من بين قاع الحاجات لي نعرفوهم،كاين حاجات بزاف منعرفوهاش و مشي واعيين بالوجود تاعها في عقليتنا و معاملاتنا، وينتا الخطرة التالية لي سقسيت روحك علاه درت هكا و بهاد الطريقة؟ ايدا مراكش عاقل،بودكاست حوشنا راه هنا باش يطرح هاد الأسئلة مع مخطارية و نصيرة، زوج خواتات يفوّتوا وقتهم فالحوش، يقرعجوا على الجديد تع الحومة و يقصروا على حكاياتها مع تخميمة شوية عميقة و پراغماتية شكون قال ناس الحوش غي تع تمنشير؟