【青少年輔導1】楊景謀老師

青少年輔導个問題，一直以來係分人真頭拿痛个事情，到底要仰般來搶救出問題个青少年咧？

講實在，現下科技／社會按進步，網路真發逹，但是也造成蓋多个問題，尤其係對恁等青少年來講，因為年紀還小，無麼个社會經驗，所以，有真多个青少年分人騙耶啦／受到傷害啦／霸凌…等等，看到實在心蓋痛毋盼得，楊景謀老師也希望透過佢輔導過个案例，分亻厓等社會每一个人可以思考一下，要仰般來搶救出問題个青少年。

每一个人都曾經年青叛逆ngiag過，也了解這一些動不動就要同人相拼／罵三字經這一些得人驚个行為，其實係青少年成長个一種過程，亻厓等蓋幸運係有爸爸媽媽个愛／家人个陪伴，人生个路正無行差，同理心來看，對這一些出問題个青少年多一些關心，多多指導，減少伊等對社會反叛个心理，這些也係你亻厓每一个人个福氣。