Әлфия — Шыңжаңда дүниеге келіп, 20 жылдан астам Қытайдың мемлекеттік қызметінде істеген қазақ.
Ондағы халық тұтқындалып, лагерьге жіберіле бастағанда, бұған ауыл әкімшілігінің қызметкері Әлфия да атсалысқан. Десе де, ол не болып жатқанын және қандастары не үшін тұтқындалып жатқанын түсінбеген. Ақыры сол қайғы оның отбасына да жетті — бір күні Әлфияның шешесі лагерьге жіберілді.
Кейіпкеріміздің осы айтқан әңгімесі — Қытай қазақтарынан келіп жатқан жанайқайға толы хикаялардың бірі ғана. Қытай билігі Шыңжаңдағы мұсылман жұртты қудалап, лагерьге қамап жатқаны туралы хабар келіп жатқанына, міне, төрт жыл болды.
Қытай билігі неліктен мұсылман халықтан сескенеді? Лагерьге қазақтар да қамалған болса, біздің билік неге үнсіз отыр? Masa.media Шыңжаң лагерьлерінде нақты не болып жатқанын, қазақтар сонда қалған туыстарын босату үшін қалай күресіп жүргенін айтатын «Бауырым» подкасын дайындады.
Кейіпкерлердің қауіпсіздігі үшін олардың аты-жөні мен кейбір деректі өзгерттік.