્યું વાદળ ખોલે નક્ષત્રોની આંખ

વિસ્મયનું જંગલ ને એમાં

ઊજળો-ઝાંખો દીપ લખીએ

મસમોટી દુનિયાની ચાલો મુઠ્ઠી ભરીએ એક

ને ખિસ્સામાં મમરા નીચે મૂકી દઈએ છેક

મારતી ખિસકોલીના પટ્ટા જેવી

પ્રીત લખીએ

ચલો આપણે ગીત લખીએ

સીધી સાદી રીત લખીએ