久無參各位佇空中相逢、盤撋，最近逐家過著敢順序？ 今仔日這集節目，阮欲來吐出心內話、解說阮隨人的家庭，嘛共聽眾朋友解破：原生家庭對咱的影響有偌大？爸母無限的支持，抑是欠缺的愛，會晟養成無仝款的囝兒；家庭的互動氛圍嘛致使著囡仔另逝進入一段relationship的時陣會有各種模式，有的感覺查埔人攏僥倖、白賊七，有的煞咧共清彩nauh的花言巧語信篤，有的愛糖甘蜜甜，有的甘願隨人過日，其中原因是按怎？無妨聽看阮來破籤詩。除了爸母扮演的角色以外，厝裡的排行嘛影響誠大，長女病、屘仔囡，大漢細漢精差佇佗，望逐家斟酌聽，加共思考！