10-5-2022 မြဝတီ၊မဲဆောက်၊ မြန်မာ MOU လုပ်သားပထမအသုတ် ၂၈၈ ဦး ထိုင်းဝင်ရောက် . ယနေ့ (၁၀-၅-၂၀၂၂) မနက်တွင် မြန်မာ MOU လုပ်သား ပထမအသုတ် ၂၈၈ ဦးသည် ထိုင်း-မြန်မာ ချစ်ကြည်ရေးအမှတ်-၂ တံတား (မဲဆောက်) မှတဆင့် ထိုင်းနိုင်ငံသို့ဝင်ရောက်လာခဲ့သည်ဟု သိရသည်။ . အဆိုပါ လုပ်သားများကို ထိုင်းနိုင်ငံအခြေစိုက်မြန်မာအလုပ်သမားသံအရာရှိအပါအဝင် တာ့ခ်ခရိုင်မှူးဦးဆောင်သည့် ထိုင်းအာဏာပိုင်အဖွဲ့အစည်းများက သွားရောက်ကြိုဆိုခဲ့သည် သိရသည်။ . ဝင်ရောက်လာသည့်လုပ်သားများအတွက် အမှတ်-၂ လူဝင်မှုကြီးကြပ်ရေးဂိတ်တွင် ထိုင်ခုံများပြင်ဆင်ပေး ထားပြီး ထိုနေရာတွင် ATK စစ်ဆေးခြင်း နှင့် အထုပ်အပိုးများကို ဆေးဖြန်းခြင်းပြုလုပ်မည်ဟု သိရသည်။ . ထို့နောက် လုပ်သားများကို စက်ရုံမှစီစဉ်ပေးထားသောမော်တော်ကားဖြင့် လုပ်ငန်းခွင်ဆက်လက် ပို့ဆောင်မည်ဟု သိရသည်။ . ယင်းလုပ်သား ၂၈၈ ဦးသည် ထိုင်းနိုင်ငံအရှေ့ပိုင်း ချွန်ဘူရီခရိုင်ရှိ ကြက်သားစက်ရုံတစ်ခုတွင်သွားရောက် လုပ်ကိုင်ကြမည်ဟု သိရသည်။ Credit