У апошнім выпуску першага сезона мы размаўляем з паэткай і рэдактаркай часопіса Таўбін Крысцінай Бандурынай. Крысціна раскажа, як яна змянілася як паэтка, ці плануе новую кнігу вершаў, што з’явілася новага ў беларускай паэзіі цягам апошніх гадоў і чые вершы любіць чытаць.

Чарговай госцяй подкаста стала паэтка, журналістка і даследвальніца Алена Бабіч. Мы пагаварылі з ёй пра цяжкасці самавызначэння, глыбінную радасць ў жыцці і вершах, тонкую паэзію Ўсходу і магчымасць першай паэтычнай кніжкі.

Сёння я буду размаўляць з паэткай, пісьменніцай і актывісткай Валерыяй Ваўкагонавай. Разам мы пашукаем адказы на пытанні, як гэта - быць беларускай паэткай ці паэтам сёння, пра магчымасць і немагчымасць вяртання ў Мінск, а таксама пра любімыя вершы паэткі.

Гостя навага эпізоду - паэтка Ганна Комар. З ёй мы пагаварылі пра страхі, перапрацоўку траўмаў у паэзію, дакументальную паэзію і апошні зборнік вершаў «Трыпутнік». Таксама разам з Ганнай мы паразважалі пра тое, як захаваць сувязь з чытачамі і чытачкамі ў Беларусі і матывацыю пісаць вершы.

Наша госця сёння - пісьменніца, перакладчыца і паэтка Ганна Янкута. З выпуску вы даведаецеся, як даўно Ганна піша і перакладае вершы, ці лічыць яна сябе паэткай, як і чаму з’явілася яе паэтычная кніга Геалогія/Канстытуцыя і яшчэ шмат чаго цікавага. 

У новым, ужо ліпеньскім выпуску падкаста, тоні лашдэн раскажа, як і калі пішуцца вершы пра настальгію па Беларусі і сэкс, як ён выбірае мову сваіх тэкстаў, раскажа, чаму пісьмо - гэта цялеснае перажыванне, а таксама параіць цікавых кніжак. 

У чарговым эпізодзе нашага падкаста мы сустрэліся з паэтам і фатографам Арцёмам Мельніковічам, каб паразважаць пра сувязь паэзіі і фатаграфіі, ролю шматлікіх паэтычных мерапрыемстваў, а таксама пра аўдыторыю, кантэкст і ідэальны паэтычны зборнік.

Наша госця сёння - Вольга Касцюк. У гэтым эпізодзе мы размаўляем пра цяжкасці самавызначэння, паэтычнае шматмоўе, а таксама пра падабенствы і адрозненні беларускай і новазеландскай паэзіі. 

Сёння госця падкаста - паэтка і пісьменніца Марыя Літвін. Мы пагаворым з ёй пра працэс пісьма, традыцыю недагаворвання і маўчання, а таксама пра аўтафікшан і дэкаланізацыю. 

Першая госця падкаста - паэтка Ганна Шакель. З эпізоду вы даведаецеся, якія тры чарапахі яе трымаюць, калі апошні раз Ганна здзіўлялася паэтычнай моцы, а таксама, ці плануе паэтка пісаць новыя вершы. 

У першым сезоне падкаста мы будзем размаўляць з аўтаркамі і аўтарамі часопіса пра паэзію, рыфму і верлібры, немагчымасць і матывацыю пісання тэкстаў, а таксама пра іх любімыя вершы. 

Нашыя героі і гераіні - людзі з адной кніжкай, без кніжак, з мноствам кніг. Яны маладыя і не вельмі, жывуць у Беларусі і па-за яе межамі, пішуць па-беларуску, па-польску, па-англійску, на многіх іншых мовах. Яны - тут і зараз фармуюць тое, што мы называем сучаснай беларускай паэзіяй. 

Давайце з імі знаёміцца разам!