بعد فترة من عبور بني إسرائيل للبحر وانشقاقه ليهم أثناء هروبهم من فرعون..  فـضّل بني إسرائيل قاعدين في سيناء شويـة ، في الفـترة دي نزل أمر من ربنا على سيدنا موسى عليه السلام إنه يعمل تابوت بأشكال مُعينة .  فسيدنا موسي امر شخص حرفي ماهر اسمه بتسلال بن أوري إنه يشرع في بناء تابوت العهد المُقدس، والي هـَيكون لُغز كبير جدًا في تاريخ الإنسانية!.  التابوت كان عبارة عن ثلاث صناديق مفتوحين من الأعلى، وكل صندوق جـُوَّة التـاني، واتقسموا كده صندوق أكبر وده الي جواه الصندوقين التانيين وده كان مصنوع من الذهب الخـالص..  الصندوق الأصـغر منه كان مصنوع من خشب السنط وجُواه أصغر صندوق والأكثـر قُدسية على الإطلاق!.  كان مصنوع من الذهب الخالص برده..  طوله ذراعـيّن ونصف وعرضه ذراع ونصـف، ليه أذرع للحمل، وإطار ذهبي بارز ..  فوقه هتلاقي تمثالين من الذهب الخالص على شكل ملائـكة..  طيب التابوت بقى موجـود بس هيتحـط جـُوَّاه إيـه..؟  بـُص يا سيدي.. .  فاكر  لما سيدنا موسى رمى اللوحين ال عليهم الوصايا العشز أول ما شاف بني إسرائيل بيعبدوا العجل، فلما وقعوا على الأرض اتكـسـروا ..  فعلى حسب العهد القـديم ربنا أمر سيدنا موسى أنه يكتب على لوحين جُداد كل الي كان على اللوحين القُدام ويُحطهم في التابوت..  كمان لو فاكر كان في مُعجزة لبني إسرائيل أثناء فترة التيه والي امتدت أربعين سنة، من ضمن المُعجزات في الفترة دي كان وجـود غذاء أو طعام بينزل علبهم من السماء اسمـه "المـَّن" ..  فتم وضع في واحد من الصناديق دي جـرَة من الـمـَّن..  وكمان نُسخة التـوراة الأصلية، وعـصا موسى عليه السلام المعروفة  التابوت ده كان بيتم وضعـه في الخـيمة المُقدسة ودي كانت زيّ مكان عبادة مُتنـقل لبني إسرائيل في فترة التـيه بسبب عدم استقرارهم في مكان معين ،  المُهم إن بني إسرائيل بعد وفاة سيدنا موسى عليه السلام..  كانوا بيـحملوا التابـوت ده على أكتافـهم أثناء الحـروب لحد ما فتحوا كنعـان "فلسطين" على يد النبي يوشع بن نون وكان بالنسبة لهم شيء ضروري عشان يقدروا يكسبوا الحروب ويواصلوا الإنتصـارات..  بص هو مش تميمة حظ إنما لما نيجي عند ذكره في القرآن الكريم بـنلاقي ربنا قال عنه وسمّـاه تابوت السـكينة..  يعني من الاخر بيطمنوا بسببه المُهم..إن بني إسرائيل فعـلاً وهم معاهم التابوت مكنوش يخسروا حرب أبدًا لدرجة إن الأقوام التانية لاحظت أهمية التـابوت ده..