السنوات الأخيرة بتكشف لنا أنه مع زيادة وتيرة الحداثة وسيطرتها على مسار حياتنا، بل حتى في مين يدّعي على فزيولوجيا جسمنا وطرق تكوّننا .. كل ما تزيد الوتيرة بزيد معها احتكار التقنيات من شركات محدودة .. ولا يقل خطورة أن كــــــل هذه الماكنة العملاقة من الشركات اللي تؤوي عشرات آلاف المهندسين كل واحدة، والبُنى التحتية عابرة القارات والقوانين والإعلانات وغيره .. ممكن بشي غلطة عابرة لمهندس أو طاقم .. تتعطّل وتوقف حياتنا .. بل حتى تهدد صحتنا لما بتوقف عمل المستشفيات أو حركة المطارات .. وبالنسبة للبعض بتوقف المكيّفات اللي تعمل على الحواسيب. 

لهذا وأكثر .. في احتياج متكرر أننا كبشر عامة ومجتمع عربي خاصة - نوقف ونفهم الأبعاد لكل هذا الكم من المتغيّرات اللي شكّلت حياتنا من جديد .. واليوم في صوت التك .. البودكاست مع أحد الباحثين مع باع طويل .. يجمع بين المعرفة التقنية والتأثير الاجتماعي .. ونتساءل وإياه - شو تغيّر فينا لمّا لمّة العيلة تحوّلت لجروب الواتساب؟ والصراعات بين الدول لتبادل اتهامات على أمن معلومات وسايبر؟ والمظاهرات اللي كانت بالشوارع واستبدلت بـ بوست وستوري .. اللي حتى عليهن يتم ملاحقتنا وحتى احتمالية السجن وبالتالي لا رفع يد بمظاهرة ولا لايك ع ستاتوس .. وغيرها الكثير. 

عدد خاص، نتشرف فيه مع قامة أكاديمية راح نسعد بالاستماع لتحليلاته وللقصص اللي بجعبته.

استمعوا للحوار الذي يستضيف من خلاله المدوّن التقني أنس أبو دعابس، ضيف الحلقة بروفيسور أمل جمال  - عميد كلية العلوم الاجتماعية بجامعة تل ابيب. باحث في مجال النظرية السياسية والاتصالاتية المقارنة والفكر السياسي وعمليات الدمقرطة والمجتمع المدني، مدير فرع الاتصال السياسي في قسم العلوم السياسية في جامعة تل أبيب، سابقا شغل منصب مدير عام مركز إعلام للحريات الإعلامية في الناصرة.

============

لا تنسوا تفعيل زر الاشتراك الموجود في تطبيقكم تصلكم حلقاتنا الأسبوعية مع الضيوف والمواضيع التقنية.

لملاحظاتك واقتراحاتكم: anas.dabes@gmail.com

أو عبر قناة التليجرام الخاصة: https://t.me/sowteltech

صوت التك، بودكاست تقني من انتاج “راديو الناس”، الناصرة