A nosa alumna Marta Rodríguez Domínguez, de 4º ESO, vén de acadar o segundo premio na modalidade narración, pola súa obra "Escintileos ao a mencer", nos Premios Literarios Minerva. Este concurso literario está convocado polo prestixioso Colexio Peleteiro de Santiago de Compostela e nel os alumnos de 3º, 4º de ESO, Bacharelato e Formación Profesional de Galicia presentan os seus textos, coa condición de seren orixinais, inéditos e por suposto, en galego, xa que con este certame trátase de contribuír ao fomento do uso da lingua no ámbito educativo e a impulsar a literatura entre os mozos. O xurado destacou a calidade das obras poéticas e dos relatos premiados, chamados a garantir o futuro das nosas letras. “O nivel dos traballos premiados é unha boa mostra da puxanza e da forza deste talento novo que, coma sempre, agardamos que se sume á ampla relación de autores e autoras xa recoñecidos que comezaron a súa traxectoria nos Premios Minerva, como Xesús Rábade, Darío Xoán Cabana, Suso de Toro, Xavier Queipo, Neira Cruz, Berta Dávila, Olga Novo, Ismael Ramos ou Alba Guzmán, entre tantos autores e autoras xa imprescindibles das nosas letras”, sinalou o secretario do certame. 
A entrega de premios tivo lugar o 3 de abril nun acto literario no Colexio M. Peleteiro. Os autores premiados leron unha parte da súa obra como adianto á publicación do libro que recollerá integramente os traballos. O volume será editado polo Colexio Manuel Peleteiro de Santiago de Compostela.

Podedes acceder a máis información na nosa web, a web do IES Mendiño.

Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

Acollemos neste episodio alumnas gañadoras de concursos literarios neste curso académico 2024-2025.
Parabéns a todas elas. Compartimos estes minutos co alumno Noa Lago Rodríguez, de 3º ESO, que gañou o concurso de narrativa Exeria. Tamén contamos con Zahira Bouzón Cardesín, de 4º ESO, quen gañou o XI Certame de Relato Curto, organizado pola Federación de ANPAS da provincia de Pontevedra. Participa tamén outra alumna de 3º ESO, Leire Pena Fernández, que foi dobre gañadora, xa que gañou o Concurso da Reboirana, organizado polo CEIP Plurilingüe de Reboreda, así como o de Relato Curto da Federación de ANPAS da provincia de Pontevedra. Finalmente, completa a mesa redonda, onda a profesora Teresa Monteagudo, coordinadora de EDL do IES Mendiño, a nosa alumna de 2º ESO Ana Lago Parada, de 2º ESO, que tamén obtivo un premio no Certame de Relatos Curtos das ANPAS de Pontevedra.
Este alumnado permítenos reflexionar sobre o seu método de traballo, de cales son os seus referentes literarios, como se inspiraron para faceren os seus relatos e, sobre todo, como se senten despois de ser gañadores destes premios literarios. E moito máis, neste episodio de Cercáronme as Ondas.

Podedes acceder a máis información na nosa web, a web do IES Mendiño.

Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

A semaniña enteira arrincou no IES Mendiño xa este venres 14 de febreiro: toda unha declaración de amor á lingua. E fíxoo acollendo a tres alumnos Erasmus da USC, que nos viñeron falar do galego. Así, como o ledes. Levan aquí só cinco meses mais xa falan galego con total corrección (algúns) e outros, que aínda non o dominan tanto, non nos impresionaron tanto coa súa dicción, mais souberon trasnmitirnos a importancia de manter unha lingua viva. E dínnolo alumnos de lugares onde xa perderon a súa (o caso do alsaciano) ou están a piques de perdela (o caso do napolitano). No programa de hoxe, Érika e Ismael, de 2º de Bacharelato, conversan con Sara (coordinadora Erasmus da USC), Sean (da Universidade de Montana, EEUU), Ciro (de Nápoles, Italia) e Chimène (de Alsacia, Francia).

Podes consutar máis información e a web do podcast na páxina do IES Mendiño.

CRÉDITOS:

• Sintonía:The following music was used for this media project:
  • Music: _Wholesome_ by Kevin MacLeod
    Free download: https://filmmusic.io/song/5050-wholesome
    License (CC BY 4.0): https://filmmusic.io/standard-license
    Artist website: https://incompetech.com

Non todos os días recibimos no centro a un escritor. No programa de hoxe, entrevistamos ao redondelán Roberto Samartim, que veu ao Mendiño convidado polo noso Club de Lectura, e co que puidemos conversar sobre "O livro do dragom", o seu primeiro poemario, recén saído do prelo.
Nunha moi agradable sesión, resaltamos unha das frases do autor despois da participación do alumnado. El, antigo antigo do IES Mendiño comenteu: !Neste centro non fun tan feliz coma agora, neste momento. É iso que non foron anos malos".

