Papa
Sunne me kaafi chhota sa shabd hai yeh, par jitni jinnmedariya ye akele apne kandho pe uthate hain woh shayad hi shabdon me bayan kar sakun mai yaa koi.
Yaad hai mujhe aaj bhi jab chhoti thi main to kaise wo har roz subah mujhe school bus ke lie bus stop tak chhorne jaate the.
Main to apni hi dhun mei, hawaon se baatein karti, ladkhadate hue chalti thi.. Aur mere baste ka bojh uthate the mere papa.
Khud ki kameez purani hi sahi, mere har janmadin par kuch naya lekar aate the mere papa.
Kabhi kabhi khane ka man naa bhi ho to, "Ruko papa ko bolti hu" ke dar se khana kha leti thi main.
Padhne ka man naa bhi ho to unke khauf se cheezein yaad kar leti thi main.
Kabhi jo der ho jaye unhe ghar lautne me, mai pareshan ho kar mammy se puchti, kab aayenge papa. Aur wo bas yahi kahti ki aa jayenge.
Ek sukoon saa milta tha unki motorcycle ki awaz sun kar,Jab bhi unhe der hoti, mai pahoch jaati darwaje par,
Sochti thi puchungi unse aaj kyu unhe der hui, sab thik to hai, par
*pause*
Sirf sochti hi thi.
Wo mujhe dekhte aur kahte, "aaj der ho gayi beta". Aur mai bhul jaati sabkuch unke chehre pe thakaan dekh kar.
Mere har exam ki taiyaari karaate the wo Jab bhi class me top kiya, congratulations nahi, thank you kaha karte the wo, aese the mere papa.
Jaise jaise mai badi hoti gayi, hamari baatein bhi kam hoti gayi.
Pata nahi itna mushkil kyu tha, unse baatein karna, unse gale milna.
paas to the ham, fir bhi ek doori si thi.
Mazboor naa ho kar bhi ek mazboori si thi.
Kaash tabhi himmat juta ke "I love you Papa" kah diya hota, sun to lete wo.
Dil me afsos to nahi reh jaata koi, , Aaj agar kah bhi du to kya,jab sunne wala hi nahi koi.
written by : Adity
narrated by : Tanya