أنا فادي حبشي، وده بودكاست "زا دوت كاست"، ومعايا النهارده عز منصور – مصور منتجات وتجاري، بيشوف التفاصيل اللي العين ساعات بتعدّيها… ويخليها تحكي.عز مش بس بيصور منتج، هو بيدوّر على طريقة يحكي بيها قصة من غير ولا كلمة. من زاوية، من ضوء، من انعكاس بسيط … بيخلق صورة تنفع تكون إعلان، بس في نفس الوقت فيها روح شغل يدوي.رحلته بدأت من الشغف بالتصوير، لكن زي كل حاجة حقيقية، الموضوع كبر. بقى شغله، وبقى مشروعه، وبقى وسيلته إنه يساعد غيره يتعلم. من خلال شغله مع براندات، أو من خلال الورش اللي بيعلم فيها الناس إزاي يصوروا المنتج صح عز قدر يبني لنفسه مساحة خاصة، فيها دقة وذوق، وأهم من ده كله: فهم عميق للضوء.في الحلقة دي، هنتكلم عن بداياته، وإزاي قدر يخلق أسلوبه الخاص في تصوير المنتجات. عن التحديات اللي قابلها، وعن الكواليس اللي مش بنشوفها ورا كل لقطة شكلها "بسيط"، لكنها اتبنت على حساب وقت وخبرة وعين مدربة.