Podes consutar máis información e a web do podcast na páxina do iesmendinho.

CRÉDITOS:

• Sintonía:The following music was used for this media project:
  • Music: _Wholesome_ by Kevin MacLeod
    Free download: https://filmmusic.io/song/5050-wholesome
    License (CC BY 4.0): https://filmmusic.io/standard-license
    Artist website: https://incompetech.com

Velaquí a nosa primeira entrevista do curso 2024/25. Pola nosa emisora pasou Xandre Vázquez, artista redondelán que nas últimas semanas nos acompaña a carón do noso centro co Circo Pinocho, do que é director e propietario. Se queredes saber máis da súa traxectoria e aventura empresarial, dádelle ao play! Aos micrófonos Estela, Sara e Artiom, alumnado de 2ESO C.

Podes consutar máis información e a web do podcast na páxina do iesmendinho.

CRÉDITOS:

• Sintonía:The following music was used for this media project:
  • Music: _Wholesome_ by Kevin MacLeod
    Free download: https://filmmusic.io/song/5050-wholesome
    License (CC BY 4.0): https://filmmusic.io/standard-license
    Artist website: https://incompetech.com

A entrega dos Óscar sempre é unha boa excusa para investigar sobre os xéneros cinematográficos máis exitosos na taquilla, e as bandas sonoras que as acompañan. Neste curso, o alumnado de 4º de ESO de Música fixo as súas quinielas sobre as candidaturas presentadas e elexiron as que lle resultaron máis interesantes tanto no aspecto cinematográfico como musical.
BARBIE
A  canción composta pola archicoñecida Billie Eillish, comeza cunha reflexión da protagonista, que está nunha marea de dúbidas  sobre a súa existencia, pois está en conflicto coa súa identidade. Barbie ilustra o cansancio de moitas mulleres ante a sociedade  e o  machismo estrutural. O miolo do significado de What Was I Made For?  é sobre madurar, redescubrirse e ter coraxe  para amosar a súa nova identidade aos demáis. Esta canción orixinal recibiu o premio á mellor Canción Orixinal nos Óscar 2024. Un podcast comentado por Javier Gil e Daniela Iglesias de 4º ESO A.   OPPENHEIMER
A trama deste film céntrase na biografía de J. Robert Oppenheimer, considerado como o “pai da bomba atómica” e que marca o comezo da era das armas nucleares durante a Segunda Guerra Mundial.  O creador desta banda sonora Ludwig Göransson, asocia a personalidade de Oppenheimer, nerviosa e emocional, coa tensión sonora do violín. Ao longo deste podcast, Raúl Castro e Hugo Castellano de 4º ESO A, nos comentarán aspectos de interese sobre o proceso creativo desta partitura escénica que foi galardoada neste 2024 co Óscar á mellor Banda Sonora.   WHAZHAZHE ( Os asasinos da lúa)
Mateo González de 4º ESO B, trasládanos a unha epopeia sobre a codicia, a violencia e o racismo situada na nación Osage, no estado de Oklahoma. O argumento está basado na historia real dos seus habitantes, que se enriquecen tras atopar petróleo, e dos brancos sen escrúpulos que tentan arrebatarllo. A análise musical que Mateo fai desta banda sonora nos fai entender moito mellor a música tribal de voz e percusión, e o seu significado.


Podes consutar máis información e a web do podcast na páxina do iesmendinho.

CRÉDITOS:

• Sintonía:The following music was used for this media project:
  • Music: _Wholesome_ by Kevin MacLeod
    Free download: https://filmmusic.io/song/5050-wholesome
    License (CC BY 4.0): https://filmmusic.io/standard-license
    Artist website: https://incompetech.com

Remata un novo curso e rematamos a actividade de RQR, a radio do IES Mendiño, cunha entrevista á alumna co mellor expediente deste ano: un 13,3 sobre 14. Unha mostra de esforzo académico e compromiso coa lingua e a cultura galega.
Motos parabéns Antía Martínez Lago e moitos éxitos na túa carreira de Medicina.

Podes consutar máis información e a web do podcast na páxina do iesmendinho.

