Guest : Jeronio Soares (Jeroni) & Maria Elisabet (Merry)

Olá, GUers! 🌟 Ita-boot toba tarde, scroll de'it TikTok ka Facebook, no la toba ho di'ak? Se ita sente kole no baruk , liuliu durante ita- nia menstruasaun, to'o ona tempu atu deskansa no rona podcast Glow Up!

Iha epizódiu ida-ne'e, ami sei ko'alia kona-ba feto sira-nia saúde, moris-saudável husi fíziku no mentál, no aspirasaun sira ba kareira. Tópiku sira hanesan menstruasaun oras ne'e susar atu ko'alia, maibé ida ne'e parte naturál ida moris nian, no labele moe atu koalia. Iha Glow Up, ami fiar iha importánsia hosi konversa nakloke sira, no ami nia bainaka fahe nia esperiénsia pesoál ho períodu sira hodi ajuda hakotu estigma.

Ita-boot mós sei aprende dixernimentu prátiku sira kona-ba jere ita-boot nia períodu no anemia liuhosi nutrisaun. Ita hatene katak han ai-han sira ne'ebé riku ho ferru, hanesan na'an-aten nian, bele ajuda ita-boot sente di'ak liu durante ita-nia menstruasaun? Ne'e mudansa simples ida ne'ebé bele halo diferensa boot!

Ami mós diskute hela feto sira-nia kareira no objetivu sira iha futuru. Buka domin maka importante, maibé presiza mós fokus ba ita-nia an rasik no planeia ba ita-nia futuru. Ba labarik-feto sira ho idade 10 to'o 18, ita-nia isin sei buras hela, nune'e importante tebes atu iha koñesimentu ne'ebé loos no foti desizaun sira ne'ebé informadu, liuliu kona-ba isin-rua sedu. Maski ita hanoin katak ida-ne'e laos ita-nia preokupasaun diretamente, hanoin katak iha feto sira iha ita-boot nia sorin ne'ebé karik presiza ita-boot nia apoiu. Hamutuk, ita hotu bele Glow Up!

Hamutuk ho ami ba konversa importante ida-ne'e iha podcast Glow Up, no mai ita hanoin hamutuk kona-ba ita-nia saúde no futuru! ✨

No keta haluha! ita-nia password maka 1.4.2 – mai ita Glow Up from inside out!