Episódiu semana ne'e nian kona ba Body Goal - buat ida-ne'ebé ita-boot sira hotu hotu interestante! Hanoin atu Glow Up hanesan halo muskulu, halo fuuk no kulit nabilan , ne'e hotu mak aspirasaun husi foin-sa'e Timor-oan barak.
Iha episódiu ne'e, ami-nia bainaka estudante, Vanio, husu: "Hau hakarak harii muskulu, maibé gym ne'e karun tebes. Saida mak ha'u tenke halo?" Keta preokupa - atu sai forte no iha muskulu barak la'ós ezersisiu iha gym deit!
Ami esplika dalan prátika atu alkansa ita-nia Body Goal no halo isin-di'ak husi inside out.💪la'ós de'it kona-ba ezersisiu; hahan ne'ebé ita han mós iha papél boot! Ita bele kumpre ita-nia planu sira liuhusi hahán ne'ebé loos, hanesan na'an, ikan, manu-tolun, susubeen, fore, no seluk tan!
Importante liu mak halo planu rasik ba ita-nia Body Goal no halo ita nia habitu ho konsisténsia. Ho koñesimentu ne'ebé loos, ezersísiu beibeik, no ai-han ne'ebé nutritivu, ita bele Glow Up no atinje planu Ita nian.
Maibé hanoin-hetan katak buat ne'ebé importante liu mak hadomi no tau matan ba ita-nia isin rasik. Hadi'a ita-nia oin no isin ne’e di’ak, maibé ita mós presiza kresimentu ba ita nia personalidade. Halo balansu no ita sei nabilan duni husi inside out!
Ita hakarak hatene kona-ba oinsá atu forma ita-nia isin no mentalidade ideál? Stay tune no rona epizódiu#4, ita bele hatene kona-ba "Body Goal".
Haksolok ba Episódiu ida-ne’e no Happy Glow Up! Keta haluha ita-nia lia-fuan májiku mak 1.4.2 - Mai ita Glow Up from inside out!
Guest: Shelomitha Calcona (Shela) Stevanio Xavier (Vanio)
Hosts: Carla Neneli & Joel Mafo
Glow Up! Timor-Leste Facebook page
https://www.facebook.com/profile.php?id=61561312217960&mibextid=LQQJ4d
