بكره وحدتي وبهوي انعزالي
خايف يجري العمر وانا لسه في احلامي
خايف مخدتش بالي من الموج الي بيسحبني والاقيني فجاه وسط البحر غريق
خايف احزاني تموتني
خايف يجي بكره وينسي شمسه او ليل ينسي قمره
زي ما ليلي ناسي قمره وطفي شمسه فا طفت نجومه
البرد والظلمه والام الي في كل انفاسه
والقسوه الي بتتحرك زي الريح تخبط وشك فا تجزعك وتكسرك
وما يطيب غير الحب .. الي في الهوا زي البخار ولا قادر تمسكه ولا حتي تشمه
واي يا قلبي اه يا اضعف من ورقه شجر في الخريف مستنيه بس لمسه فا تتفتت وتطير
ويا قلبي ليه .. والف ليه
صبرت علي الدوده فا بقت فراشه وخليت منها العالم الوان طارت فيه
السما ضل والارض مسكن والهوا ريح والفضا حضن
زي ما العسل محتاج وجع قرص النحل كمان دا الحال
الحب اساسه عذاب قبل ما يبقي رحمه
بس مين يستحمل عذابه
قلبي كان اضعف من ورق الخريف لحد ما اتفتت في ترابك وانبت بساتين الورد الي بتدبل من جفاف السما
صبر البستان لكتير مستني حبه مطر وكنت انت الغيث
استنيت قطره صغيره تروي وكنت انت سيل
وسقيت بساتيني
بس الشمس قاسيه وجفتت ترابي وشايف ارضي بتشقق
ورجع الحب يقسي ويعذب
ورجعت السما تطفي نورها ورجع البرد يقسي
واه يا قلبي يا اضعف من ورق شجر الخريف