【青少年輔導7】楊景謀老師

青少年輔導个問題，一直以來係分人真頭拿痛个事情，到底要仰般來搶救出問題个青少年咧？

今晡日真歡喜再度邀請到在屏東地方法院少年法庭，從事青少年輔導３０年个楊景謀老師，來到節目當中來聊現下［青少年輔導］个議題，仰般現下社會現象對於青少年輔導方面，會一直有一種無力个感覺呢？這一些出問題个青少年，佢等个原生家庭係仰般个情形呢？楊景謀老師係用麼个方式來解決／輔導呢？無囉嗦！歡迎楊景謀老師。

楊景謀老師希望透過佢輔導過个案例，分亻厓等社會每一个人可以思考一下，要仰般來搶救出問題个青少年。

楊景謀老師分享个案例，因為受到大人儕个影響，這細猴仔對待同學或者解決事情，都用暴力个方式，實在真得人驚。

這一些出問題个青少年，佢等个原生家庭真複雜真衰過，難怪楊景謀老師會一直大聲个呼籲，［在社會出問題个青少年，做得可以提前在家庭時節看到問題來協助麼？］，真歡喜這位暴力少年可以行入正確个道路，也真感謝楊景謀老師个付出，解決亻厓等社會个問題。