CRÉDITOS:

• Sintonía:The following music was used for this media project:
  • Music: _Wholesome_ by Kevin MacLeod
    Free download: https://filmmusic.io/song/5050-wholesome
    License (CC BY 4.0): https://filmmusic.io/standard-license
    Artist website: https://incompetech.com

No programa de hoxe entrevistamos a Brais Morán, alma Mater de grupos de música funk e disco como Loretta Martin ou banda da que gozamos hoxe un concerto agasallo pola participación na "Semaniña enteira": Brais Morán e Nasaufunk. Falamos con el da música galega, pasada, presente e futura. A entrevista foi elaborada polo alumnado de 1ESO e locutada por Pablo e Mía. Agardamos que vos guste.

Podes consutar máis información e a web do podcast na páxina do iesmendinho.

CRÉDITOS:

• Funk Salvaxe,  Brais Morán & NASAUFUNK, a banda que encabeza o noso entrevistado.
• Sintonía:The following music was used for this media project:
  • Music: _Wholesome_ by Kevin MacLeod
    Free download: https://filmmusic.io/song/5050-wholesome
    License (CC BY 4.0): https://filmmusic.io/standard-license
    Artist website: https://incompetech.com

Neste novo programa entrevistamos a Gabri Fuentes Míguez. Un exalumno do Mendiño, que hoxe é un dos comunicadores mais importantes do país: guionista e editor do Dígocho eu! (entre outros).
Gabri veu moderar unha charla (en formato podcast) sobre saúde cardiovascular que organizou o Departamento de Bioloxía e a Unidade de Cultura Científica da UVigo, co gallo da celebración do Día Mundial da Saúde. E aproveitamos para falar con el das súas múltiples facetas profesionais.
A entrevista foi elaborada polo equipo da radio, locutada pola profe de galego Olga, apoiada polo alumnado de 2BacB.

Podes consutar máis información e a web do podcast na páxina do iesmendinho.

CRÉDITOS:

• Outono, do grupo Acouga, do que o noso entrevistado forma parte.
• Sintonía:The following music was used for this media project:
  • Music: _Wholesome_ by Kevin MacLeod
    Free download: https://filmmusic.io/song/5050-wholesome
    License (CC BY 4.0): https://filmmusic.io/standard-license
    Artist website: https://incompetech.com

Esta semana visitounos no centro Luís Crespo, o director do Festival Internacional de Títeres de Redondela. Veu deixar información do festival e aproveitamos para falar con el sobre esta edición especial, xa que o Festival celebra o seu 25 aniversario. Contounos do pasado, do presente, do futuro, e deixounos algunhas novidades. Podedes escoitalas aquí. Nos micrófonos Carlota e Pedro, alumnado de 4º PDC, que foi o grupo que elaborou a entrevista, coa axuda da profesora do Ámbito Comunicativo. 
Podes acceder a toda a información e o resto de contidos na nosa web: https://iesmendinho.com


Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

O vindeiro 27 de marzo celébrase o Día do Teatro, mais a celebración adiántase ao 21 de marzo, e no Concello de Redondela celebrámolo aínda un día antes e xa hoxe, mércores 20, gozamos dun dos mellores espectáculos da escena teatral galega actual: a versión dramática da obra "O porco de pé" de Vicente Risco, adaptada por Pepe Sendón e dirixida por Quico Cadaval. Unha produción da compañía Excéntricas que conta cun elenco de luxo: Patricia Vázquez, Víctor Mosqueira e Evaristo Calvo. Tres veteranos do teatro galego que fan un traballo actoral impactante, encarnando a múltiples personaxes cada un, e que accederon, ao final da función, a que os entrevistaramos para coñecer máis sobre a obra e sobre o seu traballo nela. Sobre o teatro e sobre a vida dos teatreiros. Unha charla que foi un pracer para nós e que queremos compartir con vós. Agardamos que vos guste.
Aos micrófonos Nico e Maeloc, alumnos de 2º de Bacharelato. No guión e gravación Olga Nogueira. E na edición José Antonio.

Podedes acceder a máis información na nosa web, a web do IES Mendiño.

Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

Un ano máis o IES Mendiño bota a andar, xunto con outros dous centros de secundaria de Redondela, a actividade "Unha Semaniña Enteira". Unha actividade coordinada desde o Departamento de galego e que busca mellorar e avaliar a oralidade do noso alumnado, animándoos a falar en galego durante sete días. Para isto é fundamental a complicidade de todo o centro (profesorado e persoal) e das familias. Desde aquí o noso agradecemento a todos eles polo esforzo e a ilusión que lle puxeron estes sete días. A valoración do alumnado é moi positiva e animan a seguir coa actividade no futuro.
Participaron no programa Anxo Lusquiños (pai dunha alumna do centro), Carme Vallejo (docente de economía), Fon Conde (encargado da cafetaría do centro) e unha parte do alumnado do equipo de radio: Mara e Lucía de 2º da ESO, Hugo de 3º da ESO e Nico e Maeloc de 2º Bacharelato. O programa estivo conducido por Olga Nogueira (profesora de galego e coordinadora da radio) con Maeloc aos mandos. A edición fixérona Nico e José Antonio Martínez.

