"Be kind. You never know what they are going trough."
Es Zitat wo mich scho i minere Kindheit prägt het. In Folg 10 bring ich eu nöcher, wieso ich das Zitat für wichtig empfinde.
Jede vo eus trägt en unsichtbare Rucksack mit sich. Bi manche isch er schwerer, bi andere leichter. De unsichtbare Rucksack chan jede erdrücke. Drum wärs schön, wenn mir fründlich und verständnisvoll zueinander sind - mir wönd ja nöd, dass mir öpperem no meh Gewicht hinzufüget.
Für meh Inspiratione folg @bambiherzpodcast uf Instagram.
Hello und welcome back bi Bambi Herz <3
Die 8-Wüchigi Sommerpause het mir de Raum geh, en neui Einstellig zu mim Herzensprojekt z'finde. Ich han glernt, wie wichtig es isch, würkli hinder dem was mer macht stah, und sich nöd vo fremde Meinige beeinflusse lah .
Wieso das so zentral isch und wie ich zu dere Erkenntnis cho bin, das erfahrsch, wenn du drilosisch.
Für meh Inspiratione folg @bambiherzpodcast uf Instagram.
Ihr hends gwünscht, ich hans glieferet: Feelings Teil 2. Mir ziehnd in dere Folg wieder vier Frage und beantwortet sie spontan:
✨Beschrieb en Moment wo en act of kindness dis Herz berührt het.
✨Wie chan mer usdrucke, dass mer personal space vo öperem brucht ohni die Person z’verletze?
✨ Wo bechunsch du s’Gfühl vo Zugehörigkeit?
✨ Wie gasch du mit Stress um?
Es wür mich freue wenn ihr eui Gedanke zu dene Frage mit mir teile würdet.
Administrativi Information:
📆 Nach dere Folg gits en Sommerpause vo 8 Wuche.
📆 Nach dere Sommerpause wird jewils jede letzte Sunntig vom Monat en neui Folg online cho.
Ich wünsche eu en schöne Summer! 🌞
Für meh Inspiration folg @bambiherzpodcast uf Instagram.
Mir kennets all - es Thema, wo unschön isch, aber dennoch mengisch notwendig isch: Strit.
Ich versuch eu en anderi Sicht uf en Strit ufzeige, und erklär, wieso minere Meinig nah en Strit au sinnvoll sii chan und wie mer erwachse und konstruktiv stritet.
Passend dezu gib ich eu en Usblick is Buech “Das Kind in dir muss Heimat finden” vo de Stephanie Stahl.
🎙️ Jede 2. Sunntig chunt en neui Folg vo Bambi Herz. Für meh Inspiration folg @bambiherzpodcast uf Instagram. ✨
Seisch du „Ja“, obwohl du „Nei“ meinsch? Lahsch du Sache über dich ergah und passisch dich immer wieder ah, nur will du niemert enttüsche willsch? Wenn das so isch, chönt das es Zeiche sii, dass du dini Grenze (no) nöd gsetzt hesch.
In dere Folg rede ich drüber, was emotionali Grenze sind, warum sie so wichtig sind und Tipps wie mer so en Grenze ufsetze chan - verknüpft mit mine eigene Erfahrig.
🎙️ Jede 2. Sunntig chunt en neui Folg vo Bambi Herz. Für meh Inspiration folg @bambiherzpodcast uf Instagram.
In de hütige Folg zieh ich spontan drei Karte – jedi mit einere Frag, wo unter d'Oberflächi gaht.
✨ Wer oder was schätz ich im Moment am meiste in mim Lebe?
✨ Was isch en Ratschlag, wo ich gern gib, aber selber schwierig find zum umsetze?
✨ Was isch s'bedütendsti Kompliment, wo ich je becho han?
Ich nimm dich mit in mini Gedankewelt, beantworte d'Fragene ehrlich und lad dich i, selber z'spüre, was sie mit dir machet.
🎙️ Jede 2. Sunntig chunt en neui Folg vo Bambi Herz. Für meh Inspiration folg @bambiherzpodcast uf Instagram.
"Therapie? Ich bin doch nöd geistesgstört." - en Satz, wo bi vielne immerno tief verankert isch. In dere Folg verzell ich dir vo mine eigene Erfahrige mit Therapie und red über die gängigste Vorurteil, wo dezu führet, dass viel z'lang wartet, bis sie sich Hilf holet.
🎙️ Jede 2. Sunntig chunt en neui Folg vo Bambi Herz. Für meh Inspiration folg doch @bambiherzpodcast uf Instagram.
Hend ihr eu au scho mal Gedanke über de Tod gmacht? Het eu das Angst gmacht?
Wenn ja, denn sind ihr nöd allei - mir isch es in de letzte paar Mönet genau glich gange. Durch de Verlust vo mim guete Kolleg han ich müesse lerne, wie mer mit em plötzliche Tod umgah chan und wie mer die Angst vor em Tod in Griff bechunnt. In dere Folg red ich über mini Erfahrige und was ich us dem mitgno han.
* Us Respekt und zum Schutz vo de Privatsphäre verwend ich anderi Näme.
🎙️ Jede 2. Sunntig chunt en neui Folg vo Bambi Herz. Für meh Inspiration folg doch @bambiherzpodcast uf Instagram.
In dere Folg sprich ich drüber, warum Gfühl nöd bewertet werde söttet.
Die Thematik gliedere ich in vier Bereich: d'Unterdrückung vo Gfühl, s'Verständnis und d'Akzeptanz, s'Cho und Gah vo Gfühl sowie d'Bedütig vo tüfere Verbindige. Anschliessend reflektier ich, inwiefern en Bewertig nach Intensität, Wirkig und Herkunft dennoch sinnvoll sein chan. Zum Schluss teil ich es 5-Schritte-Tool mit dir, das dir hilft, das Besprochene konkret in dim Alltag umzsetze.
🎙️ Jede 2. Sunntig chunt en neui Folg vo Bambi Herz. Für meh Inspiration folg @bambiherzpodcast uf Instagram.
In dere erste Folg lad ich dich i, mit mir zeme de Ursprung vo mim Podcast Bambi Herz z'entdecke. Ich erzähl dir, warum’s mehreri Anlauf brucht het, bis die Folg würklich is Lebe cho isch – und wie ich debi glernt han, dass Unsicherheite und Neuanfäng oft Hand in Hand gönd.
D’Idee für de Podcast begleitet mich scho sit Endi 2020. In dere Folg mach ich mis Herz uf und teil mit dir, wie die Vision langsam is Wachse cho isch, was mich debi inspiriert het und warum ich en Raum wot schaffe für d’Gfühl, wo im Alltag so schnell z'kurz chömed.
Ich rede au über persönlichi Erlebnisse us mim berufleche Weg, wo mich tief berührt hend.
Wieso de Podcast Bambi Herz heisst, erfahrsch du in dere Folg.
🎙️ Jede 2. Sunntig chunt en neui Folg vo Bambi Herz. Für meh Inspiration folg @bambiherzpodcast uf Instagram.
Schön, dass du da bisch.