في حياة كل واحد فينا في رسائل ما اتبعتتش كلمات اتحبست في القلوب، أو اتهربنا منها، أو خبّيناها في درج ونسيناها مع الوقت النهارده هانفتح الدرج ده سوا ونقرأ الرسائل اللي ماوصلتش، ونكلم بيها الناس اللي مفتقدينهم.. يمكن نلاقي في الحروف دي عزاء، ويمكن نلاقيها جسر يوصل بينّا وبين الغايبين

في الحلقة دي هنتكلم عن رسائل منسية 
رسائل ماوصلتش لأصحابها، أو اتكتبت واتخبت في الأدراج، أو يمكن اتقالت جوا القلب وماطلعتش بصوت. هنوجّه كلامنا للناس اللي 
مفتقدينهم، للغايبين اللي سايبين فراغ، ونفتكر إزاي الكلمات البسيطة ممكن تبقى جسر بينا وبينهم، حتى لو عمرها ما اتبعتت

هاني عادل – احكي عنك
"في أول رسالة، هانفتح الكلام مع هاني عادل.. اللي بيحكي عن الغايب وكأنه لسه موجود، كأن الرسالة اتكتبت في اللحظة دي، ومازالت مستنيّة حد يقراها."

ياسمين حمدان – يا جارح قلبي
"أما ياسمين حمدان، فبتبعت رسالتها بصوت مجروح.. رسالة للوجع اللي ساب علامة، للغياب اللي بيقطع في القلب ومش عايز يخف."

فيروز – ما قدرت نسيت
"وبصوت فيروز، الرسالة دي مش بس اتكتبت.. دي انطبعت جوه الذاكرة. حنين صادق لشخص ماقدرناش ننساه مهما مر الوقت."

رشا نحاس – يا بنتي
"الرسالة هنا مختلفة.. مش لحبيب ولا غايب، لكن لابنة.. وصية مليانة دفء ووجع وأمل، كأنها رسالة من جيل لجيل، ماينفعش تتنسي."

مشروع ليلى – شم الياسمين
"مع مشروع ليلى، الرسالة بتبقى أشبه بحلم.. ريحة الياسمين بتفكرنا باللي مشوا وفضلوا عايشين في تفاصيل بسيطة حوالينا."

زينب – لحظة تفاهم
ونختم برسالة من نوع تاني.. محاولة للصلح، للقاء بعد خصام.. لحظة تفاهم ممكن تغيّر كل حاجة، وتحوّل الرسائل المنسية لذكريات 
عايشة.

YouTube : www.youtube.com/@estrahetmadi7a

Spotify :open.spotify.com/user/31ru4rq45jv…3fae8e8af895401d

SoundCloud
https://soundcloud.com/estrahetmadi7a