E no último programa deste curso, o alumnado de 1º da ESO C, representado por Sabela e Antía, entrevistaron ao presidente (José Antonio) e exsecretario (Norberto) do Obradoiro de Estudos Locais Fernando Monroy, de Cesantes. Unha asociación coa que o noso centro colaborou recentemente nunha limpeza do río Pexegueiro e que nos viñeron falar das súas actividades presentes e futuras. E, entre elas, a convidarnos a participar no Concurso Fotográfico que celebran cada ano e que conta cunha modalidade xuvenil dotada con 150€ en premios. E cun premio de 250€ á mellor fotografía! É para pensalo, verdade? Pois, a gozar da fotografía no verán e, se vos presta, a tentar sorte na vindeira edición do certame, que se presenta a finais de agosto. Que pasedes unhas moi boas vacacións e até a volta!


Podedes acceder a máis información na nosa web, RQR, a radio do IES Mendiño

Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

O alumnado do Equipo de Radio é ousado e, este curso, quixo coñecer o centro máis a fondo. Por iso fixo enquisas entre os seus compañeiros, entrevistas entre o profesorado, elaborou estatísticas e chegou ao fondo. Ao fondo das mesas, ao fondo dos petos dos suadoiros, ao fondo das mangas das cazadoras... fondos onde, por veces, se agochan as chuletas. Esas armas de dobre fío que, o mesmo te achegan ao aprobado que te catapultan ao cero máis absoluto.
A copia forma parte da aprendizaxe, pero a honestidade máis. Por iso o Equipo de Radio non se responsabiliza das opinións verquidas polos seus compañeiros e compañeiras, que cómpre tomar por veces máis froito da imaxinación ca de ningunha realidade vivida, e anima a apostar pola intelixencia natural. A apostar por seguir sendo persoas de fiar.

Podedes acceder a máis información na nosa web, RQR, a radio do IES Mendiño

Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

Neste curso escolar estivo en marcha no IES Mendiño o noso club de lectura, Lemendiño. Funcionou como un espazo que uniu a alumnado e profesorado e persoal do centro arredor da lectura. Como novidade, este ano no canto de libros e obras completas, adicámonos a pequenos artefactos lectores, que non soamente había que ler, senón que había que interpretar e recrear de múltiples formas. A longo dos tres trimestres, nos 30 minutos do recreo, a biblioteca acollía, cun chocolate con churros, a quen quería gozar coa lectura doutro xeito. Falamos dos nosos principios literarios, aventurámonos en cidades invisibles da man de Italo Calvino, voamos coa poesía, e rematamos co xogo colaborativo do invisible lectores. Tamén gozamos da visita da xenial autora Eva Mejuto.

Podedes acceder a máis información na nosa web, RQR, a radio do IES Mendiño

CRÉDITOS:
Toda a música deste capítulo ten licencia CC 4.0, grazas a https://filmmusic.io/standard-license
The following music was used for this media project:Music: Imagefilm 019 by Sascha EndeFree download: https://filmmusic.io/song/390-imagefilm-019License (CC BY 4.0): https://filmmusic.io/standard-licenseThe following music was used for this media project:Music: Die Gedanken sind frei (zum Mitsingen/Karaoke) by Sascha EndeFree download: https://filmmusic.io/song/337-die-gedanken-sind-frei-zum-mitsingenkaraokeLicense (CC BY 4.0): https://filmmusic.io/standard-licenseThe following music was used for this media project:Music: Emotional Piano Improvisation by Alexander NakaradaFree download: https://filmmusic.io/song/6199-emotional-piano-improvisationLicense (CC BY 4.0): https://filmmusic.io/standard-licenseThe following music was used for this media project:Music: Old Walls by Frank SchroeterFree download: https://filmmusic.io/song/6706-old-wallsLicense (CC BY 4.0): https://filmmusic.io/standard-licenseThe following music was used for this media project:Music: Epic Intro 2017 by Sascha EndeFree download: https://filmmusic.io/song/558-epic-intro-2017License (CC BY 4.0): https://filmmusic.io/standard-license
Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

No programa desta semana entrevistamos catro alumnos e alumnas do centro que destacan polos seus éxitos deportivos e/ou musicais. Alumnado que compatibiliza os estudos no instituto con estes outros estudos / actividades fóra do centro, e que nos falan do sobrecusto que isto lles supón en determinados momentos. Sirva este programa como recoñecemento ao seu esforzo e aos seus éxitos.
Tanto o alumnado entrevistador como o entrevistado cursan 3º da ESO no IES Mendiño.

