Si Kgg. Eufemia “Ka Femia” C. Cullamat ay lider at organisador ng mga Lumad mula pa noong dekada 1980 at kinatawan ng masa sa Kongreso. Kabilang sa kanyang mga adbokasiya ang karapatan ng mga katutubo at minoridad, kaunlaran ng mga magbubukid at manggagawa, at pambansang soberanya. Tampok ang aming panayam sa kanya bilang pagdiriwang sa Pandaigdigang Araw ng mga Katutubo sa Mundo (International Day of the World's Indigenous Peoples) noong Agosto 9 at kaarawan ni Ka Femia noong Agosto 13. Sa panayam na ito, tinatalakay ang halaga ng pagkakaisa ng mga katutubo; ang mga hamon sa pag-organisa at pagpapaunawa sa mga pamayanan ukol sa kanilang mga karapatan; at ang hindi mapapatahimik na tinig at pagbangon ng sambayanan.