الفرق بين الحب والعشق زي القمر والنجوم من بعيد شبه بعد بيعملو وتحس نفس الاحساس
بينورولك الضلمه من بعيد
بس الحقيقه ان دا صخر صلب ودي شمس كبيره
حاجه تعكس جمال والتانيه الجمال نفسه
ممكن تحس ان الحياه حلوه مع حد .. بس ان الحياه تبقي لحد احلي
الحب في حد ذاته ادمان
فما بالك انك تدمن ادمانك لشخص
وتحب معاناتك معاه
القسوه الي جواها الحنان والغضب بيهدي بلمسه او بكلمه
تعرف كل داء. دواه من اصله
فا يا هوي دواك ايه ؟
وزي ما سالتك الفرق بين النجم والقمر اي الفرق بين الهوي الهوا غير رسمه حرف اليه
واحده بتكتب ساكنه والتانيه مفتوحه
واحده سكنت قلبي والتانيه آحيت نبضه
لو عالجت لادمان بالحرمان فا الموت محتم في الحالتين
فا يا مخدر الامي يا ادماني ..
يا هوي تنفسه زي الهوا يا ريح عتيه خلت شقوقي بحر حنان
يا بركان ثار من غيرتي
ويا سما ضمت اراضيه ويا ارض حفظت سكوني
يا قمر عاكس شمسك وياليل منور بنجومك
قولي اي الفرق بين النجم والقمر والهوا والهوي
غير ناس من بعيد مداقتش طعمك
ولا شمتك جنتك
يا ربي خلقت العالم و زينت اراضي واراضي بالوان و خلق و اصناف
و خلقت عبدك وسكنته قلب مش محتاج اسافر عشان اشوف وانا شايف الجمال في شخص
فا يا ادماني افتكر حروفي الي برسمهالك
" اجود والمع الماس بيطلع بعد ضغط كبير للفحمه السوده محتاج تتحمل وتحفر وتتعمق عشان تلاقي الماسه بعد معانتها "
وانا حفرت العالم لحد ما لاقيتك .