Podedes acceder a máis información na nosa web, RQR, a radio do IES Mendiño

Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

No programa de hoxe traemos unha escolma dos traballos sobre nutrición e a ciencia, realizados polo alumnado de 2º ESO, en concreto na materia de Promoción de Estilos de Vida Saudable.
Sabes cantos tipos de dieta existen? Sóanche a dieta hipocalórica, a proteica, a atlántica, a detox ou a lixo? Pois non te preocupes, porque o alumnado do IES Mendiño vaichas ensinar. Mais como elas din, cun carácter puramente informativo, para saber as diferenzas entre os distintos tipos de dieta. Así, se o que queres é mudar a túa dieta, xa sabes, tes que ir a un nutricionista!
Participa o alumnado de 2º ESO:
- Xandre, coa dieta lixo.
- Antía, coa dieta detox.
- Ainhoa, coa dieta vexetariana.
- Joel, coa dieta vegana.
- Estrella, coa dieta xaxún.
- Ana Lía, coa dieta hipocalórica.
- Lucas, coa dieta hipercalórica.
- Mara, coa dieta paleo.
- Iago, coa dieta milagre.
- Naiara, coa dieta atlántica.

Podedes acceder a máis información na nosa web, RQR, a radio do IES Mendiño

Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

Pasou polos estudos de RQR Xosé González Martínez, un gran traballador a prol da lingua galega, como deixou patente coas innumebles iniciativas que desenvolveu coma funcionario do Concello de Redondela durante moitos anos.
Un intelectual que segue moi activo a través da súa participación en diferentes publicacións, así como ás súas achegas en diferentes xornais galegos.
Veu ao IES Mendiño, convidado polo EDL do centro, para falar ao alumnado de 1º de Bacharelato da figura de Francisco Fernández del Riego, un gran amigo del, a quen como sabedes se lle dedica este 2023 o Día das Letras Galegas.
E como non!, acompañados na responsable de EDL do IES Mendiño, Teresa Monteagudo, Rubén Darriba, alumno de 2º ESO faille unha entrevista que nos vai permitir achegárnos á súa visión sobre a situación da lingua galega e as súas perspectivas de futuro.

Podedes acceder a máis información na nosa web, RQR, a radio do IES Mendiño

Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

Anecdotario redondelán é un blog sostido polo incansable traballo de Juan Migueles. Cultura, historia, arqueoloxía, cine, xeografía, paisaxe, fotografía, música e unha infinidade de cousas máis teñen acubillo neste espazo da rede.
Desde a materia de Paisaxe e Sostibilidade do IES Mendiño quixemos facer unha pequena homenaxe ao blog e ao seu autor; así como pedir a quen ten asignadas as responsabilidades de protección e promoción do patrimonio que iniciativas como o Anecodotario redondelán non desaparezan.

Podedes acceder a máis información na nosa web, RQR, a radio do IES Mendiño

Sintonía:The following music was used for this media project:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com

Un ano máis, celebramos o día das Letras Galegas. Nesta ocasión homenaxeando un home cuxo activismo a prol da lingua e da cultura galega resultou fundamental nun momento duro da nosa historia. Un home que, entre outras cousas, axudou a instituír esta mesma celebración.
Desde o centro propuxémoslle ao alumnado unha actividade epistolar (xénero do que moito gostaba don Francisco Fernández del Riego, máis coñecido como don Paco): que lle escribisen unha carta a el contándolle como ven eles a lingua e cultura galega actuais. Seleccionamos uns breves anacos destas cartas, de distintos niveis educativos (de 1º da ESO a 1º de Bacharelato), a modo de exemplo.
E rematamos cunha reflexión final sobre a situación da lingua galega a través de tres profesoras do departamento de galego do centro.

Podedes acceder a máis información na nosa web, RQR, a radio do IES Mendiño

Música:
Música que acompaña as cartas do alumnado:
Music: Sunny Serenity [Full version] by MusicLFiles
Free download: https://filmmusic.io/song/10849-sunny-serenity-full-version
License (CC BY 4.0): https://filmmusic.io/standard-license

Sintonía:
Music: _Wholesome_ by Kevin MacLeod
Free download: https://filmmusic.io/song/5050-wholesome
License (CC BY 4.0): https://filmmusic.io/standard-license
Artist website: https://incompetech.com