حلقة اليوم نوعاً ما خارجة عن ايطار المواضيع اللي اتعودت اتكلم عنها لكن….
قريبة جداً من قلبي ومواقفها صارت وبتصير وهتصير مع كثير مننا ملامسة للوقت اللي نعسشه واختلاف المبادى ومفاهيم الصداقة بيننا ولكن كلنا لازم نعرف انو كوننا كويسيين او اوفياء لاصحابنا عمره م كان عيب او شيء مفروض نغيره…..
اللي مفروض يتغير هوا الناس اللي بتعطيهم هالكم من الحب والوفاء…
Sky💗.
بين الحرية والعيب..
كلمتين بيجوا ورا بعض ففكرة الحرية عند المجتمع معناها العيب والافعال اللي تسود الوجه…
ولما انعرف قدرة السيطرة لكلمة زي "عيب" زادت وصارت تنقال لكل فعل يحسس اللي قدامنا اننا بنخرج بس عن سيطرته…
الحرية هنا يقصد فيها انها تنعطى لشخص واعي وفاهم وحابب يكون نفسه بدون م يتوصم او ينقال لها"وش بيقولوا الناس عنا"
بين الحرية والعيب أبغاكي تكوني واثقة في افعالك مهما كانت صورة الناس ليكي ايش لانك مجرد ماتنجحي ماراح تصيري تقدري تسمعي صوتهم حتى….
SKY💗.
في ثاني حلقة من بودكاست حواء بدأت بسؤال دايم يخطر ببالي واتوقع في بالنا كلنا ك بنات مين قال لازم؟!
مين قال اننا لازم نتدرس تخصص معين بالجامعة او حددلنا وقت معين للزواج كأن لنا تاريخ انتهاء صلاحية لازم نتزوج قبله…
حبيت في ذي الحلقة اقولك انك مو لحالك وانو رغم اختلاف ثقافتنا عن بعض الا انو كلنا بنتعرض لضغوط بس لكوننا بنات..
بس دايماً تذكري انو حواء معاك وتسمعك…
لو حبيتوا تشاركوني بقصص ليكم هكون سعيدة جداً
https://www.tiktok.com/@hawaa9034?_t=ZS-90ZJIQMzzzM&_r=1
https://www.instagram.com/hawaa9034?igsh=MTV5Y3FuY3E3Y212eg%3D%3D&utm_source=qr
شاركوني هيا على رسايل الصفحة ذي…
Sky💗.
في اول حلقة من بودكاست حَواء راح نبدأ رحلتنا من انعكاسنّا في المراية
من اللحظة اللي هنطالع فيها على نفسنا وبنستغربنا…
ومن اللحظة اللي راح نقرر فيها اننا كفاية..
وانو جمالنا بنظر انفسنا كفاية…
من هنا بدأت حواء عشان نعرف كلنا انو الحياة مو مثالية لكن كفاية اننا احنا.