Epizódiu semana ida-ne'e nian ko'alia kona-ba tópiku ida ne'ebé ita barak preokupa - ita-nia kulit! Karik ita-boot admira belun ida nia kulit ne'ebé laiha defeitu ka hasoru jerawat, maran, ka problema kulit sira seluk, ita sei sente la seguru bainhira ita-nia kulit ladún di'ak.
Iha razaun barak tanba saida maka ita-nia kulit bele sai aat - bele husi mudansa ambientál sira bainhira halo viajen, la hamoos ho di'ak, Loron kona makas, nakonu ho rai-rahun, no mos estilu moris nian hanesan fuma ka han hahán praktis barak liu. Fatór sira-ne'e hotu bele estraga ita-boot nia nabilan husi laran.
Iha epizódiu ida-ne'e, ami fahe pontu sira ne'ebé simples no efetivu atu hasoru problema kulit nian no ajuda ita-boot atu hetan kulit ne'ebé saudavel no nabilan ne'ebé ita mehi!
Ami nia podcast Glow Up maka kona-ba pasu sira ne'ebé fasil, orientadu hosi ami nia slogan H4EFTL:
💧 Hemu bee
🍽️ Han hahán ne'ebé balansu
🥗 Han ai-fuan no modo sira
🥑 Hadook an husi bokur barak liu 🚫 Evita hahan praktis
🧼 Fase liman no oin bebeik
💤 Toba di'ak
🚭 Labele fuma
Ida-ne'e fasil liu duké itá hanoin!
Maibé lia-loos mak Ida ne’e : pasu importante liu atu sai nabilan maka simu ita-nia an rasik no foka hadia ita-nia saúde husi laran ba li'ur! 🌟 Nune’e ita sei hetan nabilan ne'ebé dura no saudavel.
Hamutuk ho ami ba EP5 ho ami nia estudante bainaka sira oinsá atu mantein ita-nia kulit nabilan – laiha tan fatin ba jerawat atu mosu no vadiu iha oin! No keta haluha ita-nia password: 1.4.2 – mai ita Glow Up hamutuk!
Ami hakarak rona mos ita-Nia hanoin fo komentáriu ida iha ami nia Facebook ka YouTube!
