【青少年輔導4】楊景謀老師

青少年輔導个問題，一直以來係分人真頭拿痛个事情，到底要仰般來搶救出問題个青少年咧？上擺邀請到在屏東地方法院少年法庭，從事青少年輔導３０年个楊景謀老師，來到節目當中來聊，現下［青少年輔導］个議題，楊景謀老師也希望透過佢輔導過个案例，分亻厓等社會每一个人可以思考一下，要仰般來搶救出問題个青少年。

上擺講到，有一些大人儕苦毒細人仔个暴力行為，對細人仔來講係一生人个傷害，要花真多時間同社會資源來幫助細人仔來恢復正常fiˊ fug， 這个時間毋係一二個月个時間，係要長期來陪伴／關心／指導，楊景謀老師輔導个案咧，雖然有成功个案例，但是，大部份因為陪伴个時間忒短，結果就失敗了，有真多个無奈何，到底，楊景謀老師个無奈个原因係麼个咧？現下社會無人想要來做輔導青少年个工作，到底係麼个原因呢？歡迎楊景謀老師。

會造成出問題个青少年个原因真多，第一个原因係因為從事輔導青少年个工作無成就感，第二係這一些出問題个青少年，佢等原生家庭就無正常非常複雜，以致於現下社會無人想要來做輔導青少年个工作。